25 ਨਵੰਬਰ, 2025 ਅਜ ਦੀ ਆਵਾਜ਼
Sports Desk: ਭਾਰਤ ਅਤੇ ਦੱਖਣੀ ਅਫ਼ਰੀਕਾ ਵਿਚਾਲੇ ਚੱਲ ਰਹੀ 2 ਮੈਚਾਂ ਦੀ ਟੈਸਟ ਸੀਰੀਜ਼ ਟੀਮ ਇੰਡੀਆ ਲਈ ਹੁਣ ਤੱਕ ਬਹੁਤ ਹੀ ਨਿਰਾਸ਼ਾਜਨਕ ਰਹੀ ਹੈ। ਪਹਿਲੇ ਟੈਸਟ ਵਿੱਚ 30 ਰਨਾਂ ਦੀ ਹਾਰ ਤੋਂ ਬਾਅਦ ਦੂਜੇ ਟੈਸਟ ਵਿੱਚ ਵੀ ਭਾਰਤੀ ਬੱਲੇਬਾਜ਼ੀ ਬੁਰੀ ਤਰ੍ਹਾਂ ਫੇਲ ਹੋ ਰਹੀ ਹੈ।
ਤਿੰਨ ਇਨਿੰਗਜ਼ ਵਿੱਚ ਭਾਰਤੀ ਟੀਮ ਸਿਰਫ਼ ਇੱਕ ਵਾਰ 200 ਦਾ ਆਕੜਾ ਪਾਰ ਕਰ ਸਕੀ ਹੈ—ਉਹ ਵੀ ਮੁਸ਼ਕਿਲ ਨਾਲ 201 ਰਨ। ਸਭ ਤੋਂ ਹੈਰਾਨੀ ਦੀ ਗੱਲ ਇਹ ਹੈ ਕਿ ਹੁਣ ਤੱਕ ਕਿਸੇ ਵੀ ਭਾਰਤੀ ਬੱਲੇਬਾਜ਼ ਨੇ ਸ਼ਤਕ ਨਹੀਂ ਜੜਿਆ, ਸਿਰਫ਼ ਇੱਕ ਅਰਧਸ਼ਤਕ ਯਸ਼ਸਵੀ ਜੈਸਵਾਲ ਨੇ 58 ਰਨਾਂ ਦੇ ਰੂਪ ਵਿਚ ਮਾਰਿਆ ਹੈ। ਬਾਕੀ ਕੋਈ ਵੀ ਖਿਡਾਰੀ 50 ਦਾ ਆਕੜਾ ਨਹੀਂ ਛੂਹ ਸਕਿਆ।
ਭਾਰਤੀ ਬੱਲੇਬਾਜ਼ਾਂ ਦੀ ਨਾਕਾਮੀ
ਇਸ ਸੀਰੀਜ਼ ਵਿੱਚ ਭਾਰਤ ਦਾ ਟੌਪ ਆਰਡਰ ਤੋਂ ਮਿਡਲ ਆਰਡਰ ਤੱਕ ਹਰ ਕੋਈ ਸੰਘਰਸ਼ ਕਰਦਾ ਨਜ਼ਰ ਆਇਆ ਹੈ।
ਕੇ. ਐਲ. ਰਾਹੁਲ ਦੀ ਸਭ ਤੋਂ ਵੱਡੀ ਪਾਰੀ — 39 ਰਨ
ਰਿਸ਼ਭ ਪੰਤ — 27 ਰਨ
ਰਵਿੰਦਰ ਜਡੇਜਾ — 27 ਰਨ
ਧ੍ਰੁਵ ਜੁਰੇਲ — ਕਦੇ ਵੀ 20 ਰਨ ਨਹੀਂ ਪਾਰ ਕਰ ਸਕੇ
ਵਾਸ਼ਿੰਗਟਨ ਸੁੰਦਰ — 48 ਰਨ ਦੀ ਬਿਹਤਰੀਨ ਇਨਿੰਗ (ਸੀਰੀਜ਼ ਵਿੱਚ ਸਭ ਤੋਂ ਜ਼ਿਆਦਾ 108 ਰਨ)
ਇਹਨਾਂ ਤੋਂ ਇਲਾਵਾ ਕੋਈ ਵੀ ਭਾਰਤੀ ਬੱਲੇਬਾਜ਼ 100 ਰਨ ਤੱਕ ਵੀ ਨਹੀਂ ਪਹੁੰਚਿਆ। ਟੀਮ ਦੀ ਇਹ ਪ੍ਰਦਰਸ਼ਨ ਕਮੀ ਚਿੰਤਾ ਵਧਾ ਰਹੀ ਹੈ।
30 ਸਾਲਾਂ ਵਿੱਚ ਪਹਿਲੀ ਵਾਰੀ ਹੋ ਸਕਦਾ ਹੈ ਇਹ!
ਸੀਰੀਜ਼ ਵਿੱਚ ਭਾਰਤ ਨੂੰ ਹੁਣ ਸਿਰਫ਼ ਇੱਕ ਹੋਰ ਮੌਕਾ ਮਿਲੇਗਾ ਬੱਲੇਬਾਜ਼ੀ ਦਾ।
ਜੇ ਗੁਵਾਹਾਟੀ ਦੀ ਚੌਥੀ ਪਾਰੀ ਵਿੱਚ ਵੀ ਕੋਈ ਭਾਰਤੀ ਬੱਲੇਬਾਜ਼ ਸ਼ਤਕ ਨਹੀਂ ਜੜਦਾ, ਤਾਂ ਇਹ ਪਿਛਲੇ 30 ਸਾਲਾਂ ਵਿੱਚ ਪਹਿਲੀ ਵਾਰੀ ਹੋਵੇਗਾ ਕਿ ਭਾਰਤ ਵਿੱਚ ਖੇਡੀ ਗਈ ਕਿਸੇ ਟੈਸਟ ਸੀਰੀਜ਼ ਵਿੱਚ ਟੀਮ ਇੰਡੀਆ ਵੱਲੋਂ ਇੱਕ ਵੀ ਸ਼ਤਕ ਨਹੀਂ ਲੱਗਿਆ।
ਸਾਊਥ ਅਫਰੀਕਾ ਵੱਲੋਂ ਇੱਕ ਸ਼ਤਕ ਜੜਿਆ ਜਾ ਚੁੱਕਾ ਹੈ
ਇਸ ਦੇ ਉਲਟ ਦੱਖਣੀ ਅਫਰੀਕਾ ਵੱਲੋਂ ਇੱਕ ਸ਼ਤਕ ਜੜਿਆ ਜਾ ਚੁੱਕਾ ਹੈ।
ਗੁਵਾਹਾਟੀ ਟੈਸਟ ਦੀ ਪਹਿਲੀ ਪਾਰੀ ਵਿੱਚ ਸੇਨਯੁਰਨ ਮੁਥੁਸਾਮੀ ਨੇ 7ਵੇਂ ਨੰਬਰ ’ਤੇ ਆ ਕੇ ਸ਼ਾਨਦਾਰ 109 ਰਨ ਬਣਾਏ ਸਨ। ਉਸਦੀ ਪਾਰੀ ਵਿੱਚ 10 ਚੌਕੇ ਅਤੇ 2 ਛੱਕੇ ਸ਼ਾਮਲ ਸਨ।
