25 ਦਸੰਬਰ, 2025 ਅਜ ਦੀ ਆਵਾਜ਼
National Desk: ਹਾਲ ਹੀ ਵਿੱਚ ਉੱਤਰ ਪ੍ਰਦੇਸ਼ ਦੇ ਅਮਰੋਹਾ ਤੋਂ 11ਵੀਂ ਜਮਾਤ ਦੀ ਇੱਕ ਵਿਦਿਆਰਥਣ ਦੀ ਮੌ/ਤ ਦੇ ਮਾਮਲੇ ਨੇ ਧਿਆਨ ਖਿੱਚਿਆ। ਪਰਿਵਾਰ ਨੇ ਦਾਅਵਾ ਕੀਤਾ ਸੀ ਕਿ ਲੜਕੀ ਸਿਰਫ਼ ਮੈਗੀ, ਪੀਜ਼ਾ ਅਤੇ ਪਾਸਤਾ ਵਰਗਾ ਜੰਕ ਫੂਡ ਖਾਂਦੀ ਸੀ, ਜਿਸ ਕਾਰਨ ਉਸ ਦੀਆਂ ਆਂਦਰਾਂ ਵਿੱਚ ਸਮੱਸਿਆ ਆਈ ਅਤੇ ਇਹ ਫਟ ਗਈਆਂ। ਦਿੱਲੀ ਦੇ AIIMS ਵਿੱਚ ਇਲਾਜ ਦੇ ਬਾਵਜੂਦ ਵੀ ਉਸ ਦੀ ਮੌਤ ਹੋ ਗਈ।
ਪਰ AIIMS ਦੇ ਪ੍ਰੋਫੈਸਰ ਡਾ. ਸ਼ਾਲੀਮਾਰ ਨੇ ਸਪਸ਼ਟ ਕੀਤਾ ਕਿ ਸਿਰਫ ਜੰਕ ਫੂਡ ਖਾਣ ਨਾਲ ਆਂਦਰਾਂ ਚਿਪਕਣ ਜਾਂ ਫੱਟ ਜਾਣ ਦਾ ਕੋਈ ਵਿਗਿਆਨਿਕ ਸਬੂਤ ਨਹੀਂ ਹੈ। ਉਹ ਕਹਿੰਦੇ ਹਨ, “ਜੰਕ ਫੂਡ ਸਰੀਰ ਲਈ ਨੁਕਸਾਨਦੇਹ ਹੋ ਸਕਦਾ ਹੈ ਅਤੇ ਲਿਵਰ, ਦਿਲ ਅਤੇ ਪਾਚਨ ਤੰਤਰ ਨਾਲ ਸੰਬੰਧਿਤ ਸਮੱਸਿਆਵਾਂ ਪੈਦਾ ਕਰ ਸਕਦਾ ਹੈ, ਪਰ ਇਹ ਮੌਤ ਦਾ ਸਿੱਧਾ ਕਾਰਨ ਨਹੀਂ ਹੈ।”
ਡਾ. ਸ਼ਾਲੀਮਾਰ ਨੇ ਦੱਸਿਆ ਕਿ ਜੰਕ ਫੂਡ ਦੀ ਵੱਧ ਖਪਤ ਨਾਲ ਸਰੀਰ ਨੂੰ ਜ਼ਰੂਰੀ ਪੋਸ਼ਣ, ਵਿਟਾਮਿਨ ਅਤੇ ਮਿਨਰਲਸ ਨਹੀਂ ਮਿਲਦੇ। ਇਸ ਕਾਰਨ ਖ਼ਰਾਬ ਕੋਲੈਸਟ੍ਰੋਲ, ਮੋਟਾਪਾ ਅਤੇ ਫੈਟੀ ਲਿਵਰ ਵਰਗੀਆਂ ਸਮੱਸਿਆਵਾਂ ਆ ਸਕਦੀਆਂ ਹਨ, ਜੋ ਦਿਲ ਤੇ ਵੀ ਪ੍ਰਭਾਵ ਪਾ ਸਕਦੀਆਂ ਹਨ।
ਉਨ੍ਹਾਂ ਨੇ ਪਰਹੇਜ਼ ਕਰਨ ਦੀ ਸਲਾਹ ਦਿੰਦੇ ਹੋਏ ਕਿਹਾ ਕਿ ਜੰਕ ਫੂਡ ਮਹੀਨੇ ਵਿੱਚ ਇੱਕ ਵਾਰੀ ਸਿਰਫ਼ ਸਵਾਦ ਲਈ ਖਾ ਸਕਦੇ ਹੋ। ਬੱਚਿਆਂ ਨੂੰ ਇਸ ਤਰ੍ਹਾਂ ਦੇ ਖਾਣੇ ਤੋਂ ਬਚਾਉਣਾ ਚਾਹੀਦਾ ਹੈ ਅਤੇ ਸਿਹਤਮੰਦ ਭੋਜਨ ਜਿਵੇਂ ਘਰੇਲੂ ਸਾਦਾ ਖਾਣਾ, ਫਲ, ਸਬਜ਼ੀਆਂ ਅਤੇ ਦਾਲਾਂ ਨੂੰ ਆਪਣੀ ਰੋਜ਼ਾਨਾ ਦੀ ਆਦਤ ਬਣਾਉਣੀ ਚਾਹੀਦੀ ਹੈ।
ਸੰਖੇਪ: ਜੰਕ ਫੂਡ ਸਿਹਤ ਲਈ ਨੁਕਸਾਨਦੇਹ ਹੈ ਪਰ ਇਹ ਮੌਤ ਦਾ ਸਿੱਧਾ ਕਾਰਨ ਨਹੀਂ ਸੀ; ਮੌ/ਤ ਦੇ ਹੋਰ ਕਾਰਨ ਹੋ ਸਕਦੇ ਹਨ।
