ਚੰਡੀਗੜ੍ਹ: 06 Aug 2026 AJ DI Awaaj
Chandigarh Desk : ਪੰਜਾਬੀ ਸਿਨੇਮਾ ਲਈ ਇੱਕ ਹੋਰ ਵੱਡੀ ਉਪਲਬਧੀ ਸਾਹਮਣੇ ਆਈ ਹੈ। ਦੇਵ ਖਰੌੜ ਸਟਾਰਰ ਆਉਣ ਵਾਲੀ ਫਿਲਮ ‘ਮਿੱਟੀ ਦੇ ਪੁੱਤ’ ਦੇ ਵਿਸ਼ਵਵਿਆਪੀ ਡਿਸਟਰੀਬਿਊਸ਼ਨ ਦੀ ਜ਼ਿੰਮੇਵਾਰੀ ਹੁਣ ਕਰਨ ਜੌਹਰ ਦੇ ਧਰਮਾ ਪ੍ਰੋਡਕਸ਼ਨ ਨੇ ਸੰਭਾਲ ਲਈ ਹੈ। ਇਸ ਸਹਿਯੋਗ ਨਾਲ ਫਿਲਮ ਨੂੰ ਗਲੋਬਲ ਪੱਧਰ ‘ਤੇ ਵੱਡੇ ਪੱਧਰ ਦੀ ਰਿਲੀਜ਼ ਮਿਲਣ ਦੀ ਉਮੀਦ ਹੈ।
ਧਰਮਾ ਪ੍ਰੋਡਕਸ਼ਨ ਇਸ ਤੋਂ ਪਹਿਲਾਂ ਗਿੱਪੀ ਗਰੇਵਾਲ ਦੀ ਪੰਜਾਬੀ ਪੀਰੀਅਡ ਫਿਲਮ ‘ਅਕਾਲ’ ਨਾਲ ਵੀ ਸਫਲ ਸਹਿਯੋਗ ਕਰ ਚੁੱਕਾ ਹੈ। ਹੁਣ ‘ਮਿੱਟੀ ਦੇ ਪੁੱਤ’ ਧਰਮਾ ਪ੍ਰੋਡਕਸ਼ਨ ਵੱਲੋਂ ਡਿਸਟਰੀਬਿਊਟ ਕੀਤੀ ਜਾਣ ਵਾਲੀ ਦੂਜੀ ਪੰਜਾਬੀ ਫਿਲਮ ਬਣੇਗੀ।
ਇਸ ਤੋਂ ਪਹਿਲਾਂ ਦੇਵ ਖਰੌੜ ਦੀ ‘ਡਾਕੂਆਂ ਦਾ ਮੁੰਡਾ 3’ ਨੂੰ ਜ਼ੀ ਸਟੂਡੀਓਜ਼ ਨੇ ਦੁਨੀਆ ਭਰ ਵਿੱਚ ਰਿਲੀਜ਼ ਕੀਤਾ ਸੀ। ਇਸ ਤਰ੍ਹਾਂ ਇਹ ਲਗਾਤਾਰ ਦੂਜੀ ਫਿਲਮ ਹੈ, ਜਿਸ ਲਈ ਕਿਸੇ ਵੱਡੇ ਬਾਲੀਵੁੱਡ ਬੈਨਰ ਨੇ ਡਿਸਟਰੀਬਿਊਸ਼ਨ ਸਾਂਝੇਦਾਰੀ ਕੀਤੀ ਹੈ।
ਫਿਲਮ ਨਾਲ ਜੁੜੇ ਇਸ ਐਲਾਨ ਨੂੰ ਪੰਜਾਬੀ ਫਿਲਮ ਇੰਡਸਟਰੀ ਲਈ ਇੱਕ ਅਹਿਮ ਕਦਮ ਮੰਨਿਆ ਜਾ ਰਿਹਾ ਹੈ। ਇੰਡਸਟਰੀ ਨਾਲ ਜੁੜੇ ਲੋਕਾਂ ਦਾ ਮੰਨਣਾ ਹੈ ਕਿ ਇਸ ਤਰ੍ਹਾਂ ਦੇ ਸਹਿਯੋਗ ਨਾਲ ਪੰਜਾਬੀ ਸਿਨੇਮਾ ਨੂੰ ਅੰਤਰਰਾਸ਼ਟਰੀ ਬਾਜ਼ਾਰ ਵਿੱਚ ਹੋਰ ਮਜ਼ਬੂਤ ਪਛਾਣ ਮਿਲੇਗੀ।
ਫਿਲਮ ਦਾ ਟੀਜ਼ਰ 10 ਅਗਸਤ ਨੂੰ ਜਾਰੀ ਕੀਤਾ ਜਾਵੇਗਾ, ਜਦਕਿ ‘ਮਿੱਟੀ ਦੇ ਪੁੱਤ’ 18 ਸਤੰਬਰ ਨੂੰ ਦੁਨੀਆ ਭਰ ਦੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।
