29 ਅਕਤੂਬਰ 2025 ਅਜ ਦੀ ਆਵਾਜ਼
Health Desk: ਜਿਵੇਂ ਜਿਵੇਂ ਮੌਸਮ ਬਦਲਦਾ ਹੈ, ਤਿਵੇਂ ਤਿਵੇਂ ਸਰਦੀ-ਜ਼ੁਕਾਮ ਤੇ ਖਾਂਸੀ ਵਰਗੀਆਂ ਸਮੱਸਿਆਵਾਂ ਆਮ ਹੋ ਜਾਂਦੀਆਂ ਹਨ। ਸਵੇਰੇ-ਸ਼ਾਮ ਦੀ ਠੰਡੀ ਹਵਾ ਤੇ ਦੁਪਹਿਰ ਦੀ ਗਰਮੀ ਸਰੀਰ ਦੇ ਤਾਪਮਾਨ ਵਿੱਚ ਅਸੰਤੁਲਨ ਪੈਦਾ ਕਰਦੀ ਹੈ, ਜਿਸ ਕਾਰਨ ਕਈ ਲੋਕ ਬੀਮਾਰ ਪੈ ਜਾਂਦੇ ਹਨ। ਇਸ ਸਮੇਂ ਕਲੀਨਿਕਾਂ ਵਿੱਚ ਖਾਂਸੀ ਤੇ ਜ਼ੁਕਾਮ ਦੇ ਮਰੀਜ਼ਾਂ ਦੀ ਭੀੜ ਦੇਖੀ ਜਾ ਸਕਦੀ ਹੈ, ਪਰ ਕਈ ਵਾਰ ਦਵਾਈਆਂ ਨਾਲ ਵੀ ਤੁਰੰਤ ਆਰਾਮ ਨਹੀਂ ਮਿਲਦਾ। ਅਜੇਹੇ ਹਾਲਾਤਾਂ ਵਿੱਚ ਪੁਰਾਣੇ ਦੇਸੀ ਨੁਸਖੇ ਬਹੁਤ ਕਾਰਗਰ ਸਾਬਤ ਹੋ ਸਕਦੇ ਹਨ।
ਜੇ ਤੁਸੀਂ ਵੀ ਮੌਸਮ ਬਦਲਣ ਨਾਲ ਖਾਂਸੀ ਜਾਂ ਜ਼ੁਕਾਮ ਤੋਂ ਪਰੇਸ਼ਾਨ ਹੋ, ਤਾਂ ਕੁਝ ਆਸਾਨ ਘਰੇਲੂ ਉਪਾਅ ਅਪਣਾ ਕੇ ਆਰਾਮ ਲੈ ਸਕਦੇ ਹੋ। ਤੁਲਸੀ–ਅਦਰਕ ਦਾ ਕਾੜਾ ਇਸ ਵਿੱਚ ਸਭ ਤੋਂ ਅਸਰਦਾਰ ਮੰਨਿਆ ਜਾਂਦਾ ਹੈ। ਤੁਲਸੀ ਵਿੱਚ ਐਂਟੀ-ਬੈਕਟੀਰੀਅਲ ਗੁਣ ਹੁੰਦੇ ਹਨ, ਜੋ ਇਨਫੈਕਸ਼ਨ ਤੋਂ ਬਚਾਉਂਦੇ ਹਨ, ਜਦਕਿ ਅਦਰਕ ਵਿੱਚ ਮੌਜੂਦ ਜਿੰਜਰੋਲ ਸੁਜਣ ਘਟਾਉਣ ਅਤੇ ਗਲੇ ਨੂੰ ਆਰਾਮ ਦੇਣ ਵਿੱਚ ਮਦਦ ਕਰਦਾ ਹੈ।
ਜੇ ਨੱਕ ਬੰਦ ਹੋਵੇ ਜਾਂ ਸਾਹ ਲੈਣ ਵਿੱਚ ਤਕਲੀਫ਼ ਹੋਵੇ ਤਾਂ ਅਜਵਾਇਨ ਦੀ ਭਾਪ ਲੈਣਾ ਲਾਭਕਾਰੀ ਹੁੰਦਾ ਹੈ। ਗਰਮ ਪਾਣੀ ਵਿੱਚ ਥੋੜ੍ਹੀ ਅਜਵਾਇਨ ਪਾ ਕੇ 5 ਮਿੰਟ ਤੱਕ ਭਾਪ ਲੈਣ ਨਾਲ ਗਲੇ ਅਤੇ ਨੱਕ ਵਿੱਚ ਜਮਾ ਕਫ਼ ਨਿਕਲ ਜਾਂਦਾ ਹੈ। ਅਜਵਾਇਨ ਵਿੱਚ ਵਿਟਾਮਿਨ A, C, K ਅਤੇ ਐਂਟੀ-ਆਕਸੀਡੈਂਟ ਹੁੰਦੇ ਹਨ, ਜੋ ਸਰਦੀ-ਜ਼ੁਕਾਮ ਵਿੱਚ ਰਾਹਤ ਪਹੁੰਚਾਉਂਦੇ ਹਨ।
ਨੀਬੂ ਤੇ ਸ਼ਹਿਦ ਦਾ ਸੇਵਨ ਵੀ ਇਮਿਊਨਿਟੀ ਮਜ਼ਬੂਤ ਕਰਦਾ ਹੈ ਅਤੇ ਗਲੇ ਦੀ ਖਰਾਸ਼ ਵਿੱਚ ਆਰਾਮ ਦਿੰਦਾ ਹੈ। ਇਸ ਤੋਂ ਇਲਾਵਾ, ਲਸਣ ਇਨਫੈਕਸ਼ਨ ਤੋਂ ਬਚਾਉਂਦਾ ਹੈ ਅਤੇ ਸਰੀਰ ਵਿਚੋਂ ਕਫ਼ ਨਿਕਲਣ ਵਿੱਚ ਮਦਦ ਕਰਦਾ ਹੈ। ਆਯੁਰਵੇਦ ਮੁਤਾਬਕ, ਰਾਤ ਨੂੰ ਹਲਦੀ ਵਾਲਾ ਦੁੱਧ ਪੀਣਾ ਵੀ ਖਾਂਸੀ ਵਿੱਚ ਫਾਇਦੇਮੰਦ ਹੁੰਦਾ ਹੈ। ਹਲਦੀ ਵਿੱਚ ਮੌਜੂਦ ਐਂਟੀ-ਬੈਕਟੀਰੀਅਲ ਤੇ ਐਂਟੀ-ਫੰਗਲ ਗੁਣ ਇਨਫੈਕਸ਼ਨ ਨਾਲ ਲੜਨ ਵਿੱਚ ਬਹੁਤ ਅਸਰਦਾਰ ਹੁੰਦੇ ਹਨ।
ਇਹ ਸਧਾਰਣ ਦੇਸੀ ਨੁਸਖੇ ਅਪਣਾ ਕੇ ਤੁਸੀਂ ਬਦਲਦੇ ਮੌਸਮ ਵਿੱਚ ਸਰਦੀ-ਜ਼ੁਕਾਮ ਵਰਗੀਆਂ ਸਮੱਸਿਆਵਾਂ ਤੋਂ ਬਚ ਸਕਦੇ ਹੋ ਅਤੇ ਆਪਣੀ ਸਿਹਤ ਨੂੰ ਬਿਹਤਰ ਰੱਖ ਸਕਦੇ ਹੋ।
