6November 2025 Aj Di Awaaj
National Desk ਚੁਨਾਰ ਰੇਲਵੇ ਸਟੇਸ਼ਨ ‘ਤੇ ਬੁੱਧਵਾਰ ਸਵੇਰੇ ਇੱਕ ਦਰਦਨਾਕ ਹਾਦਸਾ ਵਾਪਰਿਆ, ਜਦੋਂ ਰੇਲ ਲਾਈਨ ਪਾਰ ਕਰਦਿਆਂ ਨੇਤਾਜੀ ਐਕਸਪ੍ਰੈੱਸ (ਹਾਵੜਾ-ਕਾਲਕਾ ਮੇਲ 12311) ਦੀ ਚਪੇਟ ਵਿੱਚ ਆਉਣ ਕਾਰਨ ਸਕੀਆਂ ਭੈਣਾਂ, ਉਨ੍ਹਾਂ ਦੀ ਚਾਚੀ ਅਤੇ ਚਚੇਰੀ ਭੂਆ ਸਮੇਤ ਛੇ ਮਹਿਲਾ ਸ਼ਰਧਾਲੂਆਂ ਦੀ ਮੌਤ ਹੋ ਗਈ। ਹਾਦਸੇ ਵਿੱਚ ਸਾਰੀਆਂ ਲਾਸ਼ਾਂ ਬੁਰੀ ਤਰ੍ਹਾਂ ਕੁਚਲ ਗਈਆਂ। ਜੀਆਰਪੀ ਅਤੇ ਆਰਪੀਐੱਫ ਟੀਮਾਂ ਨੇ ਲਾਸ਼ਾਂ ਨੂੰ ਇਕੱਠਾ ਕਰਕੇ ਪੋਸਟਮਾਰਟਮ ਲਈ ਭੇਜ ਦਿੱਤਾ। ਇੱਕ ਮਹਿਲਾ ਦੀ ਪਛਾਣ ਅਜੇ ਨਹੀਂ ਹੋ ਸਕੀ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਨੇ ਇਸ ਹਾਦਸੇ ‘ਤੇ ਗਹਿਰਾ ਦੁੱਖ ਜਤਾਇਆ ਹੈ। ਸਰਕਾਰ ਵੱਲੋਂ ਹਰ ਮ੍ਰਿਤਕ ਦੇ ਪਰਿਵਾਰ ਨੂੰ ਦੋ-ਦੋ ਲੱਖ ਰੁਪਏ ਮुआਵਜ਼ਾ ਦੇਣ ਦਾ ਐਲਾਨ ਕੀਤਾ ਗਿਆ ਹੈ।
ਜਾਣਕਾਰੀ ਅਨੁਸਾਰ, ਸੋਨਭੱਦਰ ਤੋਂ ਆ ਰਹੀ ਗੋਮੋ–ਬਰਵਾਡੀਹ–ਪ੍ਰਯਾਗਰਾਜ ਪੈਸੇਂਜਰ ਟਰੇਨ (13309) ਬੁੱਧਵਾਰ ਸਵੇਰੇ ਲਗਭਗ ਸਵਾ ਨੌਂ ਵਜੇ ਚੁਨਾਰ ਰੇਲਵੇ ਸਟੇਸ਼ਨ ਦੇ ਪਲੇਟਫਾਰਮ ਨੰਬਰ ਚਾਰ ‘ਤੇ ਪਹੁੰਚੀ। ਕਤਕ ਪੂਰਨਿਮਾ ਦੇ ਮੌਕੇ ‘ਤੇ ਚੁਨਾਰ ਘਾਟ ‘ਤੇ ਗੰਗਾ ਇਸ਼ਨਾਨ ਕਰਨ ਲਈ ਇਸ ਟਰੇਨ ਰਾਹੀਂ ਲਗਭਗ ਇੱਕ ਹਜ਼ਾਰ ਸ਼ਰਧਾਲੂ ਉੱਥੇ ਉਤਰੇ ਸਨ। ਕੁਝ ਮਹਿਲਾਵਾਂ ਅਤੇ ਬੱਚੇ ਉਲਟੀ ਦਿਸ਼ਾ ਵੱਲ ਉਤਰ ਕੇ ਪਲੇਟਫਾਰਮ ਨੰਬਰ ਤਿੰਨ ‘ਤੇ ਜਾਣ ਲਈ ਰੇਲ ਲਾਈਨ ਪਾਰ ਕਰ ਰਹੇ ਸਨ।
