India 04 Dec 2025 AJ DI Awaaj
National Desk : ਭਾਰਤ ਵਿੱਚ ਸੜਕ ਹਾਦਸਿਆਂ ਦੀ ਗੰਭੀਰਤਾ ਬਰਕਰਾਰ ਹੈ। ਹਰ ਸਾਲ ਲੱਖਾਂ ਹਾਦਸੇ ਹੁੰਦੇ ਹਨ, ਜਿਸ ਨਾਲ ਹਜ਼ਾਰਾਂ ਲੋਕ ਮਾਰੇ ਜਾਂਦੇ ਹਨ ਅਤੇ ਬਹੁਤ ਸਾਰੇ ਜ਼ਖਮੀ ਹੁੰਦੇ ਹਨ। ਮੋਟਰ ਵਾਹਨ (ਸੋਧ) ਐਕਟ 2019 ਦੀ ਧਾਰਾ 134A ਦੇ ਤਹਿਤ, ਸਰਕਾਰ ਨੇ “ਰਾਹ ਵੀਰ ਯੋਜਨਾ” ਲਾਂਚ ਕੀਤੀ ਹੈ, ਜਿਸ ਤਹਿਤ ਕੋਈ ਵੀ ਨਾਗਰਿਕ ਜੇਕਰ ਸੜਕ ਹਾਦਸੇ ਵਿੱਚ ਜ਼ਖਮੀ ਵਿਅਕਤੀ ਨੂੰ ਤੁਰੰਤ ਹਸਪਤਾਲ ਪਹੁੰਚਾਉਂਦਾ ਹੈ, ਤਾਂ ਉਸਨੂੰ ₹25,000 ਨਕਦ ਇਨਾਮ ਅਤੇ ਪ੍ਰਸ਼ੰਸਾ ਪੱਤਰ ਮਿਲਦਾ ਹੈ।
ਇਸ ਸਕੀਮ ਅਨੁਸਾਰ:
- ਮਦਦਗਾਰ ਕਿਸੇ ਵੀ ਪੀੜਤ ਦੇ ਰਿਸ਼ਤੇਦਾਰ ਨਹੀਂ ਹੋਣਾ ਚਾਹੀਦਾ।
- ਇੱਕ ਘੰਟੇ ਦੇ ਅੰਦਰ ਜ਼ਖਮੀ ਨੂੰ ਹਸਪਤਾਲ ਲਿਜਾਣਾ ਜ਼ਰੂਰੀ ਹੈ।
- ਪਹਿਲਾਂ ਪੁਲਿਸ ਜਾਂ ਹਾਈਵੇਅ ਹੈਲਪਲਾਈਨ ਨੂੰ ਘਟਨਾ ਦੀ ਸੂਚਨਾ ਦੇਣੀ ਪਵੇਗੀ।
- ਇੱਕ ਵਿਅਕਤੀ ਸਾਲ ਵਿੱਚ ਪੰਜ ਵਾਰ ਇਸ ਇਨਾਮ ਲਈ ਅਰਜ਼ੀ ਦੇ ਸਕਦਾ ਹੈ।
- ਨਕਦ ਇਨਾਮ ਸਿੱਧੇ ਬੈਂਕ ਖਾਤੇ ਵਿੱਚ ਜਮ੍ਹਾ ਕੀਤਾ ਜਾਂਦਾ ਹੈ।
ਹਰ ਜ਼ਿਲ੍ਹੇ ਵਿੱਚ ਰਾਹ ਵੀਰ ਲਈ ਇੱਕ ਕਮੇਟੀ ਬਣਾਈ ਜਾਂਦੀ ਹੈ, ਜੋ ਘਟਨਾ ਦੀ ਜਾਂਚ ਕਰਨ ਅਤੇ ਇਨਾਮ ਦੇਣ ਦੀ ਪ੍ਰਕਿਰਿਆ ਸੰਭਾਲਦੀ ਹੈ। ਇਸ ਤਹਿਤ, ਸੜਕ ਹਾਦਸਿਆਂ ਵਿੱਚ ਜ਼ਖਮੀ ਦੀ ਤੁਰੰਤ ਸਹਾਇਤਾ ਕਰਨ ਵਾਲੇ ਨਾਗਰਿਕਾਂ ਨੂੰ ਕਾਨੂੰਨੀ ਸੁਰੱਖਿਆ ਅਤੇ ਮਾਨਤਾ ਵੀ ਮਿਲਦੀ ਹੈ।
ਇਹ ਯੋਜਨਾ “ਗੋਲਡਨ ਆਵਰ” ਦੀ ਮਹੱਤਤਾ ਨੂੰ ਸਲਾਮ ਕਰਦੀ ਹੈ, ਜਿਸਦੇ ਤਹਿਤ ਜ਼ਖਮੀ ਨੂੰ ਸਮੇਂ ਸਿਰ ਇਲਾਜ ਮਿਲਣ ਨਾਲ ਉਨ੍ਹਾਂ ਦੀ ਜਾਨ ਬਚ ਸਕਦੀ ਹੈ।
