ਚੰਡੀਗੜ੍ਹ: 15 Aug 2026 AJ DI Awaaj
Chandigarh Desk : ਪੰਜਾਬੀ ਸਿਨੇਮਾ ਵਿੱਚ ਆਪਣੀ ਵੱਖਰੀ ਪਛਾਣ ਬਣਾਉਣ ਵਾਲੇ ਲੇਖਕ ਤੇ ਨਿਰਦੇਸ਼ਕ ਭਗਵੰਤ ਸਿੰਘ ਕੰਗ ਹੁਣ ਆਪਣੀ ਹਿੰਦੀ ਫਿਲਮ ‘ਰਫ਼ਤਾਰ’ ਨਾਲ ਦਰਸ਼ਕਾਂ ਦੇ ਰੂਬਰੂ ਹੋਏ ਹਨ। ਬਦਲਾ ਅਤੇ ਥ੍ਰਿਲਰ ’ਤੇ ਆਧਾਰਿਤ ਇਹ ਫਿਲਮ OTT ਪਲੇਟਫਾਰਮ ’ਤੇ ਰਿਲੀਜ਼ ਹੋ ਚੁੱਕੀ ਹੈ।
‘ਫਿਲਮੀ ਅਦਾ’ ਦੇ ਬੈਨਰ ਹੇਠ ਬਣੀ ਇਸ ਫਿਲਮ ਦਾ ਨਿਰਮਾਣ ਪਰਮਜੀਤ ਸਿੰਘ ਨਾਗਰਾ, ਭਗਵੰਤ ਸਿੰਘ ਕੰਗ ਅਤੇ ਸਹਿ-ਨਿਰਮਾਤਾ ਸਰਬਜੀਤ ਕੌਰ (ਸੱਬੋ) ਵੱਲੋਂ ਕੀਤਾ ਗਿਆ ਹੈ।
ਬਦਲੇ ਅਤੇ ਨਿਆਂ ਦੀ ਕਹਾਣੀ
ਫਿਲਮ ਦੀ ਕਹਾਣੀ ਇੱਕ ਨੌਜਵਾਨ ਜੋੜੇ ਦੇ ਆਲੇ-ਦੁਆਲੇ ਘੁੰਮਦੀ ਹੈ, ਜੋ ਆਪਣੀ ਜ਼ਿੰਦਗੀ ਬਦਲ ਦੇਣ ਵਾਲੇ ਦੁਸ਼ਮਣ ਦੀ ਭਾਲ ਵਿੱਚ ਨਿਕਲਦਾ ਹੈ। ਦਰਦ, ਗੁੱਸੇ ਅਤੇ ਨਿਆਂ ਦੀ ਤਲਬ ਉਨ੍ਹਾਂ ਨੂੰ ਜੁਰਮ ਦੀ ਦੁਨੀਆ ਦੇ ਹਨੇਰੇ ਰਸਤਿਆਂ ਤੱਕ ਲੈ ਜਾਂਦੀ ਹੈ।
ਨਿਰਦੇਸ਼ਕ ਭਗਵੰਤ ਸਿੰਘ ਕੰਗ ਮੁਤਾਬਕ ਫਿਲਮ ਨੂੰ ਭਾਵਨਾਤਮਕ ਤੌਰ ’ਤੇ ਮਜ਼ਬੂਤ ਕਹਾਣੀ ਅਤੇ ਥ੍ਰਿਲਰ ਤੱਤਾਂ ਨਾਲ ਪੇਸ਼ ਕੀਤਾ ਗਿਆ ਹੈ।
ਇਹ ਕਲਾਕਾਰ ਹਨ ਫਿਲਮ ਦਾ ਹਿੱਸਾ
ਫਿਲਮ ਦੇ DOP ਜਸਜੋਤ ਗਿੱਲ, ਪ੍ਰੋਜੈਕਟ ਹੈੱਡ ਗੁਰਪ੍ਰੀਤ ਕੌਰ ਕੰਗ, ਜਦਕਿ ਕਹਾਣੀ, ਪਟਕਥਾ ਅਤੇ ਸੰਵਾਦ ਐਸਪੀ ਵਿਸ਼ਾਲ ਨੇ ਲਿਖੇ ਹਨ। ਫਿਲਮ ਦੇ ਗੀਤਕਾਰ ਭਗਵੰਤ ਸਿੰਘ ਕੰਗ ਹਨ।
ਫਿਲਮ ਦੀ ਕਾਸਟ ਵਿੱਚ ਰਾਣਾ ਦਰਾਜ, ਅੰਜਲੀਨਾ ਰਾਜਪੂਤ, ਅਸ਼ੋਕ ਸ਼ਾਨ, ਰੂਪਿੰਦਰ ਭਾਂਕੁਰ, ਸੁਨੀਤਾ ਰਾਣੀ, ਅੰਮ੍ਰਿਤ ਸੰਧੂ, ਭੁਪਿੰਦਰਜੀਤ, ਸੋਨੀ ਸਿੰਘ, ਅਸ਼ੋਕ ਸਿੰਗਲਾ ਅਤੇ ਅਮਦਾਦ ਅਲੀ ਸਮੇਤ ਕਈ ਕਲਾਕਾਰ ਸ਼ਾਮਲ ਹਨ।
ਭਗਵੰਤ ਸਿੰਘ ਕੰਗ ਇਸ ਤੋਂ ਪਹਿਲਾਂ ‘ਮੁਰਗਾਬੀਆ’, ‘ਕਾਲੀ ਬੋਲੀ ਰਾਤ’, ‘ਪੁੱਤਾਂ ਦੇ ਵਪਾਰੀ’, ‘ਪੌੜੀ’, ‘ਪੁੱਤ ਵੰਡਾਉਣ ਜ਼ਮੀਨਾਂ’ ਅਤੇ ‘ਗੁਨਾਹਾਂ ਦੇ ਰੰਗ’ ਵਰਗੀਆਂ ਫਿਲਮਾਂ ਨਾਲ ਦਰਸ਼ਕਾਂ ਦਾ ਧਿਆਨ ਖਿੱਚ ਚੁੱਕੇ ਹਨ।
