ਦਿੱਲੀ ‘ਚ ਅੱਜ ਤੋਂ ਹੋਰ ਰਾਜਾਂ ਤੋਂ ਆਉਣ ਵਾਲੇ ਪੁਰਾਣੇ ਵਾਹਨਾਂ ਦੀ ਐਂਟਰੀ ‘ਤੇ ਪਾਬੰਦੀ ਲਗਾ ਦਿੱਤੀ ਗਈ ਹੈ। ਜਾਣੋ, ਕਿਹੜਿਆਂ ਵਾਹਨਾਂ ਨੂੰ ਇਸ ਪਾਬੰਦੀ ਤੋਂ ਛੂਟ ਮਿਲੇਗੀ।

1November 2025 Aj Di Awaaj

National Desk ਦਿੱਲੀ-NCR ਵਿੱਚ ਵਧਦੇ ਪ੍ਰਦੂਸ਼ਣ ਨੂੰ ਕੰਟਰੋਲ ਕਰਨ ਲਈ ਏਅਰ ਕੁਆਲਿਟੀ ਮੈਨੇਜਮੈਂਟ ਕਮਿਸ਼ਨ (CAQM) ਵੱਲੋਂ ਵੱਡਾ ਫੈਸਲਾ ਲਿਆ ਗਿਆ ਹੈ। 1 ਨਵੰਬਰ ਤੋਂ ਦਿੱਲੀ ਵਿੱਚ ਸਿਰਫ਼ BS-VI ਮਾਪਦੰਡਾਂ ਅਨੁਸਾਰ ਡੀਜ਼ਲ, CNG, LNG ਜਾਂ ਇਲੈਕਟ੍ਰਿਕ ਵਪਾਰਕ ਮਾਲ ਵਾਹਨ (LGVs, MGVs, HGVs) ਨੂੰ ਪ੍ਰਵੇਸ਼ ਦੀ ਆਗਿਆ ਹੋਵੇਗੀ। ਦਿੱਲੀ ਤੋਂ ਬਾਹਰ ਰਜਿਸਟਰ ਕੀਤੇ ਗਏ BS-V ਜਾਂ ਇਸ ਤੋਂ ਹੇਠਾਂ ਦੇ ਪੁਰਾਣੇ ਵਾਹਨਾਂ ’ਤੇ ਪੂਰੀ ਤਰ੍ਹਾਂ ਪਾਬੰਦੀ ਲਗਾ ਦਿੱਤੀ ਗਈ ਹੈ।

❓ਇਹ ਨਿਯਮ ਕਦੋਂ ਅਤੇ ਕਿਉਂ ਲਾਗੂ ਹੋਇਆ?

BS-V ਅਤੇ ਉਸ ਤੋਂ ਹੇਠਾਂ ਦੇ ਸਾਰੇ ਵਾਹਨਾਂ ’ਤੇ ਪਾਬੰਦੀ 1 ਨਵੰਬਰ 2025 ਤੋਂ ਲਾਗੂ ਹੋ ਗਈ ਹੈ। GRAP-2 ਯੋਜਨਾ ਤਹਿਤ ਦਿੱਲੀ ਦਾ AQI ‘ਬਹੁਤ ਮਾੜੀ’ ਸ਼੍ਰੇਣੀ ਵਿੱਚ ਪਹੁੰਚ ਗਿਆ ਹੈ। ਅੰਕੜਿਆਂ ਮੁਤਾਬਕ, ਟਰੱਕ ਵਰਗੇ ਭਾਰੀ ਵਾਹਨ ਕੁੱਲ ਪ੍ਰਦੂਸ਼ਣ ਦਾ ਲਗਭਗ 30% ਹਿੱਸਾ ਬਣਦੇ ਹਨ। BS-VI ਮਿਆਰ ਸਖ਼ਤ ਨਿਕਾਸ ਨਿਯੰਤਰਣ ਯਕੀਨੀ ਬਣਾਉਂਦੇ ਹਨ, ਜਿਸ ਨਾਲ PM2.5 ਅਤੇ ਨਾਈਟ੍ਰੋਜਨ ਆਕਸਾਈਡ ’ਚ 80% ਤੱਕ ਕਮੀ ਆਉਂਦੀ ਹੈ।

🚫ਕਿਹੜੇ ਵਾਹਨ ਪ੍ਰਭਾਵਿਤ ਹੋਣਗੇ?

• ਦਿੱਲੀ ਤੋਂ ਬਾਹਰ ਰਜਿਸਟਰਡ BS-III, BS-IV (2026 ਤੱਕ ਸੀਮਿਤ), ਅਤੇ BS-V ਡੀਜ਼ਲ ਵਪਾਰਕ ਮਾਲ ਵਾਹਨ — ਜਿਵੇਂ ਟਰੱਕ, ਟੈਂਪੋ, ਹਲਕੇ, ਮੱਧਮ ਤੇ ਭਾਰੀ ਮਾਲ ਵਾਹਨ।

✅ਕਿਹੜੇ ਵਾਹਨਾਂ ਨੂੰ ਮਿਲੇਗੀ ਐਂਟਰੀ?

• ਸਾਰੇ BS-VI ਡੀਜ਼ਲ ਵਾਹਨ
• ਦਿੱਲੀ ਰਜਿਸਟਰਡ ਵਪਾਰਕ ਮਾਲ ਵਾਹਨ
• CNG, LNG ਅਤੇ ਇਲੈਕਟ੍ਰਿਕ ਵਪਾਰਕ ਵਾਹਨ
• BS-IV ਵਪਾਰਕ ਮਾਲ ਵਾਹਨ ਸਿਰਫ਼ 31 ਅਕਤੂਬਰ 2026 ਤੱਕ

🔍ਜਾਂਚ ਕਿੱਥੇ ਹੋਵੇਗੀ?

ਦਿੱਲੀ ਟ੍ਰੈਫਿਕ ਪੁਲਿਸ ਅਤੇ ਡੀਪੀਸੀਸੀ ਦੀਆਂ ਟੀਮਾਂ 13 ਮੁੱਖ ਪ੍ਰਵੇਸ਼ ਬਿੰਦੂਆਂ ’ਤੇ ਤਾਇਨਾਤ ਰਹਿਣਗੀਆਂ। ਇਨ੍ਹਾਂ ਵਿੱਚ ਸਿੰਘੂ, ਗਾਜ਼ੀਪੁਰ ਬਾਰਡਰ, ਆਨੰਦ ਵਿਹਾਰ ਸਮੇਤ ਸਾਰੇ ਸਰਹੱਦੀ ਪੁਆਇੰਟ ਸ਼ਾਮਲ ਹਨ।
ਜਾਂਚ ਲਈ RFID, CCTV ਅਤੇ ਐਪ-ਅਧਾਰਤ ਤਸਦੀਕ ਪ੍ਰਣਾਲੀ ਦੀ ਵਰਤੋਂ ਕੀਤੀ ਜਾਵੇਗੀ, ਤਾਂ ਜੋ ਪਾਬੰਦੀ ਦੀ ਪਾਲਣਾ ਸਖ਼ਤੀ ਨਾਲ ਹੋ ਸਕੇ।