ਅੱਜ ਦੀ ਆਵਾਜ਼ | 09 ਅਪ੍ਰੈਲ 2025
ਪਾਣੀਪਤ ਸੈਕਟਰ 29 ਥਾਣਾ ਖੇਤਰ ਦੀ ਇੱਕ ਕਲੋਨੀ ਵਿੱਚ ਰਹਿਣ ਵਾਲੀ ਮਹਿਲਾ ਨੇ ਆਪਣੇ ਪਤੀ ‘ਤੇ ਗੰਭੀਰ ਦੋਸ਼ ਲਾਏ ਹਨ। ਮਹਿਲਾ ਦਾ ਕਹਿਣਾ ਹੈ ਕਿ ਉਸਦਾ ਪਤੀ ਜੂਏ ਅਤੇ ਨਸ਼ੇ ਦਾ ਆਦੀ ਹੈ ਤੇ ਬਾਹਰ ਕਾਫੀ ਕਰਜ਼ਾ ਹੋਣ ਕਰਕੇ ਉਹ ਉਸਨੂੰ ਵੇਸਵਾਗਮਨੀ ਵੱਲ ਧੱਕਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਮਹਿਲਾ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਵਿੱਚ ਦੱਸਿਆ ਕਿ ਉਸਦਾ ਵਿਆਹ 9 ਸਾਲ ਪਹਿਲਾਂ ਧਾਨਸਿੰਘ ਨਗਰ ਦੇ ਇਕ ਵਿਅਕਤੀ ਨਾਲ ਹੋਇਆ ਸੀ। ਵਿਆਹ ਤੋਂ ਕੁਝ ਸਮੇਂ ਬਾਅਦ ਹੀ ਪਤਾ ਲੱਗ ਗਿਆ ਕਿ ਪਤੀ ਜੂਆ ਖੇਡਣ ਅਤੇ ਸ਼ਰਾਬ ਪੀਣ ਦਾ ਆਦੀ ਹੈ। ਉਹ ਉਸਨੂੰ ਰੋਜ਼ਾਨਾ ਮਾਰਦਾ ਸੀ। ਵਿਆਹ ਦੇ 5 ਸਾਲਾਂ ਬਾਅਦ ਉਹ ਮਾਂ ਨਹੀਂ ਬਣ ਸਕੀ। ਪਤੀ ਨੇ ਕਰਜ਼ਾ ਵਾਪਸ ਕਰਨ ਲਈ ਉਸਤੇ ਵੇਸਵਾਗਮਨੀ ਲਈ ਦਬਾਅ ਬਣਾਉਣਾ ਸ਼ੁਰੂ ਕਰ ਦਿੱਤਾ। ਉਹ ਨੰਗੇ ਕਰਕੇ ਉਸਦਾ ਨਿਰਾਦਰ ਕਰਦਾ ਤੇ ਅਣਜਾਣ ਲੋਕਾਂ ਨੂੰ ਘਰ ਲਿਆਉਂਦਾ ਸੀ। ਇਨਕਾਰ ਕਰਨ ‘ਤੇ ਕੁੱਟਮਾਰ ਕਰਦਾ ਅਤੇ ਘਰੋਂ ਕੱਢ ਦੇਂਦਾ।
ਮਹਿਲਾ ਪਿਛਲੇ 4 ਸਾਲ ਤੋਂ ਆਪਣੇ ਮਾਮੇ ਦੇ ਕੋਲ ਰਹਿ ਰਹੀ ਹੈ। ਅਕਤੂਬਰ 2024 ਵਿੱਚ ਉਸਨੇ ਪੁਲਿਸ ਨੂੰ ਸ਼ਿਕਾਇਤ ਦਿੱਤੀ ਸੀ, ਪਰ ਅਧਿਕਾਰੀ ਨੇ ਉਲਟ ਉਸਨੂੰ ਅਦਾਲਤ ਵਿੱਚ ਕਾਗਜ਼ ‘ਤੇ ਅੰਗੂਠਾ ਲਗਵਾਕੇ ਨਿਆਂ ਦੀ ਥਾਂ ਇੱਕ ਝੂਠੇ ਸਮਝੌਤੇ ਵੱਲ ਮਜਬੂਰ ਕੀਤਾ। ਮਹਿਲਾ ਦਾ ਦੋਸ਼ ਹੈ ਕਿ ਜਾਂਚ ਅਧਿਕਾਰੀ ਨੇ ਸੱਸ ਨਾਲ ਮਿਲੀਭੁਗਤ ਕਰਕੇ ਉਸਦੇ ਪਤੀ ਨੂੰ ਛੱਡ ਦਿੱਤਾ। ਹੁਣ ਮਹਿਲਾ ਫਿਰ ਤੋਂ ਨਿਆਂ ਦੀ ਮੰਗ ਕਰ ਰਹੀ ਹੈ।
