ਮੁੱਲਾਂਪੁਰ ‘ਚ IPL 2025 ਕਵਾਲੀਫਾਇਰ-1 ਲਈ ਛਾਵਣੀ ਜਿਹਾ ਮਾਹੌਲ, ਪੰਜਾਬ vs RCB ਅੱਜ ਟਕਰਾਅ

Chandigarh 29/05/2025 Aj Di Awaaj

ਆਈਪੀਐਲ 2025 ਦੇ ਪਲੇਅਆਫ਼ ਮੁਕਾਬਲੇਆਂ ਦੀ ਸ਼ੁਰੂਆਤ ਹੋ ਚੁੱਕੀ ਹੈ। ਪਹਿਲਾ ਕਵਾਲੀਫਾਇਰ ਪੰਜਾਬ ਕਿੰਗਜ਼ (PBKS) ਅਤੇ ਰੌਇਲ ਚੈਲੈਂਜਰਜ਼ ਬੈਂਗਲੋਰੂ (RCB) ਦੀ ਟੀਮਾਂ ਵਿਚਕਾਰ 29 ਮਈ (ਵੀਰਵਾਰ) ਨੂੰ ਨਿਊ ਚੰਡੀਗੜ੍ਹ ਦੇ ਮੁੱਲਾਂਪੁਰ ਸਥਿਤ ਮਹਾਰਾਜਾ ਯਦਵਿੰਦਰ ਸਿੰਘ ਇੰਟਰਨੈਸ਼ਨਲ ਕ੍ਰਿਕਟ ਸਟੇਡੀਅਮ ਵਿੱਚ ਹੋਣ ਜਾ ਰਿਹਾ ਹੈ।

ਇਹ ਪਹਿਲੀ ਵਾਰ ਹੈ ਕਿ ਇਹ ਸਟੇਡੀਅਮ ਕਿਸੇ ਆਈਪੀਐਲ ਪਲੇਅਆਫ਼ ਮੈਚ ਦੀ ਮਿਜਬਾਨੀ ਕਰ ਰਿਹਾ ਹੈ। ਇਵੈਂਟ ਦੀ ਮਹੱਤਤਾ, ਵੀ.ਆਈ.ਪੀ. ਆਵਾਜਾਈ ਅਤੇ ਦਰਸ਼ਕਾਂ ਦੀ ਭਾਰੀ ਭੀੜ ਨੂੰ ਦੇਖਦੇ ਹੋਏ ਪੂਰੇ ਸਟੇਡੀਅਮ ‘ਚ ਸੁਰੱਖਿਆ ਦੇ ਸਖ਼ਤ ਇੰਤਜ਼ਾਮ ਕੀਤੇ ਗਏ ਹਨ।

ਸੁਰੱਖਿਆ ਦੇ ਇੰਤਜ਼ਾਮ:

• 2500 ਤੋਂ ਵੱਧ ਪੁਲਿਸ ਜਵਾਨ ਤਾਇਨਾਤ
• 65 ਗੈਜੇਟਡ ਅਫਸਰ ਡਿਊਟੀ ‘ਤੇ
• ਮੌਕ ਡ੍ਰਿੱਲ ਕਰ ਕੇ ਸਥਿਤੀ ਸੰਭਾਲਣ ਦੀ ਪ੍ਰੈਕਟਿਸ
• ਚप्पੇ-ਚੱਪੇ ‘ਤੇ ਨਿਗਰਾਨੀ ਅਤੇ ਪੈਟਰੋਲਿੰਗ
• ਵੀ.ਆਈ.ਪੀ. ਅਤੇ ਟੀਮਾਂ ਦੀ ਆਵਾਜਾਈ ਲਈ ਵਿਸ਼ੇਸ਼ ਰੂਟ ਨਿਰਧਾਰਤ

ਪ੍ਰਸ਼ਾਸਨ ਨੇ ਸਾਫ਼ ਕੀਤਾ ਹੈ ਕਿ ਕਿਸੇ ਵੀ ਗੜਬੜ ਜਾਂ ਅਣਚਾਹੀ ਘਟਨਾ ਤੋਂ ਬਚਣ ਲਈ ਸਟੇਡੀਅਮ ਅਤੇ ਆਲੇ-ਦੁਆਲੇ ਦੇ ਇਲਾਕੇ ਨੂੰ “ਹਾਈ ਸੁਰੱਖਿਆ ਜ਼ੋਨ” ਘੋਸ਼ਿਤ ਕਰ ਦਿੱਤਾ ਗਿਆ ਹੈ।

ਕ੍ਰਿਕਟ ਪ੍ਰੇਮੀਆਂ ਲਈ ਇਹ ਮੈਚ ਨ  ਰੋਮਾਂਚਕ ਹੋਣ ਵਾਲਾ ਹੈ, ਸਗੋਂ ਇਹ ਸਟੇਡੀਅਮ ਲਈ ਇਤਿਹਾਸਕ ਮੋੜ ਵੀ ਲੈ ਕੇ ਆ ਰਿਹਾ ਹੈ।
ਪੰਜਾਬ ਵਾਸੀਆਂ ਲਈ ਇਹ ਮੌਕਾ ਆਪਣੀ ਟੀਮ ਨੂੰ ਆਪਣੇ ਘਰ ਵਿੱਚ ਚੀਅਰ ਕਰਨ ਦਾ ਹੈ।