ਰੋਹਤਕ: 26 Nov 2025 AJ DI Awaaj
Haryana Desk : ਰੋਹਤਕ ਦੇ ਲਖਨਮਾਜਰਾ ਬਲਾਕ ਵਿੱਚ ਸੋਮਵਾਰ ਸਵੇਰੇ ਇੱਕ ਦਰਦਨਾਕ ਹਾਦਸੇ ਨੇ ਸਭ ਨੂੰ ਹਿਲਾ ਕੇ ਰੱਖ ਦਿੱਤਾ। ਰਾਸ਼ਟਰੀ ਪੱਧਰ ਦਾ 16 ਸਾਲਾ ਬਾਸਕਟਬਾਲ ਖਿਡਾਰੀ ਹਾਰਦਿਕ ਅਭਿਆਸ ਦੌਰਾਨ ਬਾਸਕਟਬਾਲ ਦੇ ਲਗਭਗ 750 ਕਿਲੋਗ੍ਰਾਮ ਭਾਰ ਵਾਲੇ ਖੰਭੇ ਦੇ ਡਿੱਗਣ ਨਾਲ ਮੌ*ਤ ਦਾ ਸ਼ਿਕਾਰ ਹੋ ਗਿਆ।
ਮੁੱਢਲੀ ਜਾਂਚ ਅਨੁਸਾਰ, ਹਾਦਸਾ ਉਸ ਵੇਲੇ ਵਾਪਰਿਆ ਜਦੋਂ ਹਾਰਦਿਕ ਵਾਰਮਅੱਪ ਤੋਂ ਬਾਅਦ ਰਿੰਗ ਵੱਲ ਦੌੜਿਆ ਅਤੇ ਖੰਭੇ ਨਾਲ ਲਟਕ ਗਿਆ। ਖੰਭਾ ਪਹਿਲਾਂ ਹੀ ਕਮਜ਼ੋਰ ਸੀ ਅਤੇ ਉਹ ਲਟਕਦੇ ਹੀ ਆਪਣੀ ਜਗ੍ਹਾ ਤੋਂ ਉਖੜ ਕੇ ਸੀਧਾ ਹਾਰਦਿਕ ਦੀ ਛਾਤੀ ‘ਤੇ ਡਿੱਗ ਪਿਆ। ਉਸਦੇ ਸਾਥੀਆਂ ਨੇ ਤੁਰੰਤ ਮਦਦ ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ ਉਹ ਬੇਹੋਸ਼ ਹੋ ਗਿਆ ਸੀ। ਹਸਪਤਾਲ ਪਹੁੰਚਣ ‘ਤੇ ਡਾਕਟਰਾਂ ਨੇ ਉਸਨੂੰ ਮ੍ਰਿ*ਤਕ ਘੋਸ਼ਿਤ ਕਰ ਦਿੱਤਾ।
ਹਾਰਦਿਕ ਲਖਨਮਾਜਰਾ ਦਾ ਰਹਿਣ ਵਾਲਾ ਅਤੇ 10ਵੀਂ ਜਮਾਤ ਦਾ ਵਿਦਿਆਰਥੀ ਸੀ। ਉਸਦੇ ਪਿਤਾ ਸੰਦੀਪ ਐਫ.ਸੀ.ਆਈ. ਵਿੱਚ ਨੌਕਰੀ ਕਰਦੇ ਹਨ। ਪਰਿਵਾਰ ਦੇ ਅਨੁਸਾਰ, ਹਾਰਦਿਕ ਨੇ ਕਈ ਰਾਸ਼ਟਰੀ ਮੁਕਾਬਲਿਆਂ ਵਿੱਚ ਤਗਮੇ ਜਿੱਤੇ ਸਨ—ਕਾਂਗੜਾ ਦੇ ਸਬ-ਜੂਨੀਅਰ ਨੈਸ਼ਨਲਜ਼ ਵਿੱਚ ਚਾਂਦੀ ਅਤੇ ਹੈਦਰਾਬਾਦ ਤੇ ਪੁਡੂਚੇਰੀ ਦੇ ਸਮਾਗਮਾਂ ਵਿੱਚ ਕਾਂਸੀ।
ਉਸਦੀ ਅਚਾਨਕ ਮੌ*ਤ ਨਾਲ ਪਰਿਵਾਰ ਅਤੇ ਪਿੰਡ ਵਿੱਚ ਗਹਿਰਾ ਸੋਗ ਹੈ, ਜਦਕਿ ਬਾਸਕਟਬਾਲ ਸਮੂਹ ਵਿੱਚ ਵੀ ਇਹ ਹਾਦਸਾ ਚਿੰਤਾ ਦਾ ਵਿਸ਼ਾ ਬਣਿਆ ਹੋਇਆ ਹੈ।
