26 ਨਵੰਬਰ, 2025 ਅਜ ਦੀ ਆਵਾਜ਼
Sports Desk: ਗੁਹਾਟੀ ਵਿੱਚ ਖੇਡੇ ਗਏ ਦੂਜੇ ਟੈਸਟ ਵਿੱਚ ਭਾਰਤ ਨੂੰ ਦੱਖਣੀ ਅਫ਼ਰੀਕਾ ਨੇ 408 ਦੌੜਾਂ ਨਾਲ ਹਰਾ ਕੇ ਦੋ ਮੈਚਾਂ ਦੀ ਸੀਰੀਜ਼ 2-0 ਨਾਲ ਕਲੀਨ ਸਵੀਪ ਕਰ ਦਿੱਤਾ। ਇਹ ਹਾਰ ਦੌੜਾਂ ਦੇ ਲਿਹਾਜ਼ ਨਾਲ ਭਾਰਤ ਦੀ ਟੈਸਟ ਇਤਿਹਾਸ ਦੀ ਸਭ ਤੋਂ ਵੱਡੀ ਹਾਰ ਬਣੀ। ਇਕੋ ਸਾਲ ਵਿੱਚ ਇਹ ਟੀਮ ਇੰਡੀਆ ਦਾ ਦੂਜਾ ਘਰੇਲੂ ਵਾਈਟਵਾਸ਼ ਵੀ ਹੈ, ਜਿਸ ਨਾਲ ਭਾਰਤ ਦੀ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦੀਆਂ ਉਮੀਦਾਂ ਨੂੰ ਵੱਡਾ ਝਟਕਾ ਲੱਗਿਆ ਹੈ।
ਮੈਚ ਮਗਰੋਂ ਪੋਸਟ-ਮੈਚ ਪ੍ਰੇਜ਼ੇਂਟੇਸ਼ਨ ਵਿੱਚ ਸਟੈਂਡ-ਇਨ ਕਪਤਾਨ ਰਿਸ਼ਭ ਪੰਤ ਕਾਫ਼ੀ ਨਿਰਾਸ਼ ਦਿੱਖੇ। ਉਨ੍ਹਾਂ ਨੇ ਮੰਨਿਆ ਕਿ ਟੀਮ ਨੇ ਕਈ ਮਹੱਤਵਪੂਰਨ ਮੌਕਿਆਂ ਨੂੰ ਗੁਆ ਦਿੱਤਾ ਅਤੇ ਵਿਰੋਧੀ ਟੀਮ ਨੇ ਹਰ ਮੋਰਚੇ ‘ਤੇ ਵਧੀਆ ਕ੍ਰਿਕਟ ਖੇਡੀ।
ਰਿਸ਼ਭ ਪੰਤ ਨੇ ਕਿਹਾ:
“ਹਾਰ ਨਿਰਾਸ਼ ਕਰਨ ਵਾਲੀ ਹੈ, ਪਰ ਇੱਕ ਟੀਮ ਵਜੋਂ ਸਾਨੂੰ ਬਿਹਤਰ ਪ੍ਰਦਰਸ਼ਨ ਕਰਨਾ ਹੀ ਪਵੇਗਾ। ਦੱਖਣੀ ਅਫ਼ਰੀਕਾ ਨੇ ਸ਼ਾਨਦਾਰ ਕ੍ਰਿਕਟ ਦਿਖਾਈ। ਘਰ ‘ਤੇ ਖੇਡਦੇ ਹੋਏ ਵੀ ਤੁਸੀਂ ਵਿਰੋਧੀ ਟੀਮ ਨੂੰ ਹਲਕੇ ਵਿੱਚ ਨਹੀਂ ਲੈ ਸਕਦੇ। ਕ੍ਰਿਕਟ ਵਿੱਚ ਮੌਕੇ ਭੁਨਾਉਣੇ ਪੈਂਦੇ ਹਨ, ਪਰ ਅਸੀਂ ਇਸ ਵਿੱਚ ਫੇਲ ਰਹੇ।”
ਹੈੱਡ ਕੋਚ ਗੌਤਮ ਗੰਭੀਰ ਦੀ ਅਗਵਾਈ ਵਿੱਚ ਭਾਰਤੀ ਟੀਮ ਪਿਛਲੇ ਸੱਤ ਮਹੀਨਿਆਂ ਵਿੱਚ ਨਿਊਜ਼ੀਲੈਂਡ ਅਤੇ ਦੱਖਣੀ ਅਫ਼ਰੀਕਾ ਵੱਲੋਂ ਘਰੇਲੂ ਮੈਦਾਨ ‘ਤੇ ਪੰਜ ਟੈਸਟ ਹਾਰ ਚੁੱਕੀ ਹੈ—ਇਹ 66 ਸਾਲਾਂ ਵਿੱਚ ਪਹਿਲੀ ਵਾਰ ਹੈ ਕਿ ਭਾਰਤ ਇੰਨੇ ਘੱਟ ਸਮੇਂ ਵਿੱਚ ਇੰਨੇ ਘਰੇਲੂ ਟੈਸਟ ਗੁਆਏ ਹਨ।
ਲਗਾਤਾਰ ਦੋ ਸਾਲ ਘਰੇਲੂ ਸੀਰੀਜ਼ ਹਾਰੇ:
-
2024-25: ਨਿਊਜ਼ੀਲੈਂਡ ਅਤੇ ਦੱਖਣੀ ਅਫ਼ਰੀਕਾ ਤੋਂ ਹਾਰ (41 ਸਾਲਾਂ ਵਿੱਚ ਪਹਿਲੀ ਵਾਰ)
-
1983-84: ਵੈਸਟਇੰਡੀਜ਼ ਅਤੇ ਇੰਗਲੈਂਡ
-
1958-59: ਵੈਸਟਇੰਡੀਜ਼ ਅਤੇ ਆਸਟ੍ਰੇਲੀਆ
