30 ਅਕਤੂਬਰ 2025 ਅਜ ਦੀ ਆਵਾਜ਼
Lifestyle Desk: ਹਰ ਕੁੜੀ ਚਾਹੁੰਦੀ ਹੈ ਕਿ ਆਪਣੇ ਵਿਆਹ ਦੇ ਦਿਨ ਉਹ ਸਭ ਤੋਂ ਸੋਹਣੀ ਲੱਗੇ। ਇਸ ਲਈ ਕਈ ਵਾਰੀ ਸਲੂਨ ਟ੍ਰੀਟਮੈਂਟ ਤੇ ਮਹਿੰਗੇ ਸਕਿਨਕੇਅਰ ਰੂਟੀਨ ਅਪਣਾਏ ਜਾਂਦੇ ਹਨ। ਪਰ ਜੇ ਤੁਸੀਂ ਚਾਹੋ ਤਾਂ ਬਿਨਾਂ ਜ਼ਿਆਦਾ ਖਰਚੇ ਤੇ ਬਿਲਕੁਲ ਕੁਦਰਤੀ ਢੰਗ ਨਾਲ ਵੀ ਗਲੋਇੰਗ ਸਕਿਨ ਪ੍ਰਾਪਤ ਕਰ ਸਕਦੇ ਹੋ। ਸਿਰਫ਼ ਵਿਆਹ ਤੋਂ ਇੱਕ ਮਹੀਨਾ ਪਹਿਲਾਂ ਆਪਣੀ ਡਾਇਟ ਵਿੱਚ ਇਹ ਕੁਝ ਹੈਲਦੀ ਡ੍ਰਿੰਕਸ ਸ਼ਾਮਲ ਕਰੋ ਅਤੇ ਫ਼ਰਕ ਖੁਦ ਦੇਖੋ।
ਇਥੇ ਜਾਣੋ 5 ਅਜਿਹੀਆਂ ਕੁਦਰਤੀ ਡ੍ਰਿੰਕਸ ਬਾਰੇ ਜੋ ਤੁਹਾਡੀ ਤਵਚਾ ਨੂੰ ਅੰਦਰੋਂ ਨਿਖਾਰ ਦੇਣਗੀਆਂ ਤੇ ਚਿਹਰੇ ‘ਤੇ ਲਿਆਉਣਗੀਆਂ ਗਲਾਸ ਵਰਗੀ ਚਮਕ —
🌿 1. ਐਲੋਵੈਰਾ ਜੂਸ
ਐਲੋਵੈਰਾ ਵਿੱਚ ਵਿਟਾਮਿਨ A, C, E, B12, ਫੋਲਿਕ ਐਸਿਡ ਅਤੇ ਮਿਨਰਲ ਪਾਏ ਜਾਂਦੇ ਹਨ। ਇਸ ਵਿੱਚ ਐਂਟੀਓਕਸੀਡੈਂਟ ਵੀ ਬਹੁਤ ਹੁੰਦੇ ਹਨ ਜੋ ਚਿਹਰੇ ਦੇ ਦਾਗ-ਧੱਬੇ ਘਟਾ ਕੇ ਤਵਚਾ ਨੂੰ ਕੁਦਰਤੀ ਗਲੋ ਦਿੰਦੇ ਹਨ।
ਕਿਵੇਂ ਪੀਣਾ ਹੈ: ਤਾਜ਼ਾ ਐਲੋਵੈਰਾ ਪੱਤੇ ਦਾ ਜੈਲ ਕੱਢ ਕੇ ਮਿਕਸਰ ‘ਚ ਪੀਸ ਲਓ ਅਤੇ ਸਵੇਰੇ ਖਾਲੀ ਪੇਟ ਪੀਓ। ਸੁਆਦ ਥੋੜ੍ਹਾ ਕੌੜਾ ਹੋ ਸਕਦਾ ਹੈ ਪਰ ਅਸਰ ਲਾਜ਼ਵਾਬ ਹੈ।
🍈 2. ਆਂਵਲਾ ਜੂਸ
ਆਂਵਲਾ ਵਿਟਾਮਿਨ C ਦਾ ਸਭ ਤੋਂ ਵਧੀਆ ਸਰੋਤ ਹੈ। ਇਹ ਸਕਿਨ ਨੂੰ ਅੰਦਰੋਂ ਸਾਫ਼ ਕਰਦਾ ਹੈ ਅਤੇ ਕੋਲੇਜਨ ਲੈਵਲ ਵਧਾ ਕੇ ਕੁਦਰਤੀ ਨਿਖਾਰ ਦਿੰਦਾ ਹੈ। ਖੂਨ ਸਾਫ਼ ਕਰਨ ਨਾਲ ਚਿਹਰਾ ਹੋਰ ਚਮਕਦਾ ਹੈ।
