04 ਦਸੰਬਰ, 2025 ਅਜ ਦੀ ਆਵਾਜ਼
Lifestyle Desk: ਅੱਜ ਰਾਤ, 4 ਦਸੰਬਰ 2025 ਨੂੰ ਆਸਮਾਨ ਵਿੱਚ ਇੱਕ ਖਗੋਲੀ ਅਦਭੁਤ ਨਜ਼ਾਰਾ ਦੇਖਣ ਨੂੰ ਮਿਲੇਗਾ। ਇਹ ਸਾਲ ਦਾ ਆਖਰੀ ਸੁਪਰ ਮੂਨ, ਜਿਸਨੂੰ ‘ਕੋਲਡ ਸੁਪਰ ਮੂਨ’ ਵੀ ਕਿਹਾ ਜਾਂਦਾ ਹੈ, ਸੂਰਜ ਡੁੱਬਣ ਤੋਂ ਬਾਅਦ ਪੂਰਬ ਦਿਸ਼ਾ ਵਿੱਚ ਉਭਰੇਗਾ ਅਤੇ ਅੱਧੀ ਰਾਤ ਦੇ ਆਸ-ਪਾਸ ਆਪਣੀ ਸਭ ਤੋਂ ਉੱਚੀ ਸਥਿਤੀ ਤੇ ਪਹੁੰਚੇਗਾ। ਫਿਰ ਸਵੇਰੇ ਪੱਛਮ ਦਿਸ਼ਾ ਵਿੱਚ ਅਸਤ ਹੋ ਜਾਵੇਗਾ। ਜਵਾਹਰ ਤਾਰਾਮੰਡਲ ਦੀ ਵਿਗਿਆਨੀ ਸੁਰੂਰ ਫਾਤਿਮਾ ਦੇ ਅਨੁਸਾਰ, ਇਹ ਸੁਪਰ ਮੂਨ ਧਰਤੀ ਦੇ ਨੇੜੇ ਹੋਵੇਗਾ, ਜਿਸ ਕਾਰਨ ਇਹ ਆਮ ਚੰਦਰਮਾ ਨਾਲੋਂ 10% ਵੱਡਾ ਅਤੇ 30% ਤੱਕ ਜ਼ਿਆਦਾ ਚਮਕੀਲਾ ਦਿਖਾਈ ਦੇਵੇਗਾ। ਧਰਤੀ ਤੋਂ ਇਸ ਦੀ ਦੂਰੀ ਲਗਪਗ 3,57,000 ਕਿਲੋਮੀਟਰ ਹੋਵੇਗੀ ਅਤੇ ਇਸਦਾ ਰੰਗ ਨਾਰੰਗੀ ਜਿਹਾ ਨਜ਼ਰ ਆਵੇਗਾ। ਇਸ ਨੂੰ ‘ਲਾਂਗ ਨਾਈਟ ਮੂਨ’ ਅਤੇ ‘ਮੂਨ ਬਿਫੋਰ ਯੂਲ’ ਨਾਮਾਂ ਨਾਲ ਵੀ ਜਾਣਿਆ ਜਾਂਦਾ ਹੈ।
ਦਸੰਬਰ ਮਹੀਨੇ ਵਿੱਚ ਹੋਰ ਖਗੋਲੀ ਘਟਨਾਵਾਂ ਵੀ ਹੋਣਗੀਆਂ। 7 ਦਸੰਬਰ ਨੂੰ ਇਹ ਬ੍ਰਹਿਸਪਤੀ ਦੇ ਨੇੜੇ, 18 ਦਸੰਬਰ ਨੂੰ ਬੁੱਧ ਦੇ ਕੋਲ, 19 ਦਸੰਬਰ ਨੂੰ ਸ਼ੁੱਕਰ ਅਤੇ 27 ਦਸੰਬਰ ਨੂੰ ਸ਼ਨੀ ਦੇ ਕੋਲ ਦਿਖਾਈ ਦੇਵੇਗਾ। 21 ਦਸੰਬਰ ਨੂੰ ਸਾਲ ਦੀ ਸਭ ਤੋਂ ਲੰਬੀ ਰਾਤ ਹੋਵੇਗੀ, ਜੋ ਸਰਦੀਆਂ ਦੇ ਆਗਮਨ ਨੂੰ ਹੋਰ ਵੀ ਖਾਸ ਬਣਾਵੇਗੀ।
ਸੁਰੂਰ ਫਾਤਿਮਾ ਮੰਨਦੀ ਹੈ ਕਿ ਇਹ ਸੁਪਰ ਮੂਨ ਦੇਖਣਾ ਇੱਕ ਸ਼ਾਨਦਾਰ ਅਨੁਭਵ ਹੋ ਸਕਦਾ ਹੈ ਅਤੇ ਕੁਦਰਤ ਵਲੋਂ ਦਿੱਤਾ ਗਿਆ ਇਹ ਖਗੋਲੀ ਤੋਹਫ਼ਾ ਇਸ ਸਾਲ ਦੇ ਖਾਸ ਪਲਾਂ ਵਿੱਚੋਂ ਇੱਕ ਹੈ। ਇਸ ਲਈ ਅੱਜ ਰਾਤ ਸਾਰੇ ਆਸਮਾਨ ਪ੍ਰੇਮੀ ਇਸ ‘ਕੋਲਡ ਸੁਪਰ ਮੂਨ’ ਦਾ ਨਜ਼ਾਰਾ ਦੇਖਣ ਲਈ ਬਾਹਰ ਨਿਕਲਣ।
