ਚੰਡੀਗੜ੍ਹ 08 July 2025 Aj DI Awaaj
Punjab Desk : ਜਨਤਕ ਆਵਾਜਾਈ ਨਾਲ ਸਫ਼ਰ ਕਰਨ ਵਾਲੇ ਲੋਕਾਂ ਲਈ ਇੱਕ ਵੱਡਾ ਬਦਲਾਅ ਹੋਇਆ ਹੈ, ਕਿਉਂਕਿ ਹੁਣ ਟੈਕਸੀ, ਆਟੋ ਅਤੇ ਬਾਈਕ ਟੈਕਸੀ ਦੀ ਯਾਤਰਾ ਪਹਿਲਾਂ ਨਾਲੋਂ ਮਹਿੰਗੀ ਹੋ ਗਈ ਹੈ। ਚੰਡੀਗੜ੍ਹ ਪ੍ਰਸ਼ਾਸਨ ਦੇ ਟਰਾਂਸਪੋਰਟ ਵਿਭਾਗ ਵੱਲੋਂ 4 ਜੁਲਾਈ ਨੂੰ ਨਵੀਆਂ ਕਿਰਾਏ ਦਰਾਂ ਜਾਰੀ ਕੀਤੀਆਂ ਗਈਆਂ, ਜੋ ਕਿ 7 ਜੁਲਾਈ ਤੋਂ ਲਾਗੂ ਹੋ ਚੁੱਕੀਆਂ ਹਨ।
ਇਹ ਨਵੇਂ ਦਰਾਂ 31 ਮਾਰਚ 2022 ਦੇ ਪੁਰਾਣੇ ਹੁਕਮ ਨੂੰ ਰੱਦ ਕਰਦੀਆਂ ਹਨ ਅਤੇ ਮੋਟਰ ਵਹੀਕਲ ਐਕਟ, 1988 ਦੀ ਧਾਰਾ 67(1) ਅਧੀਨ ਜਾਰੀ ਕੀਤੀਆਂ ਗਈਆਂ ਹਨ। ਟਰਾਂਸਪੋਰਟ ਸਕੱਤਰ ਦੀਪਰ ਲਾਕੜਾ (ਆਈਏਐਸ) ਨੇ ਇਸਨੂੰ ਮਨਜ਼ੂਰੀ ਦਿੱਤੀ ਹੈ।
ਨਵੀਆਂ ਕਿਰਾਏ ਦਰਾਂ ਇਸ ਪ੍ਰਕਾਰ ਹਨ:
- AC / Non-AC ਟੈਕਸੀ (4+1 ਸੀਟਰ ਜਾਂ ਘੱਟ):
₹90 ਪਹਿਲੇ 3 ਕਿ.ਮੀ. ਲਈ, ₹25 ਹਰ ਅਗਲੇ ਕਿ.ਮੀ. ਲਈ - AC / Non-AC ਟੈਕਸੀ (6+1 ਸੀਟਰ ਜਾਂ ਵੱਧ):
₹100 ਪਹਿਲੇ 3 ਕਿ.ਮੀ. ਲਈ, ₹28 ਹਰ ਅਗਲੇ ਕਿ.ਮੀ. ਲਈ - ਆਟੋ / ਈ-ਆਟੋ / ਈ-ਰਿਕਸ਼ਾ:
₹50 ਪਹਿਲੇ 3 ਕਿ.ਮੀ. ਲਈ, ₹13 ਹਰ ਅਗਲੇ ਕਿ.ਮੀ. ਲਈ - ਬਾਈਕ ਟੈਕਸੀ:
₹30 ਪਹਿਲੇ 3 ਕਿ.ਮੀ. ਲਈ, ₹9 ਹਰ ਅਗਲੇ ਕਿ.ਮੀ. ਲਈ
ਪ੍ਰਸ਼ਾਸਨ ਦੀ ਅਪੀਲ:
ਪ੍ਰਸ਼ਾਸਨ ਨੇ ਸਾਰੇ ਟੈਕਸੀ, ਆਟੋ ਅਤੇ ਬਾਈਕ ਟੈਕਸੀ ਚਲਾਉਣ ਵਾਲਿਆਂ ਨੂੰ ਸਖ਼ਤ ਹਦਾਇਤ ਦਿੱਤੀ ਹੈ ਕਿ ਉਹ ਨਿਰਧਾਰਤ ਰੇਟਾਂ ਅਨੁਸਾਰ ਹੀ ਕਿਰਾਏ ਲੈਣ। ਯਾਤਰੀਆਂ ਨੂੰ ਵੀ ਅਪੀਲ ਕੀਤੀ ਗਈ ਹੈ ਕਿ ਜੇਕਰ ਕੋਈ ਡਰਾਈਵਰ ਨਿਰਧਾਰਤ ਕਿਰਾਏ ਤੋਂ ਵੱਧ ਦੀ ਮੰਗ ਕਰੇ, ਤਾਂ ਤੁਰੰਤ ਸ਼ਿਕਾਇਤ ਕੀਤੀ ਜਾਵੇ। ਐਸੇ ਮਾਮਲਿਆਂ ‘ਚ ਸਖ਼ਤ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।
ਇਹ ਨਵੀਆਂ ਦਰਾਂ ਰੋਜ਼ਾਨਾ ਸਫ਼ਰ ਕਰਨ ਵਾਲਿਆਂ, ਵਿਦਿਆਰਥੀਆਂ ਅਤੇ ਦਫ਼ਤਰੀ ਕਰਮਚਾਰੀਆਂ ‘ਤੇ ਵੱਡਾ ਪ੍ਰਭਾਵ ਪਾਉਣਗੀਆਂ।
