3November 2025 Aj Di Awaaj
Sports Desk 47 ਸਾਲਾਂ ਦੀ ਲੰਬੀ ਉਡੀਕ, ਅਧੂਰੇ ਸੁਪਨੇ ਅਤੇ ਸਾਲਾਂ ਦੀ ਸਖ਼ਤ ਮਿਹਨਤ ਤੋਂ ਬਾਅਦ, ਵਿਸ਼ਵ ਕੱਪ ਟਰਾਫੀ ਆਖਿਰਕਾਰ ਐਤਵਾਰ, 2 ਨਵੰਬਰ 2025 ਨੂੰ ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਦੇ ਹੱਥ ਆ ਗਈ। ਨਵੀਂ ਮੁੰਬਈ ਦੇ ਡੀਵਾਈ ਪਾਟਿਲ ਸਟੇਡੀਅਮ ‘ਚ ਦੱਖਣੀ ਅਫਰੀਕਾ ਨੂੰ 52 ਦੌੜਾਂ ਨਾਲ ਹਰਾਉਂਦਿਆਂ, ਹਰਮਨਪ੍ਰੀਤ ਦੀ ਟੀਮ ਨੇ ਪਹਿਲੀ ਵਾਰ ਮਹਿਲਾ ਵਨਡੇ ਵਿਸ਼ਵ ਕੱਪ ਆਪਣੇ ਨਾਮ ਕੀਤਾ।
ਇਸ ਤਰ੍ਹਾਂ ਇਸ ਸਟਾਰ ਮਹਿਲਾ ਆਲਰਾਊਂਡਰ ਨੇ ਭਾਰਤ ਦੀ ਵਿਸ਼ਵ ਕੱਪ ਜਿੱਤ ਵਿੱਚ ਅਹਿਮ ਭੂਮਿਕਾ ਨਿਭਾਈ। ਮੈਚ ਤੋਂ ਬਾਅਦ ਉਸਨੂੰ ‘ਪਲੇਅਰ ਆਫ ਦ ਟੂਰਨਾਮੈਂਟ’ ਦਾ ਖਿਤਾਬ ਵੀ ਮਿਲਿਆ। ਇਸਦੇ ਨਾਲ ਹੀ ਦੀਪਤੀ ਨੇ ਇੱਕ ਅਜਿਹਾ ਇਤਿਹਾਸਕ ਰਿਕਾਰਡ ਵੀ ਬਣਾਇਆ, ਜੋ ਅਜੇ ਤੱਕ ਕੋਈ ਵੀ ਕ੍ਰਿਕਟਰ—ਨਾ ਪੁਰਸ਼ ਤੇ ਨਾ ਮਹਿਲਾ—ਹਾਸਲ ਕਰ ਸਕਿਆ ਸੀ।
ਦੀਪਤੀ ਸ਼ਰਮਾ ਨੇ ਰਚਿਆ ਇਤਿਹਾਸ
ਦਰਅਸਲ, ਦੀਪਤੀ ਸ਼ਰਮਾ ਇੱਕੋ ਵਿਸ਼ਵ ਕੱਪ ਐਡੀਸ਼ਨ ਵਿੱਚ 200 ਦੌੜਾਂ ਬਣਾਉਣ ਅਤੇ 20 ਵਿਕਟਾਂ ਲੈਣ ਵਾਲੀ ਦੁਨੀਆ ਦੀ ਪਹਿਲੀ ਕ੍ਰਿਕਟਰ (ਪੁਰਸ਼ ਜਾਂ ਮਹਿਲਾ) ਬਣ ਗਈ ਹੈ।
ਇਸ ਵਿਸ਼ਵ ਕੱਪ ਦੌਰਾਨ, ਉਸਨੇ ਨੌਂ ਮੈਚਾਂ ਵਿੱਚ 215 ਦੌੜਾਂ ਬਣਾਈਆਂ, 30 ਦੀ ਔਸਤ ਅਤੇ 90 ਦੀ ਸਟ੍ਰਾਈਕ ਰੇਟ ਨਾਲ। ਉਸਨੇ ਤਿੰਨ ਅਰਧ-ਸੈਂਕੜੇ ਵੀ ਜੜੇ। ਗੇਂਦਬਾਜ਼ੀ ‘ਚ ਵੀ ਉਸਦਾ ਦਬਦਬਾ ਰਿਹਾ—ਦੀਪਤੀ ਨੇ ਟੂਰਨਾਮੈਂਟ ਦੀਆਂ ਸਭ ਤੋਂ ਵੱਧ 22 ਵਿਕਟਾਂ ਆਪਣੇ ਨਾਮ ਕੀਤੀਆਂ। ਉਸਦਾ ਸਭ ਤੋਂ ਵਧੀਆ ਪ੍ਰਦਰਸ਼ਨ ਫਾਈਨਲ ਮੈਚ ਵਿੱਚ ਰਿਹਾ, ਜਿੱਥੇ ਉਸਨੇ 5 ਵਿਕਟਾਂ ਸਿਰਫ਼ 39 ਦੌੜਾਂ ਦੇ ਬਦਲੇ ਲਿਆਂ।
ਇਸ ਨਾਲ ਦੀਪਤੀ ਸ਼ਰਮਾ ਵਿਸ਼ਵ ਕੱਪ ਫਾਈਨਲ (ICC Women’s World Cup 2025) ਵਿੱਚ ਪੰਜ ਵਿਕਟਾਂ ਲੈਣ ਵਾਲੀ ਪਹਿਲੀ ਭਾਰਤੀ ਕ੍ਰਿਕਟਰ ਬਣ ਗਈ। ਇਸਦੇ ਨਾਲ ਹੀ ਉਸਨੇ ਵਿਸ਼ਵ ਕੱਪ ਦੇ ਇੱਕ ਐਡੀਸ਼ਨ ਵਿੱਚ ਸਭ ਤੋਂ ਵੱਧ ਵਿਕਟਾਂ ਲੈਣ ਦਾ ਭਾਰਤੀ ਰਿਕਾਰਡ ਵੀ ਆਪਣੇ ਨਾਮ ਕੀਤਾ, ਸ਼ੁਭਾਂਗੀ ਕੁਲਕਰਨੀ ਅਤੇ ਨੀਤੂ ਡੇਵਿਡ ਦੇ 20-20 ਵਿਕਟਾਂ ਵਾਲੇ ਰਿਕਾਰਡ ਨੂੰ ਪਿੱਛੇ ਛੱਡਦਿਆਂ।
