27 ਫਰਵਰੀ 2026 ਅੱਜ ਦੀ ਆਵਾਜ਼
ਸਪੋਰਟਸ ਡੈਸਕ: ਸੁਪਰ-8 ਦੇ ਮੁਕਾਬਲੇ ਵਿੱਚ ਭਾਰਤ ਨੇ ਜ਼ਿੰਬਾਬਵੇ ਨੂੰ 72 ਦੌੜਾਂ ਨਾਲ ਹਰਾ ਕੇ ਟੂਰਨਾਮੈਂਟ ਵਿੱਚ ਆਪਣੀ ਪਹਿਲੀ ਜਿੱਤ ਦਰਜ ਕੀਤੀ ਅਤੇ ਸੈਮੀਫਾਈਨਲ ਦੀਆਂ ਉਮੀਦਾਂ ਨੂੰ ਜ਼ਿੰਦਾ ਰੱਖਿਆ। ਅਭਿਸ਼ੇਕ ਸ਼ਰਮਾ (55) ਅਤੇ ਹਾਰਦਿਕ ਪੰਡਯਾ (50*) ਦੀ ਤੂਫਾਨੀ ਅਰਧ ਸੈਂਕੜਿਆਂ ਦੀ ਬਦੌਲਤ ਭਾਰਤ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 20 ਓਵਰਾਂ ਵਿੱਚ 4 ਵਿਕਟਾਂ ‘ਤੇ 256 ਦੌੜਾਂ ਬਣਾਈਆਂ, ਜੋ ਟੀ-20 ਵਿਸ਼ਵ ਕੱਪ ਵਿੱਚ ਭਾਰਤ ਦਾ ਸਭ ਤੋਂ ਵੱਡਾ ਸਕੋਰ ਹੈ।
ਟਾਸ ਜਿੱਤ ਕੇ ਜ਼ਿੰਬਾਬਵੇ ਦੇ ਕਪਤਾਨ ਸਿਕੰਦਰ ਰਜ਼ਾ ਨੇ ਪਹਿਲਾਂ ਗੇਂਦਬਾਜ਼ੀ ਚੁਣੀ, ਪਰ ਭਾਰਤੀ ਬੱਲੇਬਾਜ਼ਾਂ ਨੇ ਸ਼ੁਰੂ ਤੋਂ ਹੀ ਆਕਰਮਕ ਰਵੱਈਆ ਅਪਣਾਇਆ। ਸੰਜੂ ਸੈਮਸਨ (23) ਅਤੇ ਅਭਿਸ਼ੇਕ ਨੇ ਤੇਜ਼ ਸ਼ੁਰੂਆਤ ਦਿੱਤੀ, ਜਦਕਿ ਈਸ਼ਾਨ ਕਿਸ਼ਨ (38) ਅਤੇ ਕਪਤਾਨ ਸੂਰਿਆਕੁਮਾਰ ਯਾਦਵ (33) ਨੇ ਰਫ਼ਤਾਰ ਕਾਇਮ ਰੱਖੀ। ਅੰਤ ਵਿੱਚ ਹਾਰਦਿਕ ਪੰਡਯਾ (50*) ਅਤੇ ਤਿਲਕ ਵਰਮਾ (44*) ਨੇ ਧਮਾਕੇਦਾਰ ਪਾਰੀ ਖੇਡ ਕੇ ਸਕੋਰ 250 ਤੋਂ ਪਾਰ ਪਹੁੰਚਾਇਆ।
257 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਜ਼ਿੰਬਾਬਵੇ ਦੀ ਟੀਮ 20 ਓਵਰਾਂ ਵਿੱਚ 6 ਵਿਕਟਾਂ ‘ਤੇ 184 ਦੌੜਾਂ ਹੀ ਬਣਾ ਸਕੀ। ਬ੍ਰਾਇਨ ਬੇਨੇਟ ਅਤੇ ਸਿਕੰਦਰ ਰਜ਼ਾ ਨੇ ਮੱਧ ਓਵਰਾਂ ਵਿੱਚ ਸਾਂਝੇਦਾਰੀ ਬਣਾਈ, ਪਰ ਅਰਸ਼ਦੀਪ ਸਿੰਘ ਅਤੇ ਅਕਸ਼ਰ ਪਟੇਲ ਦੀ ਕਸਰਤ ਭਰੀ ਗੇਂਦਬਾਜ਼ੀ ਅੱਗੇ ਜ਼ਿੰਬਾਬਵੇ ਟਿਕ ਨਾ ਸਕਿਆ।
ਇਸ ਜਿੱਤ ਨਾਲ ਭਾਰਤ ਦੀ ਸੈਮੀਫਾਈਨਲ ਦੌੜ ਮਜ਼ਬੂਤ ਹੋ ਗਈ ਹੈ। ਹੁਣ 1 ਮਾਰਚ ਨੂੰ ਭਾਰਤ ਦਾ ਅਗਲਾ ਮੁਕਾਬਲਾ ਵੈਸਟਇੰਡੀਜ਼ ਨਾਲ ਹੋਵੇਗਾ, ਜੋ ਅਗਲੇ ਦੌਰ ਦੀ ਟਿਕਟ ਲਈ ਨਿਰਣਾਇਕ ਸਾਬਤ ਹੋ ਸਕਦਾ ਹੈ।
