01 ਜਨਵਰੀ, 2026 ਅਜ ਦੀ ਆਵਾਜ਼
Bollywood Desk: ਸੁਪਰਹਿੱਟ ਫਿਲਮ ‘ਐਨੀਮਲ’ ਤੋਂ ਬਾਅਦ ਡਾਇਰੈਕਟਰ ਸੰਦੀਪ ਰੈੱਡੀ ਵਾਂਗਾ ਇੱਕ ਵਾਰ ਫਿਰ ਚਰਚਾ ਵਿੱਚ ਹਨ। ਉਨ੍ਹਾਂ ਦੀ ਆਉਣ ਵਾਲੀ ਫਿਲਮ ‘ਸਪਿਰਿਟ’ ਨੂੰ ਲੈ ਕੇ ਦਰਸ਼ਕਾਂ ਵਿੱਚ ਭਾਰੀ ਉਤਸੁਕਤਾ ਹੈ। ਫਿਲਮ ਦੀ ਸ਼ੂਟਿੰਗ ਪਹਿਲਾਂ ਹੀ ਸ਼ੁਰੂ ਹੋ ਚੁੱਕੀ ਹੈ ਅਤੇ ਹੁਣ ਨਵੇਂ ਸਾਲ ਦੇ ਮੌਕੇ ‘ਤੇ ਫਿਲਮ ਦਾ ਪਹਿਲਾ ਪੋਸਟਰ ਵੀ ਜਾਰੀ ਕਰ ਦਿੱਤਾ ਗਿਆ ਹੈ। ਇਸ ਪੋਸਟਰ ਨਾਲ ਪ੍ਰਭਾਸ ਅਤੇ ਤ੍ਰਿਪਤੀ ਡਿਮਰੀ ਦਾ ਫਰਸਟ ਲੁੱਕ ਸਾਹਮਣੇ ਆ ਗਿਆ ਹੈ।
‘ਸਪਿਰਿਟ’ ਇਸ ਸਾਲ ਦੀਆਂ ਸਭ ਤੋਂ ਵੱਧ ਚਰਚਿਤ ਫਿਲਮਾਂ ਵਿੱਚੋਂ ਇੱਕ ਰਹੀ ਹੈ। ਇਸ ਦੀ ਵੱਡੀ ਵਜ੍ਹਾ ਦੀਪਿਕਾ ਪਾਦੁਕੋਣ ਦਾ ਫਿਲਮ ਤੋਂ ਬਾਹਰ ਹੋਣਾ ਵੀ ਹੈ। ਦੀਪਿਕਾ ਦੀ ਥਾਂ ਤ੍ਰਿਪਤੀ ਡਿਮਰੀ ਦੀ ਐਂਟਰੀ ਤੋਂ ਬਾਅਦ ਹੀ ਫੈਨਜ਼ ਪ੍ਰਭਾਸ ਨਾਲ ਉਸ ਦੀ ਕੇਮਿਸਟਰੀ ਦੇਖਣ ਲਈ ਬੇਸਬਰੀ ਨਾਲ ਉਡੀਕ ਕਰ ਰਹੇ ਸਨ। ਹੁਣ ਦੋਵਾਂ ਦਾ ਲੁੱਕ ਸਾਹਮਣੇ ਆਉਂਦੇ ਹੀ ਸੋਸ਼ਲ ਮੀਡੀਆ ‘ਤੇ ਧਮਾਲ ਮਚ ਗਈ ਹੈ।
ਨਵੇਂ ਸਾਲ ‘ਤੇ ਮੈਕਰਜ਼ ਨੇ ਫੈਨਜ਼ ਨੂੰ ਖ਼ਾਸ ਤੋਹਫ਼ਾ ਦਿੰਦਿਆਂ ਅੱਧੀ ਰਾਤ ਨੂੰ ‘ਸਪਿਰਿਟ’ ਦਾ ਪਹਿਲਾ ਪੋਸਟਰ ਸ਼ੇਅਰ ਕੀਤਾ। ਪੋਸਟਰ ਨਾਲ ਕੈਪਸ਼ਨ ਲਿਖਿਆ ਗਿਆ, “ਜੋਸ਼ ਨਾਲ ਭਰੇ ਇਸ ਪਹਿਲੇ ਪੋਸਟਰ ਨਾਲ ਨਵੇਂ ਸਾਲ ਦਾ ਸਵਾਗਤ ਕਰੋ।”
