ਚੰਡੀਗੜ੍ਹ 04 Dec 2025 AJ DI Awaaj
Chandigarh Desk —ਪੰਜਾਬ ਦੇ ਪੜ੍ਹੇ-ਲਿਖੇ ਨੌਜਵਾਨਾਂ ਲਈ ਸ਼ਾਨਦਾਰ ਮੌਕਾ! ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਨਸ਼ਿਆਂ ਵਿਰੁੱਧ ਮੁਹਿੰਮ ਨੂੰ ਨਵੀਂ ਰਫ਼ਤਾਰ ਦੇਣ ਲਈ ਇੱਕ ਵੱਡਾ ਐਲਾਨ ਕੀਤਾ ਹੈ। ਸਰਕਾਰ ਇੱਕ ਖਾਸ ਫੈਲੋਸ਼ਿਪ ਰਾਹੀਂ ਯੋਗ ਨੌਜਵਾਨਾਂ ਨੂੰ 60,000 ਰੁਪਏ ਪ੍ਰਤੀ ਮਹੀਨਾ ਦੇ ਕੇ “ਨਸ਼ਾ ਮੁਕਤ ਪੰਜਾਬ” ਮਿਸ਼ਨ ਵਿੱਚ ਸ਼ਾਮਲ ਕਰੇਗੀ।
ਦੇਸ਼ ਦਾ ਪਹਿਲਾ ‘ਮਾਨਸਿਕ ਸਿਹਤ ਲੀਡਰਸ਼ਿਪ ਪ੍ਰੋਗਰਾਮ’ ਸ਼ੁਰੂ
ਪੰਜਾਬ ਸਰਕਾਰ ਨੇ ਏਮਜ਼ ਮੋਹਾਲੀ ਅਤੇ ਟਾਟਾ ਇੰਸਟੀਚਿਊਟ ਆਫ ਸੋਸ਼ਲ ਸਾਇੰਸਿਜ਼ (TISS), ਮੁੰਬਈ ਨਾਲ ਮਿਲ ਕੇ ਦੋ ਸਾਲਾਂ ਦਾ “ਮਾਨਸਿਕ ਸਿਹਤ ਵਿੱਚ ਲੀਡਰਸ਼ਿਪ ਪ੍ਰੋਗਰਾਮ” ਸ਼ੁਰੂ ਕੀਤਾ ਹੈ।
ਇਸ ਤਹਿਤ 35 ਨੌਜਵਾਨ ਫੈਲੋਜ਼ ਦੀ ਚੋਣ ਕੀਤੀ ਜਾਵੇਗੀ ਜੋ ਸੂਬੇ ਦੇ 23 ਜ਼ਿਲ੍ਹਿਆਂ ਵਿੱਚ ਜ਼ਮੀਨ ਪੱਧਰ ‘ਤੇ ਨਸ਼ਾ ਮੁਕਤੀ ਅਤੇ ਮਾਨਸਿਕ ਸਿਹਤ ‘ਤੇ ਕੰਮ ਕਰਨਗੇ।
ਕੌਣ ਕਰ ਸਕਦਾ ਹੈ ਅਪਲਾਈ?
- ਮਨੋਵਿਗਿਆਨ ਜਾਂ ਸਮਾਜਿਕ ਕਾਰਜ (Psychology/Social Work) ਵਿਚ ਡਿਗਰੀ
- ਮਾਨਸਿਕ ਸਿਹਤ ਸਬੰਧੀ ਕੰਮ ਦਾ ਤਜਰਬਾ
- ਲੋਕਾਂ ਲਈ ਮੈਦਾਨ ਵਿੱਚ ਕੰਮ ਕਰਨ ਦੀ ਸਮਰੱਥਾ
ਚੁਣੇ ਗਏ ਉਮੀਦਵਾਰਾਂ ਨੂੰ TISS ਮੁੰਬਈ ਤੋਂ ਵਿਸ਼ੇਸ਼ ਸਿਖਲਾਈ ਵੀ ਪ੍ਰਾਪਤ ਹੋਵੇਗੀ।
ਦਫ਼ਤਰਾਂ ਵਿੱਚ ਨਹੀਂ—ਸਿੱਧੇ ਗਰਾਊਂਡ ‘ਤੇ ਕੰਮ
ਫੈਲੋਜ਼ ਦੀ ਜ਼ਿੰਮੇਵਾਰੀ ਫੀਲਡ ‘ਚ ਰਹਿ ਕੇ ਕੰਮ ਕਰਨ ਦੀ ਹੋਵੇਗੀ। ਉਹ—
✔ ਪਿੰਡਾਂ
✔ ਸਕੂਲਾਂ, ਕਾਲਜਾਂ
✔ ਸ਼ਹਿਰਾਂ
✔ ਕਮਿਊਨਿਟੀ ਅਤੇ ਰਿਹੈਬਿਲੀਟੇਸ਼ਨ ਸੈਂਟਰਾਂ
ਤੱਕ ਦੌਰਾ ਕਰਕੇ ਲੋਕਾਂ ਨੂੰ ਨਸ਼ਿਆਂ ਤੋਂ ਬਚਾਉਣ ਅਤੇ ਮਰੀਜ਼ਾਂ ਨੂੰ ਮੁੜ ਸਮਾਜ ਨਾਲ ਜੋੜਨ ਵਿੱਚ ਭੂਮਿਕਾ ਨਿਭਾਉਣਗੇ।
ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਕਿਹਾ ਕਿ ਨਸ਼ਿਆਂ ਵਿਰੁੱਧ ਜੰਗ ਸਿਰਫ ਪੁਲਿਸ ਨਾਲ ਨਹੀਂ, ਬਲਕਿ ਸਮਾਜਿਕ ਜਾਗਰੂਕਤਾ ਅਤੇ ਮਾਨਸਿਕ ਸਹਾਇਤਾ ਨਾਲ ਜਿੱਤੀ ਜਾ ਸਕਦੀ ਹੈ।
7 ਦਸੰਬਰ ਆਖਰੀ ਤਾਰੀਖ
ਜੇ ਤੁਸੀਂ ਵੀ ਇਹ ਮੌਕਾ ਹਾਸਲ ਕਰਨਾ ਚਾਹੁੰਦੇ ਹੋ, ਤਾਂ 7 ਦਸੰਬਰ ਤੋਂ ਪਹਿਲਾਂ ਅਪਲਾਈ ਕਰਨਾ ਲਾਜ਼ਮੀ ਹੈ।
ਵਧੇਰੇ ਜਾਣਕਾਰੀ ਤੇ ਅਪਲਾਈ ਕਰਨ ਲਈ ਵੈਬਸਾਈਟ: tiss.ac.in/lmhp
ਇਹ ਯੋਜਨਾ ਨਾ ਸਿਰਫ ਰੁਜ਼ਗਾਰ ਦਾ ਮੌਕਾ ਹੈ, ਬਲਕਿ ਪੰਜਾਬ ਨੂੰ ਨਸ਼ਾ ਮੁਕਤ ਬਣਾਉਣ ਵੱਲ ਇੱਕ ਇਤਿਹਾਸਕ ਕਦਮ ਵੀ ਹੈ।
