30 ਨਵੰਬਰ, 2025 ਅਜ ਦੀ ਆਵਾਜ਼
Chandigarh Desk: ਚੰਡੀਗੜ੍ਹ ਦੇ ਸੈਕਟਰ-16 ਸਥਿਤ ਰੋਜ਼ ਗਾਰਡਨ ਵਿੱਚ ਸ਼ਨੀਵਾਰ ਨੂੰ ਇੱਕ ਨੌਜਵਾਨ ਕੁੜੀ ਦੀ ਲ*ਹੂ-ਲੁ*ਹਾਨ ਲਾ*ਸ਼ ਮਿਲਣ ਨਾਲ ਖੇਤਰ ਵਿੱਚ ਦਹਿਸ਼ਤ ਫੈਲ ਗਈ। ਕੁੜੀ ਦਾ ਸ਼*ਵ ਪਬਲਿਕ ਟਾਇਲਟ ਦੇ ਅੰਦਰ ਗਲਾ ਕ*ਟਿਆ ਹੋਇਆ ਮਿਲਿਆ, ਜਦਕਿ ਨੇੜੇ ਹੀ ਇੱਕ ਚਾਕੂ ਵੀ ਬਰਾਮਦ ਹੋਇਆ। ਮ੍ਰਿ*ਤਕ ਦੀ ਪਛਾਣ ਦਿੱਖਾ (ਉਮਰ ਕਰੀਬ 30 ਸਾਲ) ਵਜੋਂ ਹੋਈ ਹੈ, ਜੋ ਚੰਡੀਗੜ੍ਹ ਤੋਂ ਬਾਹਰ ਦੀ ਰਹਿਣ ਵਾਲੀ ਦੱਸੀ ਜਾ ਰਹੀ ਹੈ। ਪੁਲਿਸ ਪ੍ਰਾਰੰਭਿਕ ਜਾਂਚ ਵਿੱਚ ਇਸਨੂੰ ਸਾਫ਼-ਸਾਫ਼ ਕ*ਤਲ ਦਾ ਮਾਮਲਾ ਮੰਨ ਰਹੀ ਹੈ। CFSL ਟੀਮ ਨੇ ਮੌਕੇ ਤੋਂ ਸਬੂਤ ਇਕੱਠੇ ਕੀਤੇ ਤੇ ਸ਼*ਵ ਨੂੰ ਸੈਕਟਰ-16 ਹਸਪਤਾਲ ਭੇਜਿਆ ਗਿਆ ਹੈ, ਜਿੱਥੇ ਪੋਸਟਮਾਰਟਮ ਤੋਂ ਬਾਅਦ ਅੱਗੇ ਦੀ ਤਸਦੀਕ ਹੋਵੇਗੀ। DSP ਸੈਂਟਰਲ ਦਲਬੀਰ ਸਿੰਘ ਸਮੇਤ ਥਾਣਾ-17, ਕ੍ਰਾਈਮ ਬ੍ਰਾਂਚ ਤੇ ਓਪਰੇਸ਼ਨ ਸੈੱਲ ਦੀਆਂ ਟੀਮਾਂ ਨੇ ਮੌਕੇ ‘ਤੇ ਜਾਂਚ ਕੀਤੀ। ਪੁਲਿਸ ਨੇ CCTV ਫੁਟੇਜ ਖੰਗਾਲਣ ਸ਼ੁਰੂ ਕਰ ਦਿੱਤਾ ਹੈ। ਘਟਨਾ ਕਾਰਨ ਰੋਜ਼ ਗਾਰਡਨ ਵਿੱਚ ਆਉਣ ਵਾਲੇ ਲੋਕਾਂ ‘ਚ ਖੌਫ਼ ਦਾ ਮਾਹੌਲ ਹੈ।
