ਚੰਡੀਗੜ੍ਹ ਸਟਾਰਟਅਪ ਨੀਤੀ ਨੂੰ ਪ੍ਰਸ਼ਾਸਕ ਗੁਲਾਬ ਚੰਦ ਕਟਾਰੀਆ ਵਲੋਂ ਮਿਲੀ ਮਨਜ਼ੂਰੀ, ਜਲਦੀ ਹੀ ਲਾਗੂ ਹੋਵੇਗੀ

ਚੰਡੀਗੜ੍ਹ | 08 ਅਪ੍ਰੈਲ 2025

ਚੰਡੀਗੜ੍ਹ ਵਿੱਚ ਸਟਾਰਟਅਪ ਸ਼ੁਰੂ ਕਰਨ ਵਾਲੇ ਨੌਜਵਾਨਾਂ ਲਈ ਖੁਸ਼ਖਬਰੀ ਹੈ। ਚੰਡੀਗੜ੍ਹ ਦੀ ਪਹਿਲੀ ਸਟਾਰਟਅਪ ਨੀਤੀ ਨੂੰ ਆਖਿਰਕਾਰ ਮਨਜ਼ੂਰੀ ਮਿਲ ਗਈ ਹੈ। ਪੰਜਾਬ ਦੇ ਰਾਜਪਾਲ ਅਤੇ ਚੰਡੀਗੜ੍ਹ ਦੇ ਪ੍ਰਬੰਧਕ ਗੁਲਾਬ ਚੰਦ ਕਟਾਰੀਆ ਨੇ ਇਸ ਨੀਤੀ ‘ਤੇ ਮੋਹਰ ਲਾਈ ਹੈ।

2018 ਤੋਂ ਚੱਲ ਰਹੀ ਤਿਆਰੀ

ਇਸ ਨੀਤੀ ਦੀ ਤਿਆਰੀ ਦਾ ਕੰਮ 2018 ਵਿੱਚ ਸ਼ੁਰੂ ਹੋਇਆ ਸੀ ਅਤੇ ਲਗਭਗ 7 ਸਾਲ ਬਾਅਦ ਹੁਣ ਜਾ ਕੇ ਇਹ ਪ੍ਰਵਾਨ ਹੋਈ ਹੈ। ਨੀਤੀ ਦਾ ਮੁੱਖ ਉਦੇਸ਼ ਚੰਡੀਗੜ੍ਹ ਨੂੰ ਇੱਕ ਐਸਾ ਕੇਂਦਰ ਬਣਾਉਣਾ ਹੈ ਜਿੱਥੇ ਨਵੇਂ ਉਦਯੋਗ ਸ਼ੁਰੂ ਕਰਨ ਵਾਲਿਆਂ ਨੂੰ ਸਰਕਾਰੀ ਸਹਾਇਤਾ ਅਤੇ ਸਾਥ ਮਿਲ ਸਕੇ।

ਆਨਲਾਈਨ ਪੋਰਟਲ ਅਤੇ ਨਿਗਰਾਨੀ ਕਮੇਟੀਆਂ ਬਣਨਗੀਆਂ

ਨੀਤੀ ਦੇ ਤਹਿਤ ਇੱਕ ਆਨਲਾਈਨ ਪੋਰਟਲ ਸ਼ੁਰੂ ਕੀਤਾ ਜਾਵੇਗਾ, ਜਿੱਥੇ ਸਟਾਰਟਅਪ ਸੰਬੰਧੀ ਸਾਰੀ ਜਾਣਕਾਰੀ ਇੱਕ ਥਾਂ ਉਪਲਬਧ ਹੋਵੇਗੀ।
ਇਸ ਦੇ ਨਾਲ ਹੀ, ਨੀਤੀ ਦੀ ਨਿਗਰਾਨੀ ਲਈ ਮੁੱਖ ਸਕੱਤਰ ਦੀ ਅਗਵਾਈ ਹੇਠ ਕਮੇਟੀ ਬਣੇਗੀ।
ਇੱਕ ਹੋਰ ਲਾਗੂਕਰਨ ਕਮੇਟੀ ਵੀ ਉਦਯੋਗ ਵਿਭਾਗ ਦੇ ਸਕੱਤਰ ਦੀ ਅਗਵਾਈ ਹੇਠ ਕੰਮ ਕਰੇਗੀ।

5 ਸਾਲਾਂ ਲਈ ਲਾਗੂ, ਹਰ ਸਾਲ ਹੋਵੇਗੀ ਸਮੀਖਿਆ

ਇਹ ਨੀਤੀ 5 ਸਾਲਾਂ ਲਈ ਲਾਗੂ ਰਹੇਗੀ ਅਤੇ ਹਰ ਸਾਲ ਇਸ ਵਿੱਚ ਲੋੜ ਅਨੁਸਾਰ ਤਬਦੀਲੀਆਂ ਕੀਤੀਆਂ ਜਾਣਗੀਆਂ, ਤਾਂ ਜੋ ਸਟਾਰਟਅਪਸ ਨੂੰ ਸਮੇਂ ਦੇ ਨਾਲ-ਨਾਲ ਲਾਭ ਮਿਲਦਾ ਰਹੇ।