ਕਰਨਾਟਕ 12 May 2026 AJ DI Awaaj
National Desk : ਸ਼*ਰਾਬ ਦੀਆਂ ਕੀਮਤਾਂ ਇੱਕ ਵਾਰ ਫਿਰ ਵਧ ਗਈਆਂ ਹਨ। ਰਾਜ ਸਰਕਾਰ ਨੇ ਆਬਕਾਰੀ ਟੈਕਸ ਪ੍ਰਣਾਲੀ ਵਿੱਚ ਵੱਡਾ ਬਦਲਾਅ ਕਰਦੇ ਹੋਏ ਨਵੀਂ ਐਕਸਾਈਜ਼ ਨੀਤੀ ਲਾਗੂ ਕੀਤੀ ਹੈ, ਜਿਸ ਤਹਿਤ ਹੁਣ ਸ਼ਰਾ*ਬ ‘ਤੇ ਟੈਕਸ ਉਸ ਵਿੱਚ ਮੌਜੂਦ ਅਲਕੋਹਲ ਦੀ ਮਾਤਰਾ ਦੇ ਆਧਾਰ ‘ਤੇ ਲਗਾਇਆ ਜਾਵੇਗਾ। ਇਹ ਨਵੀਂ ਨੀਤੀ 11 ਮਈ ਤੋਂ ਪੂਰੇ ਰਾਜ ਵਿੱਚ ਲਾਗੂ ਹੋ ਚੁੱਕੀ ਹੈ।
ਨਵੀਂ ਨੀਤੀ ਦੇ ਲਾਗੂ ਹੋਣ ਨਾਲ ਬ੍ਰਾਂਡੀ, ਵਿਸਕੀ, ਰਮ, ਜਿਨ, ਵੋਡਕਾ, ਬੀਅਰ ਅਤੇ ਵਾਈਨ ਸਮੇਤ ਕਈ ਸ਼*ਰਾਬਾਂ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋਇਆ ਹੈ। ਖਾਸ ਤੌਰ ‘ਤੇ 180 ਮਿਲੀਲੀਟਰ ਵਾਲੀਆਂ ਟੈਟਰਾ ਪੈਕ ਅਤੇ ਬੋਤਲਾਂ ਦੀ ਕੀਮਤ ਵਿੱਚ 20 ਤੋਂ 30 ਫੀਸਦੀ ਤੱਕ ਵਾਧੇ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ।
ਕਰਨਾਟਕ ਬਰੂਅਰਜ਼ ਐਂਡ ਡਿਸਟਿਲਰਜ਼ ਐਸੋਸੀਏਸ਼ਨ (KBDA) ਮੁਤਾਬਕ, ਪਹਿਲੇ ਪੰਜ ਸਲੈਬਾਂ ਵਿੱਚ ਵਾਧੂ ਐਕਸਾਈਜ਼ ਡਿਊਟੀ 20 ਤੋਂ 30 ਫੀਸਦੀ ਤੱਕ ਵਧਾਈ ਗਈ ਹੈ। ਇਸ ਕਾਰਨ ਆਮ ਵਰਗ ਵੱਲੋਂ ਖਰੀਦੀ ਜਾਣ ਵਾਲੀ ਸ਼*ਰਾਬ ਮਹਿੰਗੀ ਹੋ ਜਾਵੇਗੀ। ਰਿਪੋਰਟਾਂ ਅਨੁਸਾਰ, ਕੁਝ ਬ੍ਰਾਂਡਾਂ ਦੇ 180 ਮਿਲੀਲੀਟਰ ਪੈਕ ਦੀ ਕੀਮਤ 105 ਰੁਪਏ ਤੱਕ ਪਹੁੰਚ ਸਕਦੀ ਹੈ।
ਦੂਜੇ ਪਾਸੇ, ਵਿਦੇਸ਼ੀ ਮੂਲ ਦੇ ਪ੍ਰੀਮੀਅਮ ਸ਼*ਰਾਬ ਬ੍ਰਾਂਡਾਂ ਨੂੰ ਰਾਹਤ ਦਿੱਤੀ ਗਈ ਹੈ। ਛੇਵੇਂ ਤੋਂ ਅੱਠਵੇਂ ਸਲੈਬ ਵਿੱਚ ਆਉਣ ਵਾਲੀਆਂ ਪ੍ਰੀਮੀਅਮ ਸ਼*ਰਾਬਾਂ ‘ਤੇ ਵਾਧੂ ਐਕਸਾਈਜ਼ ਡਿਊਟੀ 10 ਤੋਂ 15 ਫੀਸਦੀ ਤੱਕ ਘਟਾਈ ਗਈ ਹੈ। ਇਸ ਨਾਲ ਇਨ੍ਹਾਂ ਬ੍ਰਾਂਡਾਂ ਦੀ ਕੀਮਤ 16 ਤੋਂ 20 ਫੀਸਦੀ ਤੱਕ ਘਟ ਸਕਦੀ ਹੈ।
ਵਿਰੋਧੀਆਂ ਅਤੇ ਸ਼ਰਾ*ਬ ਪ੍ਰੇਮੀਆਂ ਵੱਲੋਂ ਸਰਕਾਰ ਦੀ ਇਸ ਨੀਤੀ ‘ਤੇ ਸਵਾਲ ਉਠਾਏ ਜਾ ਰਹੇ ਹਨ। ਲੋਕਾਂ ਦਾ ਕਹਿਣਾ ਹੈ ਕਿ ਆਮ ਲੋਕਾਂ ਦੀ ਸ਼ਰਾ*ਬ ਮਹਿੰਗੀ ਕੀਤੀ ਜਾ ਰਹੀ ਹੈ, ਜਦਕਿ ਮਹਿੰਗੇ ਵਿਦੇਸ਼ੀ ਬ੍ਰਾਂਡਾਂ ਨੂੰ ਫਾਇਦਾ ਦਿੱਤਾ ਜਾ ਰਿਹਾ ਹੈ।
