ਚੰਡੀਗੜ੍ਹ 08 July 2025 AJ DI Awaaj
Punjab Desk : ਪੰਜਾਬ ਸਰਕਾਰ ਵੱਲੋਂ ਸੂਬੇ ਦੇ ਲੋਕਾਂ ਲਈ ਵੱਡਾ ਫੈਸਲਾ ਲਿਆ ਗਿਆ ਹੈ। ਮੁੱਖ ਮੰਤਰੀ ਭਗਵੰਤ ਮਾਨ ਅਤੇ ਆਮ ਆਦਮੀ ਪਾਰਟੀ ਦੇ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ‘ਮੁੱਖ ਮੰਤਰੀ ਸਿਹਤ ਬੀਮਾ ਯੋਜਨਾ’ ਦੀ ਵਧੇਰੇ ਵਿਸਥਾਰ ਨਾਲ ਸ਼ੁਰੂਆਤ ਕਰ ਦਿੱਤੀ ਹੈ। ਹੁਣ ਪੰਜਾਬ ਦੇ ਹਰ ਨਾਗਰਿਕ ਨੂੰ ਸਿਰਫ ਆਧਾਰ ਕਾਰਡ ਜਾਂ ਵੋਟਰ ਆਈਡੀ ਦੇ ਆਧਾਰ ‘ਤੇ ₹10 ਲੱਖ ਤੱਕ ਕੈਸ਼ਲੈੱਸ ਇਲਾਜ ਦੀ ਸਹੂਲਤ ਮਿਲੇਗੀ।
ਇਹ ਯੋਜਨਾ ਤਿੰਨ ਮਹੀਨਿਆਂ ਵਿੱਚ ਪੂਰੀ ਤਰ੍ਹਾਂ ਲਾਗੂ ਹੋ ਜਾਵੇਗੀ। ਇਲਾਜ ਲਈ ਕਿਸੇ ਵੀ ਤਰ੍ਹਾਂ ਦੇ ਨੀਲੇ, ਪੀਲੇ ਜਾਂ ਹੋਰ ਕਿਸੇ ਰਾਸ਼ਨ ਕਾਰਡ ਦੀ ਲੋੜ ਨਹੀਂ ਹੋਵੇਗੀ। ਜੋ ਵੀ ਵਿਅਕਤੀ ਪੰਜਾਬ ਦਾ ਵਾਸੀ ਹੋਵੇਗਾ, ਉਹ ਇਸ ਸਕੀਮ ਤਹਿਤ ਲਾਭਪਾਤਰ ਹੋਵੇਗਾ।
ਸਕੀਮ ਦੇ ਮੁੱਖ ਬਿੰਦੂ:
- ਲਾਭ: ₹10 ਲੱਖ ਤੱਕ ਦਾ ਮੁਫ਼ਤ ਕੈਸ਼ਲੈੱਸ ਇਲਾਜ
- ਲਾਗੂ ਹੋਣ ਵਾਲੇ ਹਸਪਤਾਲ: ਸਰਕਾਰੀ ਅਤੇ ਨਿੱਜੀ ਦੋਹਾਂ
- ਹੱਕਦਾਰ ਵਿਅਕਤੀ: ਹਰ ਪੰਜਾਬੀ ਨਾਗਰਿਕ
- ਦਸਤਾਵੇਜ਼: ਸਿਰਫ ਆਧਾਰ ਜਾਂ ਵੋਟਰ ਕਾਰਡ
- ਲਾਗੂ ਹੋਣ ਦੀ ਮਿਆਦ: ਤਿੰਨ ਮਹੀਨੇ ਵਿੱਚ
ਮੁੱਖ ਮੰਤਰੀ ਮਾਨ ਨੇ ਕਿਹਾ ਕਿ ਹੁਣ ਕੋਈ ਵੀ ਪਰਿਵਾਰ ਵਧੇਰੇ ਖਰਚ ਕਾਰਨ ਇਲਾਜ ਤੋਂ ਵਾਂਝਾ ਨਹੀਂ ਰਹੇਗਾ। ਪੰਜਾਬ ਸਰਕਾਰ ਵੱਲੋਂ 65 ਲੱਖ ਪਰਿਵਾਰਾਂ ਨੂੰ ਇਹ ਬੀਮਾ ਮਿਲੇਗਾ। ਆਂਗਣਵਾੜੀ, ਆਸ਼ਾ ਵਰਕਰ ਅਤੇ ਸਰਕਾਰੀ ਕਰਮਚਾਰੀ ਵੀ ਇਸ ਯੋਜਨਾ ਅਧੀਨ ਆਉਣਗੇ।
ਭਗਵੰਤ ਮਾਨ ਨੇ ਕਿਹਾ ਕਿ ਇਹ ਪੰਜਾਬ ਦੇ 3 ਕਰੋੜ ਲੋਕਾਂ ਲਈ ਇਤਿਹਾਸਕ ਦਿਨ ਹੈ। ਉਨ੍ਹਾਂ ਦਾਅਵਾ ਕੀਤਾ ਕਿ ਇਹ ਯੋਜਨਾ ਸੂਬੇ ਵਿੱਚ ਸਿਹਤ ਸੇਵਾਵਾਂ ਨੂੰ ਇੱਕ ਨਵਾਂ ਰੁਖ ਦੇਵੇਗੀ।
ਪੂਰੀ ਜਾਣਕਾਰੀ ਲਈ ਜਲਦ ਹੀ ਲੋਕਾਂ ਨੂੰ ਸਿਹਤ ਕਾਰਡ ਜਾਰੀ ਕੀਤੇ ਜਾਣਗੇ, ਜਿਸ ਰਾਹੀਂ ਉਹ ਕਿਸੇ ਵੀ ਲਾਭਪਾਤਰ ਹਸਪਤਾਲ ‘ਚ ਇਲਾਜ ਲੈ ਸਕਣਗੇ।
