21 ਨਵੰਬਰ, 2025 ਅਜ ਦੀ ਆਵਾਜ਼
Business Desk: ਹਫ਼ਤੇ ਦੇ ਆਖਰੀ ਕਾਰੋਬਾਰੀ ਦਿਨ ਭਾਰਤੀ ਸ਼ੇਅਰ ਬਜ਼ਾਰ ਕਮਜ਼ੋਰੀ ਨਾਲ ਖੁੱਲੇ, ਜਿਸ ਨਾਲ ਸੈਂਸੈਕਸ ਅਤੇ ਨਿਫ਼ਟੀ ਦੀ ਦੋ ਦਿਨਾਂ ਦੀ ਚੜ੍ਹਤ ਨੂੰ ਝਟਕਾ ਲੱਗਿਆ। ਵਿਸ਼ਵ ਬਜ਼ਾਰਾਂ ਵਿੱਚ ਵਿਕਰੀ ਦੇ ਦਬਾਅ ਅਤੇ ਅਮਰੀਕੀ ਰੋਜ਼ਗਾਰ ਅੰਕੜਿਆਂ ਨੂੰ ਲੈ ਕੇ ਬਣੀ ਅਣਿਸ਼ਚਿਤਤਾ ਨੇ ਨਿਵੇਸ਼ਕਾਂ ਦੀ ਭਾਵਨਾ ਨੂੰ ਕਮਜ਼ੋਰ ਕੀਤਾ। ਰਿਪੋਰਟਾਂ ਮੁਤਾਬਕ, ਅਸਪਸ਼ਟ ਜੌਬਜ਼ ਡੇਟਾ ਕਾਰਨ ਆਉਣ ਵਾਲੇ ਸਮੇਂ ਵਿੱਚ ਬਿਆਜ ਦਰਾਂ ਦੀ ਦਿਸ਼ਾ ’ਤੇ ਸਵਾਲ ਖੜੇ ਹੋ ਗਏ ਹਨ, ਜਿਸ ਨਾਲ ਏਸ਼ੀਆਈ ਬਜ਼ਾਰਾਂ ਵਿੱਚ ਵੀ ਦਬਾਅ ਵੇਖਣ ਨੂੰ ਮਿਲਿਆ। ਹਾਲਾਂਕਿ ਸ਼ੁਰੂਆਤੀ ਗਿਰਾਵਟ ਦੇ ਬਾਵਜੂਦ ਘਰੇਲੂ ਬੈਂਚਮਾਰਕ ਸੂਚਕ ਅਜੇ ਵੀ ਆਪਣੇ ਰਿਕਾਰਡ ਪੱਧਰਾਂ ਦੇ ਨੇੜੇ ਕਾਇਮ ਹਨ। ਇਸੇ ਦਰਮਿਆਨ, ਅੰਤਰਰਾਸ਼ਟਰੀ ਬਜ਼ਾਰ ਵਿੱਚ ਕੱਚੇ ਤੇਲ ਦੀਆਂ ਕੀਮਤਾਂ ਵਿੱਚ ਨਰਮੀ ਅਤੇ ਐਫਪੀਆਈ ਵੱਲੋਂ ਮਿਲ ਰਹੇ ਨਿਵੇਸ਼ਾਂ ਕਾਰਨ ਰੁਪਏ ਵਿੱਚ ਵੀ ਹਲਕਾ ਸੁਧਾਰ ਦਰਜ ਕੀਤਾ ਗਿਆ। ਸ਼ੁਰੂਆਤੀ ਨੁਕਸਾਨ ਤੋਂ ਉਬਰਦੇ ਹੋਏ ਰੁਪਇਆ ਪੰਜ ਪੈਸੇ ਮਜ਼ਬੂਤ ਹੋ ਕੇ 88.63 ਰੁਪਏ ਪ੍ਰਤੀ ਡਾਲਰ ’ਤੇ ਪਹੁੰਚ ਗਿਆ।
