Gurdaspur 17 Apr 2026 AJ DI Awaaj
Punjab Desk : ਪੰਜਾਬ ਦੇ Gurdaspur ਵਿੱਚ ਇਕ ਦਰਦਨਾਕ ਘਟਨਾ ਸਾਹਮਣੇ ਆਈ ਹੈ, ਜਿੱਥੇ ਸਰਕਾਰੀ ਪ੍ਰਾਇਮਰੀ ਸਕੂਲ ਦੀ ਮਹਿਲਾ ਅਧਿਆਪਕਾ ‘ਤੇ ਤੇਜ਼ਾਬ ਨਾਲ ਹਮਲਾ ਕੀਤਾ ਗਿਆ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਹਮਲਾਵਰ ਉਸਦਾ ਆਪਣਾ ਭਾਣਜਾ ਸੀ, ਜਿਸ ਨੇ ਕਲਾਸਰੂਮ ਵਿੱਚ ਦਾਖਲ ਹੋ ਕੇ ਇਸ ਵਾਰਦਾਤ ਨੂੰ ਅੰਜਾਮ ਦਿੱਤਾ।
ਘਟਨਾ ਸਮੇਂ ਅਧਿਆਪਕਾ ਬੱਚਿਆਂ ਨੂੰ ਪੜ੍ਹਾ ਰਹੀ ਸੀ। ਸਵੇਰੇ ਕਰੀਬ 10:30 ਵਜੇ ਦੋਸ਼ੀ ਤੇ*ਜ਼ਾਬ ਨਾਲ ਭਰੀ ਸ਼ੀਸ਼ੀ ਲੈ ਕੇ ਕਲਾਸ ਵਿੱਚ ਪਹੁੰਚਿਆ ਅਤੇ ਸਿੱਧਾ ਅਧਿਆਪਕਾ ‘ਤੇ ਸੁੱਟ ਦਿੱਤਾ। ਇਸ ਹਮਲੇ ਵਿੱਚ ਅਧਿਆਪਕਾ ਗੰਭੀਰ ਤੌਰ ‘ਤੇ ਝੁਲਸ ਗਈ।
ਹਮਲੇ ਦੌਰਾਨ ਤੇਜ਼ਾਬ ਦੇ ਛਿਟੇ ਕਲਾਸ ਵਿੱਚ ਮੌਜੂਦ ਦੋ ਛੋਟੇ ਬੱਚਿਆਂ ‘ਤੇ ਵੀ ਪਏ। 4 ਸਾਲਾ ਅਜੀਤ ਸਿੰਘ ਅਤੇ 6 ਸਾਲਾ ਪ੍ਰਭਜੋਤ ਕੌਰ ਦੇ ਚਿਹਰੇ ਅਤੇ ਅੱਖਾਂ ‘ਚ ਸੜਨ ਹੋਈ। ਤਿੰਨਾਂ ਨੂੰ ਤੁਰੰਤ ਹਸਪਤਾਲ ਪਹੁੰਚਾਇਆ ਗਿਆ, ਜਿੱਥੇ ਉਨ੍ਹਾਂ ਦਾ ਇਲਾਜ ਜਾਰੀ ਹੈ।
ਘਟਨਾ ਤੋਂ ਬਾਅਦ ਸਕੂਲ ਵਿੱਚ ਹਫੜਾ-ਦਫੜੀ ਮਚ ਗਈ, ਜਦਕਿ ਦੋਸ਼ੀ ਮੌਕੇ ਤੋਂ ਫਰਾਰ ਹੋ ਗਿਆ ਸੀ। ਪੁਲਿਸ ਨੇ ਤੁਰੰਤ ਕਾਰਵਾਈ ਕਰਦਿਆਂ ਉਸਨੂੰ ਗ੍ਰਿਫ਼*ਤਾਰ ਕਰ ਲਿਆ ਹੈ। ਪ੍ਰਾਰੰਭਿਕ ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਦੋਸ਼ੀ ਨਸ਼ੇ ਦਾ ਆਦੀ ਹੈ ਅਤੇ ਉਸ ਤੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।
ਪੁਲਿਸ ਵੱਲੋਂ ਮਾਮਲੇ ਦੀ ਗਹਿਰਾਈ ਨਾਲ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਹਮਲੇ ਦੇ ਕਾਰਨਾਂ ਦੀ ਪੜਤਾਲ ਜਾਰੀ ਹੈ।
