07 ਅਪ੍ਰੈਲ 2025 ਅੱਜ ਦੀ ਆਵਾਜ਼
ਚੰਡੀਗੜ੍ਹ ਲਈ ਸੋਲਰ ਐਨਰਜੀ ਵੱਲ ਕਦਮ: PM ਸੂਰਿਆ ਘਰ ਯੋਜਨਾ ਤਹਿਤ 78,000 ਰੁਪਏ ਤੱਕ ਸਬਸਿਡੀ
ਚੰਡੀਗੜ੍ਹ ਦੇ ਵਾਸੀਆਂ ਲਈ ਸਾਫ਼ ਅਤੇ ਸੁਤੰਤਰ ਐਨਰਜੀ ਵੱਲ ਵਧਣ ਦਾ ਸੁਨਹਿਰੀ ਮੌਕਾ ਆਇਆ ਹੈ। ਕੇਂਦਰ ਸਰਕਾਰ ਦੀ ਪ੍ਰਧਾਨ ਮੰਤਰੀ ਸੂਰਿਆ ਘਰ ਮੁਫ਼ਤ ਬਿਜਲੀ ਯੋਜਨਾ ਅਧੀਨ, ਲੋਕ ਆਪਣੇ ਘਰਾਂ ਦੀਆਂ ਛੱਤਾਂ ‘ਤੇ ਸੋਲਰ ਪੈਨਲ ਲਗਵਾ ਕੇ 78,000 ਰੁਪਏ ਤੱਕ ਦੀ ਸਰਕਾਰੀ ਸਬਸਿਡੀ ਦਾ ਲਾਭ ਲੈ ਸਕਦੇ ਹਨ।
ਹੁਣ ਤੱਕ 5,433 ਲੋਕਾਂ ਨੇ ਕਰਵਾਇਆ ਰਜਿਸਟਰੇਸ਼ਨ ਇਸ ਯੋਜਨਾ ਤਹਿਤ ਚੰਡੀਗੜ੍ਹ ‘ਚ ਹੁਣ ਤੱਕ 5,433 ਲੋਕ ਰਜਿਸਟਰ ਹੋ ਚੁੱਕੇ ਹਨ। ਇਨ੍ਹਾਂ ਵਿਚੋਂ 1,352 ਨੇ ਰਸਮੀ ਤੌਰ ‘ਤੇ ਅਰਜ਼ੀਆਂ ਦੇ ਦਿੱਤੀਆਂ ਹਨ, ਜਦਕਿ 637 ਘਰਾਂ ਦੀਆਂ ਛੱਤਾਂ ‘ਤੇ ਸੋਲਰ ਪ੍ਰਣਾਲੀਆਂ ਦੀ ਇੰਸਟਾਲੇਸ਼ਨ ਵੀ ਹੋ ਚੁਕੀ ਹੈ।
ਵੱਡੇ ਘਰਾਂ ਲਈ ਸੋਲਰ ਲਗਾਉਣਾ ਲਾਜ਼ਮੀ ਚੰਡੀਗੜ੍ਹ ਪ੍ਰਸ਼ਾਸਨ ਨੇ ਵੱਡੇ ਆਕਾਰ ਦੇ ਘਰਾਂ ਵਿੱਚ ਸੋਲਰ ਸਿਸਟਮ ਲਗਾਉਣਾ ਲਾਜ਼ਮੀ ਕਰ ਦਿੱਤਾ ਹੈ, ਜਿਸ ਨਾਲ ਸ਼ਹਿਰ ਵਿੱਚ ਨਵੀਨ ਉਰਜਾ ਉਤਪਾਦਨ ਨੂੰ ਵਧਾਵਾ ਮਿਲੇਗਾ। ਪ੍ਰਸ਼ਾਸਨ ਯੋਜਨਾ ਨੂੰ ਤੇਜ਼ੀ ਨਾਲ ਲਾਗੂ ਕਰਨ ਲਈ ਸਰਗਰਮੀ ਨਾਲ ਕੰਮ ਕਰ ਰਿਹਾ ਹੈ।
ਤਿੰਨ ਕਿਲੋਵਾਟ ਸਮਰੱਥਾ ਵਾਲੀ ਯੂਨਿਟ ‘ਤੇ 78,000 ਰੁਪਏ ਤੱਕ ਸਬਸਿਡੀ PM ਸੂਰਿਆ ਘਰ ਯੋਜਨਾ ਤਹਿਤ, ਤਿੰਨ ਕਿਲੋਵਾਟ ਤੱਕ ਦੀ ਸਮਰੱਥਾ ਵਾਲੀਆਂ ਸੋਲਰ ਯੂਨਿਟਾਂ ‘ਤੇ ਸਰਕਾਰ ਵੱਲੋਂ ਵੱਧ ਤੋਂ ਵੱਧ 78,000 ਰੁਪਏ ਤੱਕ ਦੀ ਸਬਸਿਡੀ ਦਿੱਤੀ ਜਾ ਰਹੀ ਹੈ। ਇਸ ਨਾਲ ਨਾਂ ਸਿਰਫ ਘਰੇਲੂ ਬਿਜਲੀ ਬਿੱਲਾਂ ਵਿੱਚ ਵੱਡੀ ਬਚਤ ਹੁੰਦੀ ਹੈ, ਸਗੋਂ ਵਾਤਾਵਰਣ-ਮਿੱਤਰ ਜੀਵਨ ਸ਼ੈਲੀ ਨੂੰ ਉਤਸ਼ਾਹਿਤ ਵੀ ਕੀਤਾ ਜਾਂਦਾ ਹੈ।
ਆਨਲਾਈਨ ਰਜਿਸਟ੍ਰੇਸ਼ਨ ਅਤੇ ਇੰਸਟਾਲੇਸ਼ਨ ਦੀ ਪ੍ਰਕਿਰਿਆ ਯੋਜਨਾ ਵਿੱਚ ਸ਼ਾਮਲ ਹੋਣ ਲਈ, ਇচ্ছੁਕ ਨਾਗਰਿਕ ਸਰਕਾਰੀ ਆਨਲਾਈਨ ਪੋਰਟਲ ਰਾਹੀਂ ਰਜਿਸਟਰ ਕਰ ਸਕਦੇ ਹਨ। ਰਜਿਸਟਰੇਸ਼ਨ ਤੋਂ ਬਾਅਦ, ਚੁਣੀ ਹੋਈ ਏਜੰਸੀ ਘਰ ਦੀ ਛੱਤ ਦਾ ਮੁਆਇਨਾ ਕਰਦੀ ਹੈ ਅਤੇ ਇੰਸਟਾਲੇਸ਼ਨ ਦੀ ਪ੍ਰਕਿਰਿਆ ਪੂਰੀ ਕੀਤੀ ਜਾਂਦੀ ਹੈ। ਇੰਸਟਾਲੇਸ਼ਨ ਮਗਰੋਂ, ਸਬਸਿਡੀ ਦੀ ਰਕਮ ਸਿੱਧੀ ਲਾਭਪਾਤਰੀ ਦੇ ਬੈਂਕ ਖਾਤੇ ਵਿੱਚ ਭੇਜੀ ਜਾਂਦੀ ਹੈ।
