Apple ਨੇ ਭਾਰਤ ਵਿੱਚ ਲਾਂਚ ਕੀਤਾ ਨਵਾਂ Maps

32
ਨਵੀਂ ਦਿੱਲੀ: 20 Nov 2026 AJ DI Awaaj
National Desk :    Apple ਨੇ ਭਾਰਤ ਵਿੱਚ ਆਪਣੇ Maps ਦਾ ਨਵਾਂ ਅਤੇ ਅਪਡੇਟਿਡ ਅਨੁਭਵ ਪੇਸ਼ ਕੀਤਾ ਹੈ। ਇਸ ਵਿੱਚ ਪਹਿਲਾਂ ਨਾਲੋਂ ਬਿਹਤਰ ਨੈਵੀਗੇਸ਼ਨ, ਸੜਕਾਂ ਅਤੇ ਇਮਾਰਤਾਂ ਦੇ ਸਪੱਸ਼ਟ ਨਜ਼ਾਰੇ, ਪਾਰਕਾਂ ਤੇ ਸ਼ਾਪਿੰਗ ਸੈਂਟਰਾਂ ਦੀ ਜਾਣਕਾਰੀ ਅਤੇ 300 ਤੋਂ ਵੱਧ 3D ਲੈਂਡਮਾਰਕ ਸ਼ਾਮਲ ਕੀਤੇ ਗਏ ਹਨ। ਕੰਪਨੀ ਨੇ ਭਾਰਤੀ ਯੂਜ਼ਰਾਂ ਦੀ ਸਹੂਲਤ ਲਈ ਕਈ ਖਾਸ ਫੀਚਰ ਵੀ ਜੋੜੇ ਹਨ।

ਕੁਦਰਤੀ ਭਾਸ਼ਾ ਵਿੱਚ ਮਿਲਣਗੇ ਦਿਸ਼ਾ-ਨਿਰਦੇਸ਼

ਨਵੇਂ Maps ਵਿੱਚ Natural Language Guidance ਫੀਚਰ ਦਿੱਤਾ ਗਿਆ ਹੈ, ਜੋ ਆਮ ਬੋਲਚਾਲ ਦੀ ਭਾਸ਼ਾ ਵਿੱਚ ਰਸਤਾ ਦੱਸਦਾ ਹੈ। ਉਦਾਹਰਨ ਵਜੋਂ, ਅਗਲੀ ਟ੍ਰੈਫਿਕ ਲਾਈਟ ਤੋਂ ਸੱਜੇ ਮੁੜੋ ਜਾਂ ਪੈਟਰੋਲ ਪੰਪ ਤੋਂ ਬਾਅਦ ਖੱਬੇ ਪਾਸੇ ਮੁੜੋ। ਇਸ ਨਾਲ ਡਰਾਈਵਰਾਂ ਨੂੰ ਰਸਤਾ ਸਮਝਣ ਵਿੱਚ ਆਸਾਨੀ ਹੋਵੇਗੀ।

ਦੋ ਭਾਸ਼ਾਵਾਂ ਵਿੱਚ ਦਿਖਣਗੇ ਲੇਬਲ

ਭਾਰਤ ਦੀ ਭਾਸ਼ਾਈ ਵਿਭਿੰਨਤਾ ਨੂੰ ਧਿਆਨ ਵਿੱਚ ਰੱਖਦਿਆਂ Apple ਨੇ Maps ਵਿੱਚ ਦੋ ਭਾਸ਼ਾਵਾਂ ਵਾਲੇ ਲੇਬਲ ਸ਼ਾਮਲ ਕੀਤੇ ਹਨ। ਹੁਣ ਸਥਾਨਾਂ ਦੇ ਨਾਮ ਡਿਵਾਈਸ ਦੀ ਭਾਸ਼ਾ ਅਤੇ ਸਥਾਨਕ ਭਾਸ਼ਾ ਵਿੱਚ ਦਿਖਾਈ ਦੇਣਗੇ। ਉਦਾਹਰਨ ਵਜੋਂ, ਦਿੱਲੀ ਵਿੱਚ ਹਿੰਦੀ ਅਤੇ ਅੰਗਰੇਜ਼ੀ, ਜਦਕਿ ਮੁੰਬਈ ਵਿੱਚ ਮਰਾਠੀ ਅਤੇ ਅੰਗਰੇਜ਼ੀ ਵਿੱਚ ਨਾਮ ਦਿਖਾਈ ਦੇਣਗੇ।

