19 ਫਰਵਰੀ 2025 Aj Di Awaaj
“ਸਰਦਾਰ ਜੀ 3” ਵਿੱਚ ਦਿਲਜੀਤ ਦੋਸਾਂਝ ਦੇ ਨਾਲ ਨਜ਼ਰ ਆ ਸਕਦੀ ਹੈ ਪਾਕਿਸਤਾਨੀ ਅਦਾਕਾਰਾ ਹਾਨਿਆ ਆਮਿਰ? ਵਾਇਰਲ ਤਸਵੀਰ ਨੇ ਚੜ੍ਹਾਇਆ ਉਤਸ਼ਾਹ!
ਪੰਜਾਬੀ ਇੰਡਸਟਰੀ ਦੇ ਪ੍ਰਸਿੱਧ ਗਾਇਕ ਅਤੇ ਅਦਾਕਾਰ ਦਿਲਜੀਤ ਦੋਸਾਂਝ ਦੀ ਮਸ਼ਹੂਰ ਫਿਲਮ “ਸਰਦਾਰ ਜੀ 3” ਇਸ ਸਾਲ ਰਿਲੀਜ਼ ਹੋਣ ਜਾ ਰਹੀ ਹੈ। 27 ਜੂਨ 2025 ਨੂੰ ਇਹ ਫਿਲਮ ਵਿਸ਼ਵ ਭਰ ਵਿੱਚ ਪ੍ਰਦਰਸ਼ਿਤ ਕੀਤੀ ਜਾਵੇਗੀ, ਅਤੇ ਫੈਨਜ਼ ਇਸ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹਨ।
ਹਾਲ ਹੀ ਵਿੱਚ ਸੋਸ਼ਲ ਮੀਡੀਆ ‘ਤੇ ਇੱਕ ਵਾਇਰਲ ਤਸਵੀਰ ਨੇ ਸਭ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ। ਇਸ ਤਸਵੀਰ ਵਿੱਚ ਪਾਕਿਸਤਾਨੀ ਅਦਾਕਾਰਾ ਹਾਨਿਆ ਆਮਿਰ, ਨੀਰੂ ਬਾਜਵਾ, ਦਿਲਜੀਤ ਦੋਸਾਂਝ ਅਤੇ ਹੋਰ ਕਲਾਕਾਰ ਇੱਕਠੇ ਨਜ਼ਰ ਆ ਰਹੇ ਹਨ। ਸੂਤਰਾਂ ਅਨੁਸਾਰ, ਹਾਨੀਆ ਆਮਿਰ ਲੰਡਨ ਵਿੱਚ ਦਿਲਜੀਤ ਦੋਸਾਂਝ ਨਾਲ “ਸਰਦਾਰ ਜੀ 3” ਦੀ ਸ਼ੂਟਿੰਗ ਕਰ ਰਹੀ ਹਨ।
ਹਾਲਾਂਕਿ, ਨਾ ਤਾਂ ਦਿਲਜੀਤ ਅਤੇ ਨਾ ਹੀ ਹਾਨੀਆ ਨੇ ਇਸ ਬਾਰੇ ਕੋਈ ਅਧਿਕਾਰਕ ਪੁਸ਼ਟੀ ਕੀਤੀ ਹੈ, ਪਰ ਵਾਇਰਲ ਹੋ ਰਹੀ ਤਸਵੀਰ ਨੇ ਇਹ ਖਬਰ ਹੋਰ ਮਜ਼ਬੂਤ ਕਰ ਦਿੱਤੀ ਹੈ।
“ਸਰਦਾਰ ਜੀ 3” ਦੀ ਨਿਰਮਾਣ ਗੁਣਬੀਰ ਵਾਈਟ ਹਿੱਲ ਅਤੇ ਮਨਮੋਰਦ ਸਿੱਧੂ ਵਲੋਂ ਕੀਤਾ ਜਾ ਰਿਹਾ ਹੈ। ਇਹ ਫਿਲਮ “ਸਰਦਾਰ ਜੀ” ਫਰੈਂਚਾਈਜ਼ੀ ਦਾ ਤੀਜਾ ਭਾਗ ਹੋਵੇਗੀ, ਜਿਸ ਵਿੱਚ ਦਿਲਜੀਤ ਦੋਸਾਂਝ ਮੁੱਖ ਭੂਮਿਕਾ ਨਿਭਾਉਣਗੇ।
ਫੈਨਜ਼ ਹੁਣ ਅਧਿਕਾਰਕ ਐਲਾਨ ਦੀ ਉਡੀਕ ਕਰ ਰਹੇ ਹਨ, ਜੋ ਇਹ ਸਾਫ਼ ਕਰੇਗਾ ਕਿ ਹਾਨੀਆ ਆਮਿਰ ਇਸ ਫਿਲਮ ਦਾ ਹਿੱਸਾ ਹਨ ਜਾਂ ਨਹੀਂ।
