ਨਾਈਜੀਰੀਆ: 25 AJ DI Awaaj
International Desk : ਨਾਈਜੀਰੀਆ ਦੇ ਨਾਈਜਰ ਰਾਜ ਵਿੱਚ ਇੱਕ ਕੈਥੋਲਿਕ ਸਕੂਲ ਤੋਂ ਹਥਿ*ਆਰਬੰਦ ਅੱਤਵਾ*ਦੀਆਂ ਨੇ 300 ਤੋਂ ਵੱਧ ਵਿਦਿਆਰਥੀਆਂ ਅਤੇ ਸਟਾਫ ਨੂੰ ਅਗਵਾ ਕਰ ਲਿਆ ਹੈ। ਪਹਿਲਾਂ ਅੰਕੜਾ 227 ਦੱਸਿਆ ਜਾ ਰਿਹਾ ਸੀ, ਪਰ ਤਸਦੀਕ ਤੋਂ ਬਾਅਦ ਇਹ ਗਿਣਤੀ ਵੱਧ ਕੇ 315 ਹੋ ਗਈ ਹੈ। ਨਾਈਜੀਰੀਆ ਦੀ ਕ੍ਰਿਸਚੀਅਨ ਐਸੋਸੀਏਸ਼ਨ ਦੇ ਮੁਤਾਬਕ ਅਗਵਾ ਹੋਣ ਵਾਲਿਆਂ ਵਿੱਚ 303 ਬੱਚੇ ਅਤੇ 12 ਅਧਿਆਪਕ ਸ਼ਾਮਲ ਹਨ।
ਬਿਆਨ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਨਵੇਂ ਅੰਕੜਿਆਂ ਵਿੱਚ ਉਹ 88 ਹੋਰ ਵਿਦਿਆਰਥੀ ਵੀ ਸ਼ਾਮਲ ਹਨ ਜਿਨ੍ਹਾਂ ਨੂੰ ਅੱਤ*ਵਾਦੀਆਂ ਨੇ ਭੱਜਣ ਦੀ ਕੋਸ਼ਿਸ਼ ਦੌਰਾਨ ਕਾਬੂ ਕੀਤਾ। ਇਸ ਘਟਨਾ ਨੂੰ ਹੁਣ ਤੱਕ ਦਾ ਸਭ ਤੋਂ ਵੱਡਾ ਸਮੂਹਿਕ ਅਗਵਾ ਮੰਨਿਆ ਜਾ ਰਿਹਾ ਹੈ।
ਇਹ ਹਮਲਾ ਉਸ ਸਮੇਂ ਹੋਇਆ ਹੈ ਜਦੋਂ ਦੇਸ਼ ਵਿੱਚ ਹਥਿਆਰਬੰਦ ਗਿਰੋਹਾਂ ਅਤੇ ਇਸਲਾਮੀ ਕੱਟੜਪੰਥੀਆਂ ਦੀ ਹਿੰਸਾ ਵਿੱਚ ਤੇਜ਼ੀ ਆਈ ਹੈ। ਇਹ ਘਟਨਾ ਉਸ ਹਾਲਾਤ ਵਿਚ ਸਾਹਮਣੇ ਆਈ ਹੈ ਜਦੋਂ ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਇਸ ਮਹੀਨੇ ਨਾਈਜੀਰੀਆ ਵਿੱਚ ਈਸਾਈਆਂ ਖ਼ਿਲਾਫ਼ ਹਿੰਸਾ ‘ਤੇ ਕਾਰਵਾਈ ਦੀ ਚੇਤਾਵਨੀ ਦਿੱਤੀ ਸੀ।
2014 ਦੇ ਚਿਬੋਕ ਅਗਵਾ ਨਾਲੋਂ ਵੱਡੀ ਘਟਨਾ
2014 ਵਿੱਚ ਬੋਕੋ ਹਰਮ ਨੇ ਚਿਬੋਕ ਤੋਂ 276 ਕੁੜੀਆਂ ਨੂੰ ਅਗਵਾ ਕੀਤਾ ਸੀ, ਜਿਸ ਨੇ ਦੁਨਿਆ ਭਰ ਨੂੰ ਹਿਲਾ ਦਿੱਤਾ ਸੀ। ਰਾਇਟਰਜ਼ ਦੇ ਅਨੁਸਾਰ, ਜੇਕਰ ਹੁਣ 315 ਲੋਕ ਅਗਵਾ ਕੀਤੇ ਗਏ ਹਨ, ਤਾਂ ਇਹ ਚਿਬੋਕ ਤੋਂ ਵੀ ਵੱਡਾ ਅਗਵਾ ਬਣ ਜਾਂਦਾ ਹੈ।
ਸਕੂਲ ਬੰਦ ਕਰਨ ਦੇ ਨਿਰਦੇਸ਼ਾਂ ਨੂੰ ਨਜ਼ਰਅੰਦਾਜ਼ ਕੀਤਾ ਗਿਆ?