ਅੰਗਰੇਜ਼ੀ ਅਤੇ ਹਿੰਦੀ ਤੋਂ ਇਲਾਵਾ ਬੰਗਾਲੀ, ਗੁਜਰਾਤੀ, ਕੰਨੜ, ਮਲਿਆਲਮ, ਮਰਾਠੀ, ਤਮਿਲ, ਤੇਲਗੂ, ਪੰਜਾਬੀ, ਉੜੀਆ ਅਤੇ ਉਰਦੂ ਭਾਸ਼ਾਵਾਂ ਵੀ ਉਪਲਬਧ ਹਨ।

15 ਸਟਾਪ ਤੱਕ ਰੂਟ ਬਣਾਉਣ ਦੀ ਸਹੂਲਤ

ਨਵੇਂ Maps ਵਿੱਚ Lane Guidance ਫੀਚਰ ਡਰਾਈਵਰਾਂ ਨੂੰ ਮੋੜ ਜਾਂ ਫਲਾਈਓਵਰ ਤੋਂ ਪਹਿਲਾਂ ਸਹੀ ਲੇਨ ਚੁਣਨ ਵਿੱਚ ਮਦਦ ਕਰੇਗਾ। ਇਸ ਤੋਂ ਇਲਾਵਾ Multi-Stop Routing ਰਾਹੀਂ ਯੂਜ਼ਰ ਇੱਕ ਯਾਤਰਾ ਵਿੱਚ 15 ਸਟਾਪ ਤੱਕ ਜੋੜ ਸਕਦੇ ਹਨ। ਇਹ ਰੂਟ Mac ਅਤੇ iPad ਤੋਂ iPhone ‘ਤੇ ਵੀ ਸਿੰਕ ਹੋ ਸਕਦੇ ਹਨ।

ਯੂਜ਼ਰ ਆਪਣਾ ਪਹੁੰਚਣ ਦਾ ਅੰਦਾਜ਼ਨ ਸਮਾਂ (ETA) ਦੂਜਿਆਂ ਨਾਲ ਸਾਂਝਾ ਕਰ ਸਕਦੇ ਹਨ। ਜੇਕਰ ਰਸਤੇ ਵਿੱਚ ਦੇਰੀ ਹੁੰਦੀ ਹੈ ਤਾਂ ਸਮੇਂ ਨੂੰ ਆਪਣੇ ਆਪ ਅਪਡੇਟ ਕਰ ਦਿੱਤਾ ਜਾਵੇਗਾ।

ਹਾ*ਦਸਿਆਂ ਅਤੇ ਸੜਕੀ ਖਤਰਿਆਂ ਦੀ ਰਿਪੋਰਟਿੰਗ

ਡਰਾਈਵਰ Siri ਰਾਹੀਂ ਸੜਕ ‘ਤੇ ਹਾ*ਦਸੇ, ਖਤਰੇ ਜਾਂ ਸਪੀਡ ਚੈਕਿੰਗ ਦੀ ਜਾਣਕਾਰੀ ਦੇ ਸਕਦੇ ਹਨ। ਇਸ ਨਾਲ ਹੋਰ ਯਾਤਰੀਆਂ ਨੂੰ ਵੀ ਸੜਕ ਦੀ ਸਥਿਤੀ ਬਾਰੇ ਜਾਣਕਾਰੀ ਮਿਲ ਸਕੇਗੀ।

ਇਲੈਕਟ੍ਰਿਕ ਵਾਹਨਾਂ ਲਈ ਚਾਰਜਿੰਗ ਦੀ ਯੋਜਨਾ

ਇਲੈਕਟ੍ਰਿਕ ਵਾਹਨਾਂ ਲਈ Maps ਰਸਤੇ ਵਿੱਚ ਚਾਰਜਿੰਗ ਸਟਾਪ ਦੀ ਯੋਜਨਾ ਬਣਾਉਣ ਵਿੱਚ ਮਦਦ ਕਰੇਗਾ। ਇਸ ਦੌਰਾਨ ਪਹਾੜੀਆਂ ਅਤੇ ਹੋਰ ਸਬੰਧਤ ਕਾਰਕਾਂ ਨੂੰ ਵੀ ਧਿਆਨ ਵਿੱਚ ਰੱਖਿਆ ਜਾਵੇਗਾ।

