30 ਅਕਤੂਬਰ 2025 ਅਜ ਦੀ ਆਵਾਜ਼
Business Desk: ਅੱਜ ਸੋਨੇ ਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਕਾਫ਼ੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਚਾਂਦੀ, ਜੋ ਕੱਲ੍ਹ ਵਧਦੀ ਨਜ਼ਰ ਆ ਰਹੀ ਸੀ, ਅੱਜ ਆਪਣੀ ਚਮਕ ਖੋ ਬੈਠੀ ਹੈ। ਸਵੇਰੇ 10 ਵਜੇ ਤੱਕ ਸੋਨਾ ₹300 ਪ੍ਰਤੀ 10 ਗ੍ਰਾਮ ਤੋਂ ਵੱਧ ਡਿੱਗ ਗਿਆ, ਜਦਕਿ ਚਾਂਦੀ ਦੀ ਕੀਮਤ ₹200 ਪ੍ਰਤੀ ਕਿਲੋਗ੍ਰਾਮ ਤੋਂ ਵੱਧ ਘੱਟੀ ਹੈ।
ਸੋਨੇ ਦੀ ਕੀਮਤ:
ਸਵੇਰੇ 10:29 ਵਜੇ ਐਮਸੀਐਕਸ (MCX) ‘ਤੇ ਸੋਨਾ ₹120,295 ਪ੍ਰਤੀ 10 ਗ੍ਰਾਮ ਦਰ ‘ਤੇ ਟ੍ਰੇਡ ਕਰ ਰਿਹਾ ਸੀ, ਜਿਸ ਵਿੱਚ ₹371 ਪ੍ਰਤੀ 10 ਗ੍ਰਾਮ ਦੀ ਗਿਰਾਵਟ ਦਰਜ ਹੋਈ। ਸੋਨੇ ਨੇ ਅੱਜ ₹118,665 ਪ੍ਰਤੀ 10 ਗ੍ਰਾਮ ਦਾ ਸਭ ਤੋਂ ਹੇਠਲਾ ਅਤੇ ₹120,666 ਪ੍ਰਤੀ 10 ਗ੍ਰਾਮ ਦਾ ਸਭ ਤੋਂ ਉੱਚਾ ਪੱਧਰ ਛੂਹਿਆ।
ਚਾਂਦੀ ਦੀ ਕੀਮਤ:
ਸਵੇਰੇ 10:31 ਵਜੇ ਐਮਸੀਐਕਸ ‘ਤੇ ਚਾਂਦੀ ₹145,585 ਪ੍ਰਤੀ ਕਿਲੋਗ੍ਰਾਮ ‘ਤੇ ਦਰਜ ਕੀਤੀ ਗਈ, ਜਿਸ ਵਿੱਚ ₹496 ਪ੍ਰਤੀ ਕਿਲੋਗ੍ਰਾਮ ਦੀ ਕਮੀ ਆਈ। ਚਾਂਦੀ ਨੇ ਅੱਜ ₹144,402 ਪ੍ਰਤੀ ਕਿਲੋਗ੍ਰਾਮ ਦਾ ਸਭ ਤੋਂ ਘੱਟ ਅਤੇ ₹146,000 ਪ੍ਰਤੀ ਕਿਲੋਗ੍ਰਾਮ ਦਾ ਸਭ ਤੋਂ ਵੱਧ ਪੱਧਰ ਛੂਹਿਆ।
ਬਾਜ਼ਾਰ ਵਿਸ਼ਲੇਸ਼ਕਾਂ ਦਾ ਮੰਨਣਾ ਹੈ ਕਿ ਅੰਤਰਰਾਸ਼ਟਰੀ ਬਾਜ਼ਾਰਾਂ ਵਿੱਚ ਆਏ ਉਤਾਰ-ਚੜ੍ਹਾਅ ਅਤੇ ਡਾਲਰ ਦੇ ਮਜ਼ਬੂਤ ਹੋਣ ਕਾਰਨ ਕੀਮਤਾਂ ਵਿੱਚ ਇਹ ਗਿਰਾਵਟ ਦਰਜ ਹੋ ਰਹੀ ਹੈ।
