ਅੱਜ ਦੀ ਆਵਾਜ਼ | 2 ਮਈ 2025
ਦਿੱਲੀ ‘ਚ ਮੀਂਹ ਤੇ ਤੂਫ਼ਾਨ ਨੇ ਮਚਾਈ ਤਬਾਹੀ: ਨਜਫਗੜ੍ਹ ‘ਚ ਘਰ ਢਿਹਣ ਕਾਰਨ ਮਾਂ ਤੇ ਤਿੰਨ ਬੱਚਿਆਂ ਦੀ ਮੌ*ਤ, ਪਤੀ ਜ਼ਖ਼ਮੀ
ਨਵੀਂ ਦਿੱਲੀ – ਸ਼ੁੱਕਰਵਾਰ ਸਵੇਰੇ ਦਿੱਲੀ-ਐਨਸੀਆਰ ਵਿੱਚ ਆਏ ਤੀਬਰ ਤੂਫ਼ਾਨ ਅਤੇ ਮੀਂਹ ਨੇ ਜਿੱਥੇ ਇੱਕ ਪਾਸੇ ਲੂ ਦੀ ਲਹਿਰ ਤੋਂ ਰਾਹਤ ਦਿੱਤੀ, ਉੱਥੇ ਹੀ ਦੂਜੇ ਪਾਸੇ ਕਈ ਥਾਵਾਂ ‘ਤੇ ਪਾਣੀ ਭਰਨ ਅਤੇ ਟ੍ਰੈਫਿਕ ਜਾਮ ਵਰਗੀਆਂ ਸਮੱਸਿਆਵਾਂ ਪੈਦਾ ਕਰ ਦਿੱਤੀਆਂ।
ਇਸ ਤੂਫ਼ਾਨ ਦੌਰਾਨ ਦਿੱਲੀ ਦੇ ਨਜਫਗੜ੍ਹ ਖੇਤਰ ਦੇ ਖਰਖਰੀ ਨਗਰ ਪਿੰਡ ‘ਚ ਇੱਕ ਘਰ ਢਿਹ ਜਾਣ ਕਾਰਨ 26 ਸਾਲਾ ਔਰਤ ਅਤੇ ਉਸ ਦੇ ਤਿੰਨ ਨਾਬਾਲਿਗ ਬੱਚਿਆਂ ਦੀ ਮੌਤ ਹੋ ਗਈ, ਜਦਕਿ ਪਤੀ ਜ਼ਖ਼ਮੀ ਹੋ ਗਿਆ। ਪੁਲਿਸ ਅਧਿਕਾਰੀਆਂ ਮੁਤਾਬਕ, ਇਹ ਹਾਦਸਾ ਸ਼ੁੱਕਰਵਾਰ ਸਵੇਰੇ ਹੋਇਆ।
ਇੱਕ ਸੀਨੀਅਰ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਉਨ੍ਹਾਂ ਦੇ ਕੰਟਰੋਲ ਰੂਮ ਨੂੰ ਸਵੇਰੇ 5:26 ਵਜੇ ਖਰਖਰੀ ਨਗਰ ਪਿੰਡ, ਜਫ਼ਰਪੁਰ ਕਲਾਂ ‘ਚ ਇਕ ਢਾਹ ਜਾਣ ਵਾਲੀ ਇਮਾਰਤ ਬਾਰੇ ਸੂਚਨਾ ਮਿਲੀ। ਪੁਲਿਸ ਅਤੇ ਦਿੱਲੀ ਫਾਇਰ ਸਰਵਿਸ ਦੀ ਟੀਮ ਮੌਕੇ ‘ਤੇ ਪਹੁੰਚੀ ਤਾਂ ਪਤਾ ਲੱਗਾ ਕਿ ਟਿਊਬਵੈੱਲ ਦੇ ਨੇੜੇ ਇਕ ਕਮਰੇ ਉੱਤੇ ਦਰਖ਼ਤ ਢਹਿ ਗਿਆ ਸੀ, ਜਿਸ ਕਾਰਨ ਪੂਰਾ ਢਾਂਚਾ ਢਹਿ ਗਿਆ।
ਮਹਿਲਾ ਅਤੇ ਉਸ ਦੇ ਤਿੰਨ ਬੱਚੇ ਮਲਬੇ ਹੇਠਾਂ ਮਿਲੇ, ਜਦਕਿ ਪਤੀ ਨੂੰ ਜ਼ਖ਼ਮ ਆਏ ਹਨ ਪਰ ਉਹ ਬਚ ਗਿਆ। ਪੁਲਿਸ ਅਨੁਸਾਰ ਸਾਰੇ ਸ਼ਵਾਂ ਨੂੰ ਪੋਸਟਮਾਰਟਮ ਲਈ ਸ਼ਹਿਰੀ ਮੋਰਚਰੀ ਭੇਜ ਦਿੱਤਾ ਗਿਆ ਹੈ ਅਤੇ ਅੱਗੇ ਦੀ ਜਾਂਚ ਜਾਰੀ ਹੈ। ਦਵਾਰਕਾ ਦੇ ਡਿਪਟੀ ਕਮਿਸ਼ਨਰ ਆਫ਼ ਪੁਲਿਸ ਅੰਕਿਤ ਸਿੰਘ ਨਾਲ ਸੰਪਰਕ ਨਹੀਂ ਹੋ ਸਕਿਆ,
ਇਸ ਤੀਬਰ ਮੌਸਮੀ ਮਾਰ ਨੇ ਸਵੇਰੇ ਸ਼ਹਿਰ ਦੇ ਕਈ ਹਿੱਸਿਆਂ ਵਿੱਚ ਭਾਰੀ ਪਾਣੀ ਭਰਨ ਦੀ ਸਥਿਤੀ ਪੈਦਾ ਕਰ ਦਿੱਤੀ ਅਤੇ ਟ੍ਰੈਫਿਕ ਘੰਟਿਆਂ ਤੱਕ ਅਟਕਿਆ ਰਿਹਾ। ਇਸ ਤੋਂ ਇਲਾਵਾ, ਦਿੱਲੀ ਦੇ ਇੰਦਿਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ‘ਤੇ ਵੀ ਕਾਰਜ ਪ੍ਰਭਾਵਿਤ ਹੋਏ, ਜਿੱਥੇ ਕਮ ਤੋਂ ਕਮ 3 ਫਲਾਈਟਾਂ ਨੂੰ ਡਾਈਵਰਟ ਕਰਨਾ ਪਿਆ ਅਤੇ 100 ਤੋਂ ਵੱਧ ਉਡਾਣਾਂ ਵਿੱਚ ਦੇਰੀ ਹੋਈ।
