12 ਦਸੰਬਰ, 2025 ਅਜ ਦੀ ਆਵਾਜ਼
International Desk: ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਚੇਤਾਵਨੀ ਦਿੱਤੀ ਹੈ ਕਿ ਰੂਸ ਅਤੇ ਯੂਕਰੇਨ ਵਿਚਲਾ ਚੱਲਦਾ ਯੁੱਧ ਥਰਡ ਵਰਲਡ ਵਾਰ ਵਿੱਚ ਤਬਦੀਲ ਹੋ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਸਿਰਫ਼ ਪਿਛਲੇ ਮਹੀਨੇ ਇਸ ਯੁੱਧ ਵਿੱਚ 25 ਹਜ਼ਾਰ ਤੋਂ ਵੱਧ ਸੈਨਿਕ ਮਾਰੇ ਗਏ, ਜੋ ਕਾਫ਼ੀ ਚਿੰਤਾਜਨਕ ਹੈ।
ਟਰੰਪ ਨੇ ਦਾਅਵਾ ਕੀਤਾ ਕਿ ਉਹ ਯੁੱਧ ਨੂੰ ਖਤਮ ਕਰਵਾਉਣ ਦੀ ਪੂਰੀ ਕੋਸ਼ਿਸ਼ ਕਰ ਰਹੇ ਹਨ, ਪਰ ਦੋਵਾਂ ਦੇਸ਼ਾਂ—ਰੂਸ ਅਤੇ ਯੂਕਰੇਨ—ਦੇ ਪਿੱਛੇ ਹਟਣ ਤੋਂ ਉਹ ਨਿਰਾਸ਼ ਹਨ। ਉਨ੍ਹਾਂ ਕਿਹਾ,
“ਮੈਂ ਚਾਹੁੰਦਾ ਹਾਂ ਕਿ ਖੂਨ-ਖਰਾਬਾ ਰੁਕੇ। ਅਸੀਂ ਇਸ ਨੂੰ ਰੋਕਣ ਲਈ ਕੜੀ ਮਿਹਨਤ ਕਰ ਰਹੇ ਹਾਂ।”
“ਇਹ ਸਭ ਕੁਝ ਤੀਜੇ ਵਿਸ਼ਵ ਯੁੱਧ ਵੱਲ ਧੱਕ ਸਕਦਾ ਹੈ”—ਟਰੰਪ
ਟਰੰਪ ਨੇ ਕਿਹਾ ਕਿ ਵੱਡੀਆਂ ਤਾਕਤਾਂ ਦੇ ਇਸ ਤਰ੍ਹਾਂ ਟਕਰਾਅ ਦੇ ਨਤੀਜੇ ਬਹੁਤ ਖ਼ਤਰਨਾਕ ਹੁੰਦੇ ਹਨ।
ਉਨ੍ਹਾਂ ਕਿਹਾ:
“ਜਦੋਂ ਸਾਰੇ ਦੇਸ਼ ਅਜਿਹੀ ਖੇਡ ਖੇਡਦੇ ਰਹਿੰਦੇ ਹਨ, ਤਾਂ ਨਤੀਜਾ ਤੀਜਾ ਵਿਸ਼ਵ ਯੁੱਧ ਹੀ ਹੁੰਦਾ ਹੈ। ਇਹ ਕੁਝ ਅਸੀਂ ਕਤਈ ਨਹੀਂ ਚਾਹੁੰਦੇ।”
ਵ੍ਹਾਈਟ ਹਾਊਸ ਦੀ ਪ੍ਰੈੱਸ ਸੈਕਟਰੀ ਦਾ ਬਿਆਨ
ਵ੍ਹਾਈਟ ਹਾਊਸ ਦੀ ਪ੍ਰੈੱਸ ਸੈਕਟਰੀ ਕੈਰੋਲਿਨ ਲੇਵਿਟ ਨੇ ਵੀ ਦੱਸਿਆ ਕਿ ਰਾਸ਼ਟਰਪਤੀ ਦੋਵੇਂ ਪੱਖਾਂ—ਮਾਸਕੋ ਅਤੇ ਕੀਵ—ਤੋਂ ਜੰਗਬੰਦੀ ਨੂੰ ਲੈ ਕੇ ਬਹੁਤ ਨਿਰਾਸ਼ ਅਤੇ ਫਰਸਟ੍ਰੇਟ ਹਨ।
ਉਨ੍ਹਾਂ ਕਿਹਾ ਕਿ ਟਰੰਪ ਸਿਰਫ਼ ਮੀਟਿੰਗ ਲਈ ਮੀਟਿੰਗ ਕਰਨ ਤੋਂ ਤੰਗ ਆ ਚੁੱਕੇ ਹਨ।
“ਉਹ ਗੱਲਾਂ ਨਹੀਂ, ਨਤੀਜੇ ਚਾਹੁੰਦੇ ਹਨ।”
ਲੇਵਿਟ ਦੇ ਮੁਤਾਬਕ, ਅਮਰੀਕਾ ਪਿਛਲੇ ਚਾਰ ਸਾਲਾਂ ਤੋਂ ਇਸ ਜੰਗ ਨੂੰ ਖਤਮ ਕਰਨ ਲਈ ਮੁੱਖ ਵਿਚੋਲੇ ਵਜੋਂ ਕੰਮ ਕਰ ਰਿਹਾ ਹੈ, ਪਰ ਤਰੱਕੀ ਬਹੁਤ ਧੀਮੀ ਹੈ।