ਪੋਸਟਰ ਵਿੱਚ ਪ੍ਰਭਾਸ ਬਹੁਤ ਹੀ ਰਫ਼ ਅਤੇ ਇੰਟੈਂਸ ਅੰਦਾਜ਼ ਵਿੱਚ ਨਜ਼ਰ ਆ ਰਹੇ ਹਨ। ਉਹ ਸ਼ਰਟਲੇਸ ਹਨ, ਸਰੀਰ ‘ਤੇ ਜ਼ਖ਼ਮਾਂ ਦੇ ਨਿਸ਼ਾਨ ਹਨ, ਹੱਥ ਵਿੱਚ ਸ਼ਰਾਬ ਅਤੇ ਮੂੰਹ ਵਿੱਚ ਸਿਗਰਟ ਦਿਖਾਈ ਦੇ ਰਹੀ ਹੈ। ਲੰਮੇ ਵਾਲਾਂ ਵਿੱਚ ਪ੍ਰਭਾਸ ਦਾ ਲੁੱਕ ਕਾਫ਼ੀ ਪ੍ਰਭਾਵਸ਼ਾਲੀ ਲੱਗ ਰਿਹਾ ਹੈ। ਦੂਜੇ ਪਾਸੇ ਤ੍ਰਿਪਤੀ ਡਿਮਰੀ ਸਾੜੀ ਵਿੱਚ ਨਜ਼ਰ ਆ ਰਹੀ ਹੈ ਅਤੇ ਉਹ ਪ੍ਰਭਾਸ ਲਈ ਸਿਗਰਟ ਸਲਗਾਉਂਦੀ ਦਿਖਾਈ ਦੇ ਰਹੀ ਹੈ। ਦੋਵਾਂ ਦੀ ਕੇਮਿਸਟਰੀ ਨੇ ਦਰਸ਼ਕਾਂ ਨੂੰ ਕਾਫ਼ੀ ਪ੍ਰਭਾਵਿਤ ਕੀਤਾ ਹੈ।
ਜ਼ਿਕਰਯੋਗ ਹੈ ਕਿ ਪਹਿਲਾਂ ਇਸ ਫਿਲਮ ਵਿੱਚ ਤ੍ਰਿਪਤੀ ਡਿਮਰੀ ਦੀ ਥਾਂ ਦੀਪਿਕਾ ਪਾਦੁਕੋਣ ਨੂੰ ਕਾਸਟ ਕੀਤਾ ਗਿਆ ਸੀ, ਪਰ ਵੱਧ ਫੀਸ ਅਤੇ 8 ਘੰਟਿਆਂ ਦੀ ਸ਼ਿਫਟ ਦੀ ਮੰਗ ਕਾਰਨ ਉਹ ਫਿਲਮ ਤੋਂ ਬਾਹਰ ਹੋ ਗਈ। ਬਾਅਦ ਵਿੱਚ ਸੰਦੀਪ ਰੈੱਡੀ ਵਾਂਗਾ ਨੇ ਇਸ਼ਾਰਿਆਂ ਵਿੱਚ ਸਕ੍ਰਿਪਟ ਲੀਕ ਹੋਣ ਨੂੰ ਲੈ ਕੇ ਵੀ ਨਾਰਾਜ਼ਗੀ ਜ਼ਾਹਰ ਕੀਤੀ ਸੀ। ਫਿਲਹਾਲ ‘ਸਪਿਰਿਟ’ ਦੀ ਰਿਲੀਜ਼ ਡੇਟ ਦਾ ਅਧਿਕਾਰਿਕ ਐਲਾਨ ਨਹੀਂ ਕੀਤਾ ਗਿਆ ਹੈ।
