24 July 2026 Aj Di Awaaj
Chandigarh Desk: ਚੰਡੀਗੜ੍ਹ ਪੁਲਿਸ ਪ੍ਰਸ਼ਾਸਨ ਨੇ ਪੰਜਾਬ ਪੁਲਿਸ ਨਿਯਮ 13.2A ਤਹਿਤ 10 ਸਬ-ਇੰਸਪੈਕਟਰਾਂ ਨੂੰ ਤੁਰੰਤ ਪ੍ਰਭਾਵ ਨਾਲ ਇੰਸਪੈਕਟਰ ਦੀ ਲੋਕਲ ਰੈਂਕ ਦੇਣ ਦੇ ਹੁਕਮ ਜਾਰੀ ਕੀਤੇ ਹਨ। ਇਹ ਹੁਕਮ ਡੀਜੀਪੀ ਡਾ. ਸਾਗਰ ਪ੍ਰੀਤ ਹੁੱਡਾ, ਆਈਪੀਐੱਸ ਵੱਲੋਂ ਆਰਡਰ ਨੰਬਰ 41750-75/UT/E1(PR-2) ਮਿਤੀ 24 ਜੁਲਾਈ 2026 ਅਧੀਨ ਜਾਰੀ ਕੀਤੇ ਗਏ ਹਨ।
ਹੁਕਮਾਂ ਅਨੁਸਾਰ ਇਹ ਤਰੱਕੀ ਸਿਰਫ਼ ਲੋਕਲ ਰੈਂਕ ਦੇ ਰੂਪ ਵਿੱਚ ਦਿੱਤੀ ਗਈ ਹੈ ਅਤੇ ਇਸ ਨਾਲ ਅਧਿਕਾਰੀਆਂ ਨੂੰ ਕਿਸੇ ਵੀ ਤਰ੍ਹਾਂ ਦਾ ਵਿੱਤੀ ਜਾਂ ਤਨਖ਼ਾਹੀ ਲਾਭ ਨਹੀਂ ਮਿਲੇਗਾ। ਇਸ ਤੋਂ ਇਲਾਵਾ ਉਹ ਇਸ ਰੈਂਕ ਦੇ ਆਧਾਰ ‘ਤੇ ਸੀਨੀਅਰਿਟੀ ਦਾ ਦਾਅਵਾ ਵੀ ਨਹੀਂ ਕਰ ਸਕਣਗੇ।
ਇੰਸਪੈਕਟਰ ਦੀ ਲੋਕਲ ਰੈਂਕ ਹਾਸਲ ਕਰਨ ਵਾਲੇ ਅਧਿਕਾਰੀ
- ਐੱਸਆਈ ਰਵਦੀਪ ਸਿੰਘ – ਇੰਚਾਰਜ, ਆਈਐੱਸਬੀਟੀ ਸੈਕਟਰ-43
- ਐੱਸਆਈ ਚੰਦਰਮੁਖੀ – ਇੰਚਾਰਜ, ਆਈਐੱਸਬੀਟੀ ਸੈਕਟਰ-17
- ਐੱਸਆਈ ਦਲਜੀਤ ਸਿੰਘ – ਕ੍ਰਾਈਮ ਬ੍ਰਾਂਚ
- ਐੱਸਆਈ ਸੁਰੇਸ਼ ਕੁਮਾਰ – ਇੰਚਾਰਜ, ਬਾਪੂਧਾਮ ਚੌਕੀ
- ਐੱਸਆਈ ਜਸਕਿਰਨਦੀਪ ਕੌਰ – ਸਾਈਬਰ ਸੈੱਲ
- ਐੱਸਆਈ ਸੂਰਿਆ ਪ੍ਰਕਾਸ਼ – ਇੰਚਾਰਜ, ਧਨਾਸ ਮਾਜਰਾ ਚੌਕੀ
- ਐੱਸਆਈ ਪ੍ਰੇਮ ਸਿੰਘ – ਇੰਚਾਰਜ, ਪਲਸੌਰਾ ਚੌਕੀ
- ਐੱਸਆਈ ਹਰਨੇਕ ਸਿੰਘ – ਥਾਣਾ ਸੈਕਟਰ-17
- ਐੱਸਆਈ ਕੁਲਵਿੰਦਰ ਕੌਰ – ਐਂਟੀ ਨਾਰਕੋਟਿਕਸ ਟਾਸਕ ਫੋਰਸ (ANTF)
- ਐੱਸਆਈ ਗੁਰਵਿੰਦਰ ਸਿੰਘ – ਸਾਈਬਰ ਕ੍ਰਾਈਮ
ਹੁਕਮਾਂ ਵਿੱਚ ਸਖ਼ਤ ਸ਼ਰਤਾਂ ਵੀ ਸ਼ਾਮਲ
ਡੀਜੀਪੀ ਵੱਲੋਂ ਜਾਰੀ ਹੁਕਮਾਂ ਵਿੱਚ ਸਪੱਸ਼ਟ ਕੀਤਾ ਗਿਆ ਹੈ ਕਿ ਜੇਕਰ ਕਿਸੇ ਅਧਿਕਾਰੀ ਦੀ ਕਾਰਗੁਜ਼ਾਰੀ ਅਸੰਤੋਸ਼ਜਨਕ ਪਾਈ ਜਾਂਦੀ ਹੈ, ਉਸ ਖ਼ਿਲਾਫ਼ ਵਿਭਾਗੀ ਜਾਂਚ ਚੱਲਦੀ ਹੈ ਜਾਂ ਉਹ ਕਿਸੇ ਅਪਰਾਧਿਕ ਮਾਮਲੇ ਵਿੱਚ ਸ਼ਾਮਲ ਪਾਇਆ ਜਾਂਦਾ ਹੈ, ਤਾਂ ਬਿਨਾਂ ਕਾਰਨ ਦੱਸੋ ਨੋਟਿਸ ਜਾਰੀ ਕੀਤੇ ਹੀ ਉਸਦੀ ਲੋਕਲ ਇੰਸਪੈਕਟਰ ਰੈਂਕ ਵਾਪਸ ਲੈ ਕੇ ਮੁੜ ਸਬ-ਇੰਸਪੈਕਟਰ ਬਣਾਇਆ ਜਾ ਸਕਦਾ ਹੈ।
ਚੰਡੀਗੜ੍ਹ ਪੁਲਿਸ ਦੇ ਇਸ ਫ਼ੈਸਲੇ ਨੂੰ ਪੁਲਿਸ ਬਲ ਦੇ ਮਨੋਬਲ ਨੂੰ ਵਧਾਉਣ ਵਾਲਾ ਕਦਮ ਮੰਨਿਆ ਜਾ ਰਿਹਾ ਹੈ।