ਇਸੇ ਦੌਰਾਨ, ਚੁਨਾਰ ਸਟੇਸ਼ਨ ‘ਤੇ ਨਾ ਰੁਕਣ ਕਾਰਨ ਨੇਤਾਜੀ ਐਕਸਪ੍ਰੈੱਸ ਰੇਲ ਗੱਡੀ ਕਰੀਬ 100 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਲੰਘ ਰਹੀ ਸੀ ਅਤੇ ਇਸ ਦੀ ਚਪੇਟ ਵਿੱਚ ਆਉਣ ਨਾਲ ਛੇ ਮਹਿਲਾਵਾਂ ਦੀ ਮੌਤ ਹੋ ਗਈ। ਮ੍ਰਿਤਕਾਂ ਵਿੱਚ ਮਿਰਜ਼ਾਪੁਰ ਦੇ ਰਾਜਗੜ੍ਹ ਦੀਆਂ ਸਕੀਆਂ ਭੈਣਾਂ 17 ਸਾਲਾ ਸ਼ਿਵਕੁਮਾਰੀ ਤੇ 14 ਸਾਲਾ ਸਾਧਨਾ, ਉਨ੍ਹਾਂ ਦੀ ਚਾਚੀ ਸਵਿਤਾ ਦੇਵੀ, ਚਚੇਰੀ ਭੂਆ ਅੰਜੂ ਦੇਵੀ, ਸੋਨਭੱਦਰ ਦੀ ਬਸਵਾ ਨਿਵਾਸੀ ਕਲਾਵਤੀ ਅਤੇ ਇਕ ਅਣਪਛਾਤੀ ਮਹਿਲਾ ਸ਼ਰਧਾਲੂ ਸ਼ਾਮਲ ਹਨ।
ਹਾਦਸੇ ਤੋਂ ਬਾਅਦ ਪਲੇਟਫਾਰਮ ‘ਤੇ ਮੌਜੂਦ ਲੋਕ ਦਹਿਸ਼ਤ ਵਿੱਚ ਆ ਗਏ। ਸੂਚਨਾ ਮਿਲਦੇ ਹੀ ਸਟੈਂਪ ਅਤੇ ਟੈਕਸ ਰਾਜ ਮੰਤਰੀ ਰਵਿੰਦਰ ਜੈਸਵਾਲ, ਸਮਾਜ ਭਲਾਈ ਰਾਜ ਮੰਤਰੀ ਸੰਜੀਵ ਕੁਮਾਰ ਗੌਂਡ, ਉੱਤਰ ਮੱਧ ਰੇਲਵੇ ਦੇ ਜੀਐਮ ਨਰੇਸ਼ਪਾਲ ਸਿੰਘ ਅਤੇ ਡੀਆਰਐਮ ਰਜਨੀਸ਼ ਅਗਰਵਾਲ ਮੌਕੇ ‘ਤੇ ਪਹੁੰਚੇ। ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਨੇ ਅਧਿਕਾਰੀਆਂ ਨੂੰ ਪੀੜਤ ਪਰਿਵਾਰਾਂ ਨੂੰ ਹਰ ਸੰਭਵ ਸਹਾਇਤਾ ਦੇਣ ਦੇ ਨਿਰਦੇਸ਼ ਦਿੱਤੇ ਹਨ।
 ਦੀ ਚਪੇਟ ਵਿੱਚ){kind=link}