13 ਨਵੰਬਰ, 2025 ਅਜ ਦੀ ਆਵਾਜ਼
ਬਿਜ਼ਨਸ ਡੈਸਕ: ਦੇਸ਼ ਭਰ ਵਿੱਚ ਪਿਛਲੇ ਕੁਝ ਦਿਨਾਂ ਤੋਂ ਸੋਨੇ ਦੀਆਂ ਵੱਧਦੀਆਂ ਕੀਮਤਾਂ ‘ਤੇ ਹੁਣ ਬ੍ਰੇਕ ਲੱਗ ਗਿਆ ਹੈ। 13 ਨਵੰਬਰ 2025 ਨੂੰ ਸੋਨੇ ਦੇ ਭਾਅ ਵਿੱਚ ਹਲਕਾ ਕਮੀ ਦਾ ਰੁਝਾਨ ਦੇਖਣ ਨੂੰ ਮਿਲਿਆ ਹੈ, ਜਦਕਿ ਚਾਂਦੀ ਅਜੇ ਵੀ ਤੇਜ਼ੀ ਨਾਲ ਚਮਕ ਰਹੀ ਹੈ।
ਰਾਜਧਾਨੀ ਦਿੱਲੀ ਵਿੱਚ ਅੱਜ 24 ਕੈਰਟ ਸੋਨਾ ₹1,25,650 ਪ੍ਰਤੀ 10 ਗ੍ਰਾਮ ਤੇ 22 ਕੈਰਟ ਸੋਨਾ ₹1,15,190 ਪ੍ਰਤੀ 10 ਗ੍ਰਾਮ ‘ਤੇ ਵਿਕ ਰਿਹਾ ਹੈ। ਇਸੇ ਤਰ੍ਹਾਂ, ਮੁੰਬਈ, ਚੇਨਈ ਅਤੇ ਕੋਲਕਾਤਾ ਵਿੱਚ 22 ਕੈਰਟ ਸੋਨੇ ਦਾ ਰੇਟ ₹1,15,040 ਅਤੇ 24 ਕੈਰਟ ਦਾ ₹1,25,500 ਪ੍ਰਤੀ 10 ਗ੍ਰਾਮ ਦਰਜ ਕੀਤਾ ਗਿਆ ਹੈ।
ਦੇਸ਼ ਭਰ ਵਿੱਚ ਅੱਜ ਦੇ ਸੋਨੇ ਦੇ ਭਾਅ (13 ਨਵੰਬਰ 2025):
| ਸ਼ਹਿਰ | 22 ਕੈਰਟ (₹/10ਗ੍ਰਾਮ) | 24 ਕੈਰਟ (₹/10ਗ੍ਰਾਮ) |
|---|---|---|
| ਦਿੱਲੀ | 1,15,190 | 1,25,650 |
| ਮੁੰਬਈ | 1,15,040 | 1,25,500 |
| ਅਹਿਮਦਾਬਾਦ | 1,15,090 | 1,25,550 |
| ਚੇਨਈ | 1,15,040 | 1,25,500 |
| ਕੋਲਕਾਤਾ | 1,15,040 | 1,25,500 |
| ਜੈਪੁਰ | 1,15,190 | 1,25,650 |
| ਲਖਨਊ | 1,15,190 | 1,25,650 |
| ਭੋਪਾਲ | 1,15,090 | 1,25,550 |
ਚਾਂਦੀ ਦੀਆਂ ਕੀਮਤਾਂ ਵਿੱਚ ਉਛਾਲ
ਜਿੱਥੇ ਸੋਨਾ ਕੁਝ ਠੰਢਾ ਪਿਆ ਹੈ, ਉੱਥੇ ਚਾਂਦੀ ਨੇ ਮੁੜ ਤੇਜ਼ੀ ਫੜ ਲਈ ਹੈ। ਅੱਜ ਚਾਂਦੀ ਦਾ ਭਾਅ ₹1,62,100 ਪ੍ਰਤੀ ਕਿਲੋਗ੍ਰਾਮ ਤੱਕ ਪਹੁੰਚ ਗਿਆ ਹੈ। ਅੰਤਰਰਾਸ਼ਟਰੀ ਬਾਜ਼ਾਰਾਂ ਵਿੱਚ ਵੀ ਚਾਂਦੀ ਦੇ ਭਾਅ ਵਿੱਚ ਵਾਧਾ ਹੋਇਆ ਹੈ, ਜਿਸਦਾ ਅਸਰ ਘਰੇਲੂ ਬਾਜ਼ਾਰ ‘ਤੇ ਵੀ ਸਪੱਸ਼ਟ ਤੌਰ ‘ਤੇ ਵੇਖਿਆ ਜਾ ਸਕਦਾ ਹੈ।
ਵਿਸ਼ਵ ਪੱਧਰੀ ਰੁਝਾਨ
ਬਲੂਮਬਰਗ ਦੀ ਰਿਪੋਰਟ ਅਨੁਸਾਰ, ਜੇ.ਪੀ. ਮਾਰਗਨ ਪ੍ਰਾਈਵੇਟ ਬੈਂਕ ਨੇ ਅਨੁਮਾਨ ਲਗਾਇਆ ਹੈ ਕਿ 2026 ਦੇ ਅੰਤ ਤੱਕ ਸੋਨੇ ਦੀ ਕੀਮਤ $5,200–$5,300 ਪ੍ਰਤੀ ਔਂਸ ਤੱਕ ਪਹੁੰਚ ਸਕਦੀ ਹੈ, ਜਦਕਿ ਗੋਲਡਮੈਨ ਸੈਕਸ ਨੇ ਇਸਨੂੰ $4,900 ਪ੍ਰਤੀ ਔਂਸ ਤੱਕ ਜਾਣ ਦੀ ਸੰਭਾਵਨਾ ਜਤਾਈ ਹੈ।
ਕੀਮਤਾਂ ਵਿੱਚ ਉਤਾਰ-ਚੜ੍ਹਾਅ ਦੇ ਕਾਰਣ
ਮਾਹਰਾਂ ਦਾ ਕਹਿਣਾ ਹੈ ਕਿ ਭਾਰਤ ਵਿੱਚ ਸੋਨੇ-ਚਾਂਦੀ ਦੀਆਂ ਕੀਮਤਾਂ ‘ਤੇ ਘਰੇਲੂ ਤੇ ਵਿਸ਼ਵ ਪੱਧਰੀ ਦੋਵੇਂ ਕਾਰਕ ਪ੍ਰਭਾਵ ਪਾਂਦੇ ਹਨ —
- ਘਰੇਲੂ ਪੱਧਰ ‘ਤੇ ਰੁਪਏ ਦੀ ਚਾਲ ਅਤੇ ਮੰਗ ਵਿੱਚ ਬਦਲਾਅ
- ਵਿਸ਼ਵ ਪੱਧਰ ‘ਤੇ ਡਾਲਰ ਦੀ ਮਜ਼ਬੂਤੀ, ਬਿਆਜ ਦਰਾਂ ਅਤੇ ਅੰਤਰਰਾਸ਼ਟਰੀ ਤਣਾਅ
