ਅੱਜ ਦੀ ਆਵਾਜ਼ | 09 ਅਪ੍ਰੈਲ 2025
ਰੋਹਤਕ ਜ਼ਿਲ੍ਹੇ ਵਿੱਚ ਲੈਂਡ ਮਾਫੀਆ ਵੱਲੋਂ ਤਿਆਰ ਕੀਤੀਆਂ ਗੈਰਕਾਨੂੰਨੀ ਕਲੋਨੀਆਂ ਅਤੇ ਉਸਾਰੀਆਂ ਦੇ ਖ਼ਿਲਾਫ਼ ਪ੍ਰਸ਼ਾਸਨ ਵੱਲੋਂ ਵੱਡੀ ਕਾਰਵਾਈ ਕੀਤੀ ਗਈ। ਪ੍ਰਸ਼ਾਸਨ ਨੇ 16.5 ਏਕੜ ‘ਤੇ ਫੈਲੀਆਂ ਕਈ ਅਵੈਧ ਕਲੋਨੀਆਂ ਨੂੰ ਤੋੜਨ ਦੀ ਮੁਹਿੰਮ ਚਲਾਈ।
ਸੈਕਟਰ 7-38 ਨੂੰ ਜੋੜਨ ਵਾਲੀ ਸੜਕ ‘ਤੇ ਤਿਆਰ ਕੀਤੀਆਂ ਜਾ ਰਹੀਆਂ ਦੋ ਗੈਰਕਾਨੂੰਨੀ ਕਲੋਨੀਆਂ ਨੂੰ ਤੋੜਿਆ ਗਿਆ, ਜਿੱਥੇ 42 ਫਾਉਂਡੇਸ਼ਨ, 5 ਨਿਰਮਾਣ ਢਾਂਚੇ ਅਤੇ ਸੀਵਰ ਲਾਈਨ ਲੱਗੀ ਹੋਈ ਸੀ। ਕਾਰਵਾਈ ਦੌਰਾਨ ਕੁਝ ਲੋਕਾਂ ਵੱਲੋਂ ਵਿਰੋਧ ਵੀ ਕੀਤਾ ਗਿਆ, ਪਰ ਪੁਲਿਸ ਦੀ ਮੌਜੂਦਗੀ ਵਿਚ ਤੋੜਫੋੜ ਜਾਰੀ ਰਹੀ।
ਜ਼ਿਲ੍ਹਾ ਸਿਟੀ ਪਲਾਨਰ ਸੁਮਨ ਨੇ ਲੋਕਾਂ ਨੂੰ ਚੇਤਾਵਨੀ ਦਿੱਤੀ ਕਿ ਲੈਂਡ ਮਾਫੀਆ ਲੋਕਾਂ ਨੂੰ ਠੱਗਣ ਲਈ ਗੈਰਕਾਨੂੰਨੀ ਕਲੋਨੀਆਂ ‘ਚ ਨਿਵੇਸ਼ ਲਈ ਉਤਸ਼ਾਹਿਤ ਕਰ ਰਹੇ ਹਨ। ਵਿਭਾਗ ਨੇ ਅਜਿਹੀਆਂ 86 ਕਲੋਨੀਆਂ ਦੀ ਪਛਾਣ ਕੀਤੀ ਹੈ ਜਿੱਥੇ ਨਿਰੰਤਰ ਗੈਰਕਾਨੂੰਨੀ ਵਿਕਾਸ ਚੱਲ ਰਿਹਾ ਹੈ।
ਉਨ੍ਹਾਂ ਨੇ ਕਿਹਾ ਕਿ ਲੋਕ ਆਪਣੀ ਜਿੰਦਗੀ ਦੀ ਪੂੰਜੀ ਲਗਾਉਣ ਤੋਂ ਪਹਿਲਾਂ ਸਰਕਾਰੀ ਦਫ਼ਤਰ ਜਾਂ ਸਿਟੀ ਪਲਾਨਿੰਗ ਵਿਭਾਗ ਤੋਂ ਪੁਸ਼ਟੀ ਜ਼ਰੂਰ ਕਰ ਲੈਣ।
