ਰੋਹਤਕ:27 Aug 2026 AJ DI Awaaj
National Desk : ਕਰੀਬ 15 ਸਾਲ ਪੁਰਾਣੇ ਕ*ਤਲ ਮਾਮਲੇ ਵਿੱਚ ਰੋਹਤਕ ਦੀ ਜ਼ਿਲ੍ਹਾ ਅਦਾਲਤ ਨੇ ਇਨੈਲੋ ਦੇ ਸਾਬਕਾ ਵਿਧਾਇਕ ਬਲਬੀਰ ਉਰਫ਼ ਬਾਲੀ ਪਹਿਲਵਾਨ ਸਮੇਤ ਸੱਤ ਦੋਸ਼ੀਆਂ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਹੈ। ਮਾਮਲਾ 5 ਮਈ 2011 ਨੂੰ ਕਲਾਨੌਰ ਅਨਾਜ ਮੰਡੀ ਵਿੱਚ ਹੋਏ ਵਿਸ਼ਨੂੰ ਦੇ ਕਤ*ਲ ਨਾਲ ਸਬੰਧਤ ਹੈ।
ਗੋ*ਲੀਬਾਰੀ ਦੌਰਾਨ ਹੋਈ ਸੀ ਵਿਸ਼ਨੂੰ ਦੀ ਮੌ*ਤ
ਮਾਮਲੇ ਮੁਤਾਬਕ ਕਲਾਨੌਰ ਅਨਾਜ ਮੰਡੀ ਵਿੱਚ ਇੱਕ ਦੁਕਾਨ ’ਤੇ ਗਊਸ਼ਾਲਾ ਲਈ ਦਾਨ ਮੰਗਣ ਨੂੰ ਲੈ ਕੇ ਕੁਝ ਲੋਕਾਂ ਦਾ ਵਿਵਾਦ ਹੋਇਆ ਸੀ। ਦੋਸ਼ ਹੈ ਕਿ ਅਗਲੇ ਦਿਨ ਬਾਲੀ ਪਹਿਲਵਾਨ ਆਪਣੇ ਸਾਥੀਆਂ ਨਾਲ ਮੰਡੀ ਪਹੁੰਚਿਆ, ਜਿੱਥੇ ਹੋਈ ਗੋ*ਲੀਬਾਰੀ ਦੌਰਾਨ ਵਿਸ਼ਨੂੰ ਨੂੰ ਗੋ*ਲੀ ਲੱਗੀ ਅਤੇ ਉਸ ਦੀ ਮੌ*ਤ ਹੋ ਗਈ।
ਘਟਨਾ ਤੋਂ ਬਾਅਦ ਪੁਲਿਸ ਨੇ ਕ*ਤਲ ਸਮੇਤ ਵੱਖ-ਵੱਖ ਧਾਰਾਵਾਂ ਤਹਿਤ ਕੇਸ ਦਰਜ ਕਰਕੇ ਜਾਂਚ ਸ਼ੁਰੂ ਕੀਤੀ ਸੀ।
ਅਦਾਲਤ ਨੇ ਸੁਣਾਈ ਉਮਰ ਕੈਦ
ਲੰਬੀ ਕਾਨੂੰਨੀ ਕਾਰਵਾਈ ਤੋਂ ਬਾਅਦ ਵਧੀਕ ਸੈਸ਼ਨ ਜੱਜ ਕਪਿਲ ਰਾਠੀ ਦੀ ਅਦਾਲਤ ਨੇ ਬਾਲੀ ਪਹਿਲਵਾਨ ਸਮੇਤ ਸੱਤ ਵਿਅਕਤੀਆਂ ਨੂੰ ਦੋਸ਼ੀ ਕਰਾਰ ਦਿੰਦਿਆਂ ਉਮਰ ਕੈਦ ਦੀ ਸਜ਼ਾ ਸੁਣਾਈ। ਮਾਮਲੇ ਵਿੱਚ IPC ਦੀਆਂ ਵੱਖ-ਵੱਖ ਧਾਰਾਵਾਂ ਦੇ ਨਾਲ ਕੁਝ ਦੋਸ਼ੀਆਂ ਖ਼ਿਲਾਫ਼ ਅਸਲਾ ਐਕਟ ਤਹਿਤ ਵੀ ਕਾਰਵਾਈ ਕੀਤੀ ਗਈ।
ਵਕੀਲ ਮੁਤਾਬਕ ਅਦਾਲਤ ਵੱਲੋਂ ਲਗਾਏ ਗਏ ਮੁਆਵਜ਼ੇ ਵਿੱਚੋਂ 2 ਲੱਖ ਰੁਪਏ ਪੀੜਤ ਪਰਿਵਾਰ ਨੂੰ ਦਿੱਤੇ ਜਾਣਗੇ।
ਫੈਸਲੇ ਤੋਂ ਬਾਅਦ ਪੀੜਤ ਪਰਿਵਾਰ ਨੇ ਸੰਤੁਸ਼ਟੀ ਜ਼ਾਹਰ ਕਰਦਿਆਂ ਕਿਹਾ ਕਿ ਲੰਬੀ ਕਾਨੂੰਨੀ ਲੜਾਈ ਤੋਂ ਬਾਅਦ ਆਖ਼ਰਕਾਰ ਉਨ੍ਹਾਂ ਨੂੰ ਇਨਸਾਫ਼ ਮਿਲਿਆ ਹੈ।