ਨਾਈਜਰ ਰਾਜ ਸਰਕਾਰ ਦਾ ਕਹਿਣਾ ਹੈ ਕਿ ਸਕੂਲ ਨੇ ਉਸ ਨਿਰਦੇਸ਼ ਨੂੰ ਮਾਨਿਆ ਨਹੀਂ ਜਿਸ ਵਿੱਚ ਹਮਲਿਆਂ ਦੇ ਉੱਚ ਜੋਖਮ ਕਾਰਨ ਬੋਰਡਿੰਗ ਸਕੂਲ ਬੰਦ ਕਰਨ ਲਈ ਕਿਹਾ ਗਿਆ ਸੀ। ਹਾਲਾਂਕਿ ਸਥਾਨਕ CAN ਦੇ ਚੇਅਰਮੈਨ ਰੈਵਰੈਂਡ ਬੁਲੁਸ ਦੌਵਾ ਯੋਹਾਨਾ ਨੇ ਦਾਅਵਾ ਕੀਤਾ ਹੈ ਕਿ ਜਦੋਂ ਉਹ ਸ਼ੁੱਕਰਵਾਰ ਰਾਤ ਸਕੂਲ ਪਹੁੰਚੇ, ਉਸ ਸਮੇਂ ਕੋਈ ਅਜਿਹੀ ਚੇਤਾਵਨੀ ਨਹੀਂ ਸੀ।
ਦੇਸ਼ ਭਰ ਦੇ ਸਕੂਲ ਤੇ ਕਾਲਜ ਬੰਦ
ਇਸ ਘਟਨਾ ਤੋਂ ਬਾਅਦ ਕੇਂਦਰੀ ਸਰਕਾਰ ਨੇ ਤਤਕਾਲ ਲਗਭਗ 50 ਫੈਡਰਲ ਕਾਲਜਾਂ ਨੂੰ ਬੰਦ ਕਰਨ ਦੇ ਹੁਕਮ ਜਾਰੀ ਕਰ ਦਿੱਤੇ ਹਨ। ਕੁਝ ਰਾਜਾਂ ਵਿੱਚ ਸਾਰੇ ਪਬਲਿਕ ਸਕੂਲ ਵੀ ਬੰਦ ਕਰ ਦਿੱਤੇ ਗਏ ਹਨ।
ਸ਼ੁੱਕਰਵਾਰ ਦਾ ਇਹ ਅਗਵਾ ਇਸ ਹਫ਼ਤੇ ਦਾ ਤੀਜਾ ਵੱਡਾ ਹਮਲਾ ਸੀ। ਇਸ ਤੋਂ ਪਹਿਲਾਂ,
- ਸੋਮਵਾਰ ਨੂੰ ਕੇਬੀ ਰਾਜ ਦੇ ਇੱਕ ਬੋਰਡਿੰਗ ਸਕੂਲ ਤੋਂ 25 ਲੜਕੀਆਂ ਅਗਵਾ ਹੋਈਆਂ,
- ਅਤੇ ਬੁੱਧਵਾਰ ਨੂੰ ਕਵਾਰਾ ਰਾਜ ਵਿੱਚ ਗਿਰਜਾਘਰ ‘ਤੇ ਹਮਲੇ ਦੌਰਾਨ 38 ਸ਼ਰਧਾਲੂ ਅਗਵਾ ਕਰ ਲਏ ਗਏ।
