ਚੰਡੀਗੜ੍ਹ 31 Oct 2025 AJ DI Awaaj
Chandigarh Desk : ਚੰਡੀਗੜ੍ਹ ਦੇ ਬਿਜਲੀ ਖਪਤਕਾਰਾਂ ਲਈ ਇੱਕ ਹੋਰ ਝਟਕਾ ਆਇਆ ਹੈ। ਜਾਇੰਟ ਇਲੈਕਟ੍ਰਿਸਿਟੀ ਰੈਗੂਲੇਟਰੀ ਕਮਿਸ਼ਨ (JERC) ਨੇ ਬਿਜਲੀ ਦੀਆਂ ਦਰਾਂ ਵਿੱਚ 0.94 ਫ਼ੀਸਦੀ ਦਾ ਵਾਧਾ ਮਨਜ਼ੂਰ ਕੀਤਾ ਹੈ। ਨਵੇਂ ਰੇਟ 1 ਨਵੰਬਰ ਤੋਂ ਲਾਗੂ ਹੋਣਗੇ। ਇਹ ਵਾਧਾ ਲਗਭਗ 5 ਤੋਂ 10 ਪੈਸੇ ਪ੍ਰਤੀ ਯੂਨਿਟ ਤੱਕ ਹੈ।
ਘਰੇਲੂ ਖਪਤਕਾਰਾਂ (LTDS-II) ਲਈ ਹੁਣ ਨਵੇਂ ਟੈਰਿਫ ਇਸ ਤਰ੍ਹਾਂ ਹੋਣਗੇ:
- 100 ਯੂਨਿਟ ਤੱਕ: ₹2.80 ਦੀ ਬਜਾਏ ₹2.85 ਪ੍ਰਤੀ ਯੂਨਿਟ
- 101 ਤੋਂ 200 ਯੂਨਿਟ ਤੱਕ: ₹3.75 ਦੀ ਬਜਾਏ ₹3.80 ਪ੍ਰਤੀ ਯੂਨਿਟ
ਕਮਿਸ਼ਨ ਨੇ ਅਗਲੇ ਸਾਲਾਂ ਲਈ ਵੀ 3.86%, 7.21%, 9.29% ਅਤੇ 11.10% ਤੱਕ ਦੇ ਵਾਧੇ ਨੂੰ ਮਨਜ਼ੂਰੀ ਦਿੱਤੀ ਹੈ।
ਚੰਡੀਗੜ੍ਹ ਪਾਵਰ ਡਿਸਟ੍ਰੀਬਿਊਸ਼ਨ ਲਿਮਿਟਿਡ (CPDL) ਨੇ ਪਹਿਲਾਂ ਬਿਜਲੀ ਦਰਾਂ ਵਿੱਚ 7.57% ਵਾਧਾ ਕਰਨ ਦਾ ਪ੍ਰਸਤਾਵ ਦਿੱਤਾ ਸੀ। ਕੰਪਨੀ ਦੇ ਬੁਲਾਰੇ ਨੇ ਕਿਹਾ ਕਿ ਨਿੱਜੀਕਰਨ ਤੋਂ ਬਾਅਦ ਇਹ ਉਨ੍ਹਾਂ ਦਾ ਪਹਿਲਾ ਟੈਰਿਫ ਆਰਡਰ ਹੈ ਅਤੇ ਉਹ ਖਪਤਕਾਰਾਂ ਨੂੰ ਬਿਹਤਰ ਸੇਵਾਵਾਂ ਦੇਣ ਲਈ ਪੂਰੀ ਤਰ੍ਹਾਂ ਵਚਨਬੱਧ ਹਨ।
ਉਨ੍ਹਾਂ ਕਿਹਾ ਕਿ CPDL, ਯੂਟੀ ਪ੍ਰਸ਼ਾਸਨ ਅਤੇ JERC ਦੇ ਸਹਿਯੋਗ ਨਾਲ ਬਿਜਲੀ ਪ੍ਰਣਾਲੀ ਦੀ ਭਰੋਸੇਯੋਗਤਾ ਵਧਾਉਣ, ਤਕਨੀਕੀ ਨੁਕਸਾਨ ਘਟਾਉਣ ਅਤੇ ਸੇਵਾਵਾਂ ਨੂੰ ਸੁਧਾਰਨ ‘ਤੇ ਕੰਮ ਕਰ ਰਿਹਾ ਹੈ।
ਯਾਦ ਰਹੇ ਕਿ ਇਸ ਤੋਂ ਪਹਿਲਾਂ, 1 ਅਗਸਤ 2024 ਤੋਂ ਪ੍ਰਭਾਵੀ ਔਸਤ 9.4% ਬਿਜਲੀ ਦਰ ਵਾਧੇ ਨੂੰ ਵੀ ਮਨਜ਼ੂਰੀ ਦਿੱਤੀ ਗਈ ਸੀ। 2022-23 ਵਿੱਚ ਵੀ 0 ਤੋਂ 150 ਯੂਨਿਟ ਸਲੈਬ ਲਈ 25 ਪੈਸੇ ਪ੍ਰਤੀ ਯੂਨਿਟ (ਲਗਭਗ 9.09%) ਦਾ ਛੋਟਾ ਵਾਧਾ ਲਾਗੂ ਕੀਤਾ ਗਿਆ ਸੀ।
 ਨੇ ਬਿਜਲੀ ਦੀਆਂ ਦਰਾਂ ਵਿੱਚ 0.94 ਫ਼ੀਸਦੀ ਦਾ ਵਾਧਾ ਮਨਜ਼ੂਰ ਕੀਤਾ){kind=link}