ਗੁਰਦਾਸਪੁਰ 05 Dec 2025 Aj DI Awaaj
Punjab Desk : ਪੁਲਿਸ ਥਾਣਾ ਕਾਹਨੂੰਵਾਨ ਦੇ ਅਧੀਨ ਪੈਂਦੇ ਪਿੰਡ ਨੈਣੇਕੋਟ ਦਾ ਇੱਕ 80 ਸਾਲਾ ਬਜ਼ੁਰਗ ਆਪਣੀ ਮੋਪਡ ‘ਤੇ ਘਰ ਵਾਪਸ ਆਉਂਦਾ ਹੋਇਆ ਦਰਦਨਾਕ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। ਤੇਜ਼ ਰਫ਼ਤਾਰ ਨਾਲ ਆ ਰਹੀ ਕਾਰ ਨੇ ਮੋਪਡ ਨੂੰ ਜ਼ੋਰਦਾਰ ਟੱਕਰ ਮਾਰੀ, ਜਿਸ ਨਾਲ ਬਜ਼ੁਰਗ ਦੀ ਮੌਕੇ ‘ਤੇ ਹੀ ਮੌ*ਤ ਹੋ ਗਈ। ਮ੍ਰਿ*ਤਕ ਦੀ ਪਹਿਚਾਣ ਵਸਣ ਸਿੰਘ ਪੁੱਤਰ ਕਾਬਲ ਸਿੰਘ ਵਜੋਂ ਹੋਈ ਹੈ।
ਕਿਵੇਂ ਵਾਪਰਿਆ ਹਾਦਸਾ
ਚਸ਼ਮਦੀਦਾਂ ਦੇ ਅਨੁਸਾਰ ਵਸਣ ਸਿੰਘ ਪਿੰਡ ਵੜੈਚ ਤੋਂ ਮੋਪਡ ‘ਤੇ ਨੈਣੇਕੋਟ ਵੱਲ ਜਾ ਰਹੇ ਸਨ। ਜਦੋਂ ਉਹ ਗੁਰਦਾਸਪੁਰ–ਸ੍ਰੀ ਹਰਗੋਬਿੰਦਪੁਰ ਰੋਡ ਤੋਂ ਆਪਣੇ ਪਿੰਡ ਵੱਲ ਮੁੜੇ ਤਾਂ ਸਠਿਆਲੀ ਪਾਸੇ ਤੋਂ ਆ ਰਹੀ ਇੱਕ ਤੇਜ਼ ਰਫ਼ਤਾਰ ਕਾਰ ਸੀਧੀ ਉਨ੍ਹਾਂ ਨਾਲ ਜਾ ਟਕਰਾਈ।
ਟੱਕਰ ਇੰਨੀ ਭਿਆਨਕ ਸੀ ਕਿ ਬਜ਼ੁਰਗ ਵਸਣ ਸਿੰਘ ਅਤੇ ਮੋਪਡ ਦੋਵੇਂ ਲੱਗਭਗ 50 ਫੁੱਟ ਦੂਰ ਸੁੱਟੇ ਗਏ ਅਤੇ ਸੜਕ ਕਿਨਾਰੇ ਸਫੇਦੇ ਦੇ ਦਰੱਖ਼ਤ ਨਾਲ ਜਾ ਟਕਰਾਏ।
ਕਾਰ ਦੇ ਟੁਕੜੇ ਮੌਕੇ ‘ਤੇ ਮਿਲੇ
ਟੱਕਰ ਮਾਰਣ ਵਾਲੀ ਕਾਰ ਦਾ ਅੱਗਲਾ ਹਿੱਸਾ ਤਬਾਹ ਹੋ ਗਿਆ ਅਤੇ ਨੰਬਰ ਪਲੇਟ ਸਮੇਤ ਕਈ ਹਿੱਸੇ ਘਟਨਾ ਸਥਾਨ ਤੋਂ ਬਰਾਮਦ ਹੋਏ। ਨੰਬਰ ਪਲੇਟ ‘ਤੇ ਚੰਡੀਗੜ੍ਹ ਦਾ ਨੰਬਰ ਦਰਜ ਮਿਲਿਆ ਹੈ।
ਹਸਪਤਾਲ ਲਿਜਾਣ ‘ਤੇ ਹੋਈ ਮੌ*ਤ ਦੀ ਪੁਸ਼ਟੀ
ਰਾਹਗੀਰਾਂ ਅਤੇ ਪਰਿਵਾਰਕ ਮੈਂਬਰਾਂ ਵੱਲੋਂ ਵਸਣ ਸਿੰਘ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ, ਪਰ ਡਾਕਟਰਾਂ ਨੇ ਉਨ੍ਹਾਂ ਨੂੰ ਮ੍ਰਿਤ*ਕ ਘੋਸ਼ਿਤ ਕਰ ਦਿੱਤਾ।
ਪੁਲਿਸ ਵੱਲੋਂ ਅੱਗੇ ਦੀ ਜਾਂਚ ਜਾਰੀ ਹੈ ਅਤੇ ਕਾਰ ਚਾਲਕ ਦੀ ਪਹਿਚਾਣ ਲਈ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ।