ਕਿਵੇਂ ਪੀਣਾ ਹੈ: ਹਰ ਸਵੇਰੇ ਇੱਕ ਗਿਲਾਸ ਤਾਜ਼ਾ ਆਂਵਲੇ ਦਾ ਜੂਸ ਪੀਓ। ਚਾਹੋ ਤਾਂ ਇਸ ਵਿੱਚ ਥੋੜ੍ਹਾ ਸ਼ਹਿਦ ਵੀ ਮਿਲਾ ਸਕਦੇ ਹੋ।
🥕 3. ਅਨਾਰ-ਚੁਕੰਦਰ-ਗਾਜਰ ਮਿਕਸ ਜੂਸ
ਇਹ ਤਿੰਨ ਫਲ ਤੇ ਸਬਜ਼ੀਆਂ ਦਾ ਮਿਲਿਆ ਜੂਸ ਚਿਹਰੇ ‘ਤੇ ਗੁਲਾਬੀ ਨਿਖਾਰ ਲਿਆਉਂਦਾ ਹੈ।
ਅਨਾਰ – ਐਕਨੇ ਘਟਾਉਂਦਾ ਹੈ
ਚੁਕੰਦਰ – ਇੰਫਲਮੇਸ਼ਨ ਘਟਾਉਂਦਾ ਹੈ
ਗਾਜਰ – ਏਜਿੰਗ ਪ੍ਰੋਸੈਸ ਹੌਲੀ ਕਰਦਾ ਹੈ
ਕਿਵੇਂ ਪੀਣਾ ਹੈ: ਇਹ ਤਿੰਨੇ ਸਮਾਨ ਮਾਤਰਾ ਵਿੱਚ ਮਿਲਾ ਕੇ ਹਰ ਸਵੇਰੇ ਇੱਕ ਗਿਲਾਸ ਪੀਓ। ਕੁਝ ਦਿਨਾਂ ਵਿੱਚ ਚਿਹਰਾ ਤਾਜ਼ਗੀ ਨਾਲ ਚਮਕਣ ਲੱਗੇਗਾ।
🥥 4. ਨਾਰੀਅਲ ਦਾ ਪਾਣੀ
ਨਾਰੀਅਲ ਪਾਣੀ ਵਿਟਾਮਿਨ ਤੇ ਐਂਟੀਓਕਸੀਡੈਂਟ ਨਾਲ ਭਰਪੂਰ ਹੁੰਦਾ ਹੈ। ਇਹ ਸਰੀਰ ਨੂੰ ਹਾਈਡਰੇਟ ਰੱਖਦਾ ਹੈ, ਇੰਫਲਮੇਸ਼ਨ ਘਟਾਉਂਦਾ ਹੈ ਅਤੇ ਸਕਿਨ ਟੋਨ ਨੂੰ ਇਵਨ ਕਰਦਾ ਹੈ।
ਕਿਵੇਂ ਪੀਣਾ ਹੈ: ਰੋਜ਼ ਇੱਕ ਨਾਰੀਅਲ ਪਾਣੀ ਪੀਓ। ਵਿਆਹ ਤੱਕ ਤੁਹਾਡੀ ਤਵਚਾ ਕੁਦਰਤੀ ਤੌਰ ‘ਤੇ ਚਮਕਣ ਲੱਗੇਗੀ।
🥒 5. ਖੀਰੇ ਦਾ ਜੂਸ
ਖੀਰੇ ਵਿੱਚ ਪਾਣੀ ਦੀ ਮਾਤਰਾ ਵਧੀਆ ਹੁੰਦੀ ਹੈ ਜੋ ਸਰੀਰ ਨੂੰ ਠੰਢਾ ਰੱਖਦਾ ਹੈ ਤੇ ਸਕਿਨ ਨੂੰ ਹਾਈਡਰੇਟ ਕਰਦਾ ਹੈ। ਇਹ ਡਿਟਾਕਸ ਦੇ ਨਾਲ ਚਿਹਰੇ ਦੀ ਡਲਨੈਸ ਦੂਰ ਕਰਦਾ ਹੈ।
ਕਿਵੇਂ ਪੀਣਾ ਹੈ: ਸਵੇਰੇ ਖਾਲੀ ਪੇਟ ਇੱਕ ਗਿਲਾਸ ਖੀਰੇ ਦਾ ਜੂਸ ਪੀਓ। ਇਸ ਨਾਲ ਸਕਿਨ ਨਰਮ ਤੇ ਚਮਕਦਾਰ ਹੋਵੇਗੀ।
