ਸ਼੍ਰੀਨਗਰ:04 AJ DI Awaaj
National Desk : ਸ਼੍ਰੀਨਗਰ ਹਵਾਈ ਅੱਡੇ ’ਤੇ ਸ਼ੁੱਕਰਵਾਰ ਸਵੇਰੇ Indigo ਦਾ ਇੱਕ ਜਹਾਜ਼ ਪਾਰਕਿੰਗ ਦੌਰਾਨ VDGS ਖੰਭੇ ਨਾਲ ਟਕਰਾ ਗਿਆ। ਇਹ ਜਹਾਜ਼ ਨਵੀਂ ਮੁੰਬਈ ਤੋਂ ਸ਼੍ਰੀਨਗਰ ਆਇਆ ਸੀ ਅਤੇ ਬੇ ਨੰਬਰ 06 ’ਤੇ ਡੌਕ ਕਰਦੇ ਸਮੇਂ ਇਹ ਹਾਦਸਾ ਵਾਪਰਿਆ।
ਅਧਿਕਾਰੀਆਂ ਮੁਤਾਬਕ ਘਟਨਾ ਸਵੇਰੇ ਕਰੀਬ 9:02 ਵਜੇ ਵਾਪਰੀ। ਜਹਾਜ਼ ਵਿੱਚ ਸਵਾਰ ਸਾਰੇ ਯਾਤਰੀ ਅਤੇ ਚਾਲਕ ਦਲ ਸੁਰੱਖਿਅਤ ਹਨ ਅਤੇ ਕਿਸੇ ਦੇ ਜ਼ਖ਼ਮੀ ਹੋਣ ਦੀ ਕੋਈ ਸੂਚਨਾ ਨਹੀਂ ਹੈ। ਯਾਤਰੀਆਂ ਨੂੰ ਜਹਾਜ਼ ਦੀਆਂ ਪੌੜੀਆਂ ਰਾਹੀਂ ਸੁਰੱਖਿਅਤ ਬਾਹਰ ਕੱਢਿਆ ਗਿਆ।
ਜਹਾਜ਼ ਜਿਸ ਖੰਭੇ ਨਾਲ ਟਕਰਾਇਆ, ਉਸ ’ਤੇ Visual Docking Guidance System (VDGS) ਦੀ ਡਿਸਪਲੇਅ ਯੂਨਿਟ ਅਤੇ ਸੈਂਸਰ ਲੱਗੇ ਹੋਏ ਸਨ। ਅਧਿਕਾਰੀਆਂ ਨੇ ਕਿਹਾ ਕਿ ਹਾਦਸੇ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਜਾਂਚ ਪੂਰੀ ਹੋਣ ਤੋਂ ਪਹਿਲਾਂ ਕਿਸੇ ਨਤੀਜੇ ’ਤੇ ਨਹੀਂ ਪਹੁੰਚਿਆ ਜਾਵੇਗਾ।
ਹਵਾਈ ਅੱਡਾ ਪ੍ਰਸ਼ਾਸਨ ਮੁਤਾਬਕ ਘਟਨਾ ਦੇ ਬਾਵਜੂਦ ਏਅਰਪੋਰਟ ਦਾ ਕੰਮਕਾਜ ਆਮ ਤੌਰ ’ਤੇ ਜਾਰੀ ਹੈ ਅਤੇ ਉਡਾਣਾਂ ਨਿਰਧਾਰਤ ਸਮੇਂ ਅਨੁਸਾਰ ਚੱਲ ਰਹੀਆਂ ਹਨ।
