07 ਅਪ੍ਰੈਲ 2025 ਅੱਜ ਦੀ ਆਵਾਜ਼
ਸਥਾਨਕ ਲੋਕਾਂ ਦੀ ਕੋਸ਼ਿਸ਼ ਨਾਲ ਪੁਨੀਆ ਕਲੋਨੀ ਦਾ ਬੇਜਾਨ ਪਾਰਕ ਬਣਿਆ ਹਰੇਭਰੇ ਜੀਵਨ ਦਾ ਕੇਂਦਰ ਪਹਲੇ ਜੋ ਪਾਰਕ ਸਰਕਾਰੀ ਅਣਗੌਲ ਅਤੇ ਬੇਧਿਆਨਤੀ ਕਾਰਨ ਸੁੱਕ ਚੁੱਕਾ ਸੀ, ਹੁਣ ਉਹ ਲੋਕਾਂ ਦੀ ਮਿਹਨਤ ਅਤੇ ਲਗਨ ਨਾਲ ਫਿਰ ਤੋਂ ਹਰਾ-ਭਰਾ ਹੋ ਗਿਆ ਹੈ। ਪੁਨੀਆ ਕਲੋਨੀ, ਮੁਬਾਰਕ ਮਹਿਲ, ਖਲੀਫਾ ਬਾਗ ਅਤੇ ਪੰਦਰੀਆਂ ਕਲੋਨੀ ਦੇ ਵਾਸੀਆਂ ਨੇ ਆਪਣੇ ਯਤਨਾਂ ਨਾਲ ਪਾਰਕ ਨੂੰ ਨਵੀਂ ਜ਼ਿੰਦਗੀ ਦਿੱਤੀ। ਸਾਲ 2018 ਵਿੱਚ ਬਣੇ ਇਸ ਪਾਰਕ ਦੀ ਸ਼ੁਰੂਆਤੀ ਦੇਖਭਾਲ PWD ਦੇ ਬਾਗਬਾਨੀ ਵਿਭਾਗ ਵਲੋਂ ਕੀਤੀ ਗਈ। ਪਰ 2021 ਵਿੱਚ ਇਕਰਾਰਨਾਮਾ ਖਤਮ ਹੋਣ ਉਪਰੰਤ ਵਿਭਾਗ ਵਲੋਂ ਕੋਈ ਧਿਆਨ ਨਾ ਦੇਣ ਕਾਰਨ ਪਾਣੀ ਅਤੇ ਬਿਜਲੀ ਦੀ ਕਟੌਤੀ ਹੋ ਗਈ ਅਤੇ ਪੌਦੇ ਸੁੱਕਣ ਲੱਗ ਪਏ। ਇਸ ਤੋ ਬਾਅਦ ਇਲਾਕਾ ਵਾਸੀਆਂ ਨੇ ਆਪਣੇ ਭਰੋਸੇ ‘ਤੇ ਪਾਰਕ ਦੀ ਸੰਭਾਲ ਲਈ ਇਕ 11 ਮੈਂਬਰਾਂ ਦੀ ਕਮੇਟੀ ਬਣਾਈ। ਹੌਲੀ-ਹੌਲੀ ਇਹ ਗਿਣਤੀ 100 ਤੋਂ ਵੱਧ ਹੋ ਗਈ। ਹਰ ਮੈਂਬਰ ਨੇ 500 ਰੁਪਏ ਪ੍ਰਤੀ ਮਹੀਨਾ ਦੇਣ ਦੀ ਸ਼ੁਰੂਆਤ ਕੀਤੀ। ਇਸ ਫੰਡ ਨਾਲ ਪਾਰਕ ਵਿੱਚ ਨਵਾਂ ਬਿਜਲੀ ਕੁਨੈਕਸ਼ਨ ਲਾਇਆ ਗਿਆ, ਪਾਣੀ ਲਈ 200 ਫੁੱਟ ਲੰਮੀ ਪਾਈਪ, ਸਪਰੇਅ ਮਸ਼ੀਨ ਅਤੇ ਖਾਦ ਦੀ ਵਿਆਸਥਾ ਕੀਤੀ ਗਈ। ਪਾਰਕ ਹੈਂਡਲ ਵੈਲਫੇਅਰ ਸੁਸਾਇਟੀ ਦੇ ਤਹਿਤ ਦਰਜ ਕਰਵਾਈ ਗਈ। ਕਮੇਟੀ ਵਲੋਂ ਦੋ ਗਾਰਡਨਰ ਭਰਤੀ ਕਰਕੇ ਪੌਦਿਆਂ ਦੀ ਸੰਭਾਲ ਕੀਤੀ ਜਾ ਰਹੀ ਹੈ। ਫਾਟਕਾਂ ਦੀ ਮੁਰੰਮਤ, ਸਵਿੰਗਜ਼, ਟ੍ਰੀ ਗਾਰਡ, ਡਸਟਬਿਨ ਅਤੇ ਵਾਤਾਵਰਣ ਸੰਬੰਧੀ ਜਾਣਕਾਰੀ ਲਈ 20 ਬੋਰਡ ਵੀ ਲਗਾਏ ਗਏ ਹਨ। ਹੁਣ ਇਹ ਪਾਰਕ ਇਲਾਕਾ ਵਾਸੀਆਂ ਲਈ ਸਵੇਰ ਅਤੇ ਸ਼ਾਮ ਦੀ ਸੈਰ, ਸਮਾਗਮਾਂ ਅਤੇ ਤਿਉਹਾਰ ਮਨਾਉਣ ਦਾ ਮੁੱਖ ਕੇਂਦਰ ਬਣ ਚੁੱਕਾ ਹੈ – ਜੋ ਕਿ ਲੋਕਾਂ ਦੀ ਲਗਨ ਅਤੇ ਇਕਤਾਪੂਰਨ ਯਤਨਾਂ ਦਾ ਨਤੀਜਾ ਹੈ।