ਜਨਤਕ ਆਵਾਜਾਈ ਅਤੇ AR ਵਾਕਿੰਗ ਫੀਚਰ

ਅਹਿਮਦਾਬਾਦ, ਬੈਂਗਲੁਰੂ, ਚੇਨਈ, ਦਿੱਲੀ, ਹੈਦਰਾਬਾਦ, ਕੋਲਕਾਤਾ, ਮੁੰਬਈ ਅਤੇ ਪੁਣੇ ਵਿੱਚ ਜਨਤਕ ਆਵਾਜਾਈ ਦੀ ਵਰਤੋਂ ਕਰਨ ਵਾਲੇ ਲੋਕ ਆਪਣੀ ਯਾਤਰਾ ਦੀ ਯੋਜਨਾ ਬਣਾ ਸਕਣਗੇ। ਇਸ ਦੇ ਨਾਲ ਹੀ ਭਾਰਤੀ ਰੇਲਵੇ ਦੇ ਯਾਤਰੀ ਵੀ ਆਪਣੇ ਰੂਟ ਪਿੰਨ ਕਰ ਸਕਣਗੇ ਅਤੇ ਮੰਜ਼ਿਲ ਨੇੜੇ ਪਹੁੰਚਣ ‘ਤੇ ਅਲਰਟ ਪ੍ਰਾਪਤ ਕਰ ਸਕਣਗੇ।

Look Around ਫੀਚਰ ਰਾਹੀਂ ਸੜਕਾਂ ਦੀਆਂ ਉੱਚ-ਰੈਜ਼ੋਲਿਊਸ਼ਨ ਤਸਵੀਰਾਂ ਦੇਖੀਆਂ ਜਾ ਸਕਦੀਆਂ ਹਨ। ਜਦਕਿ AR Walking Directions ਦੀ ਮਦਦ ਨਾਲ ਆਈਫੋਨ ਕੈਮਰੇ ਰਾਹੀਂ ਆਲੇ-ਦੁਆਲੇ ਦੀਆਂ ਇਮਾਰਤਾਂ ਨੂੰ ਸਕੈਨ ਕਰਕੇ ਅਸਲੀ ਦੁਨੀਆ ਵਿੱਚ ਦਿਸ਼ਾ-ਨਿਰਦੇਸ਼ ਵੇਖੇ ਜਾ ਸਕਦੇ ਹਨ।

ਇਸ ਤੋਂ ਇਲਾਵਾ ਸਾਈਕਲਿੰਗ ਰੂਟ, ਪਹਾੜੀਆਂ, ਸਾਈਕਲ ਲੇਨਾਂ ਅਤੇ ਪੌੜੀਆਂ ਦੀ ਜਾਣਕਾਰੀ ਵੀ ਮਿਲੇਗੀ। ਯੂਜ਼ਰ ਆਪਣੇ ਪਸੰਦੀਦਾ ਰੂਟ ਬਣਾ ਕੇ ਸੇਵ ਕਰ ਸਕਦੇ ਹਨ।

ਪ੍ਰਾਈਵੇਸੀ ਦਾ ਵੀ ਰੱਖਿਆ ਗਿਆ ਧਿਆਨ

Apple ਮੁਤਾਬਕ ਨਵੇਂ Maps ਵਿੱਚ ਨਿੱਜਤਾ ਨੂੰ ਪਹਿਲ ਦਿੱਤੀ ਗਈ ਹੈ। ਇਸ ਦੀ ਵਰਤੋਂ ਲਈ ਸਾਈਨ-ਇਨ ਕਰਨਾ ਲਾਜ਼ਮੀ ਨਹੀਂ ਹੈ। ਕਈ ਨਿੱਜੀ ਫੀਚਰ ਡਿਵਾਈਸ ‘ਤੇ ਹੀ ਕੰਮ ਕਰਦੇ ਹਨ। ਕੰਪਨੀ ਮੁਤਾਬਕ ਲੋਕੇਸ਼ਨ ਨਾਲ ਸਬੰਧਤ ਡਾਟਾ ਦੀ ਸੁਰੱਖਿਆ ਲਈ ਰੈਂਡਮ ਪਛਾਣਕਰਤਾ ਵਰਤੇ ਜਾਂਦੇ ਹਨ ਅਤੇ ਸਰਚ ਕੀਤੀਆਂ ਲੋਕੇਸ਼ਨਾਂ ਨੂੰ ਵੀ ਨਿੱਜਤਾ ਦੇ ਮੱਦੇਨਜ਼ਰ ਧੁੰਦਲਾ ਕੀਤਾ ਜਾਂਦਾ ਹੈ।