15 ਦਸੰਬਰ, 2025 ਅਜ ਦੀ ਆਵਾਜ਼
Sports Desk: ਪਾਕਿਸਤਾਨ ਕ੍ਰਿਕਟ ਬੋਰਡ (PCB) ਨੇ ਅਧਿਕਾਰਿਕ ਤੌਰ ’ਤੇ ਐਲਾਨ ਕਰ ਦਿੱਤਾ ਹੈ ਕਿ ਪਾਕਿਸਤਾਨ ਸੁਪਰ ਲੀਗ (PSL) ਦਾ 11ਵਾਂ ਸੰਸਕਰਨ 26 ਮਾਰਚ ਤੋਂ 3 ਮਈ 2026 ਤੱਕ ਖੇਡਿਆ ਜਾਵੇਗਾ। ਇਸ ਨਾਲ ਇੱਕ ਵਾਰ ਫਿਰ PSL ਦਾ ਸ਼ਡਿਊਲ ਇੰਡੀਅਨ ਪ੍ਰੀਮੀਅਰ ਲੀਗ (IPL) ਨਾਲ ਟਕਰਾਏਗਾ। PCB ਨੇ ਇਹ ਫੈਸਲਾ ਪਾਕਿਸਤਾਨ ਦੀਆਂ ਅੰਤਰਰਾਸ਼ਟਰੀ ਕ੍ਰਿਕਟ ਵਚਨਬੱਧਤਾਵਾਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਲਿਆ ਹੈ।
PCB ਦੇ ਚੇਅਰਮੈਨ ਮੋਹਸਿਨ ਨਕਵੀ ਨੇ ਨਿਊਯਾਰਕ ਵਿੱਚ ਹੋਏ PSL ਰੋਡ ਸ਼ੋਅ ਦੌਰਾਨ ਇਸ ਦੀ ਪੁਸ਼ਟੀ ਕੀਤੀ। ਉਨ੍ਹਾਂ ਦੱਸਿਆ ਕਿ ਲੀਗ ਦੌਰਾਨ ਪਾਕਿਸਤਾਨ ਦੀਆਂ ਅੰਤਰਰਾਸ਼ਟਰੀ ਸੀਰੀਜ਼ਾਂ ਦੇ ਸ਼ਡਿਊਲ ਨੂੰ ਅਨੁਕੂਲ ਕੀਤਾ ਜਾਵੇਗਾ। ਇਸ ਵਿੱਚ ਮਾਰਚ-ਅਪ੍ਰੈਲ ਵਿੱਚ ਬੰਗਲਾਦੇਸ਼ ਦੌਰਾ ਵੀ ਸ਼ਾਮਲ ਹੈ, ਜਿੱਥੇ ਪਾਕਿਸਤਾਨ ਨੂੰ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦੇ ਦੋ ਟੈਸਟ ਮੈਚਾਂ ਦੇ ਨਾਲ ਤਿੰਨ ਵਨ-ਡੇ ਅਤੇ ਤਿੰਨ ਟੀ-20 ਅੰਤਰਰਾਸ਼ਟਰੀ ਮੈਚ ਖੇਡਣੇ ਹਨ।
ਆਮ ਤੌਰ ’ਤੇ IPL ਮਾਰਚ ਦੇ ਆਖ਼ਰੀ ਹਫ਼ਤੇ ਸ਼ੁਰੂ ਹੁੰਦੀ ਹੈ ਅਤੇ ਮਈ ਦੇ ਅੰਤ ਤੱਕ ਚੱਲਦੀ ਹੈ। ਅਜਿਹੇ ਵਿੱਚ ਇਹ ਲਗਾਤਾਰ ਦੂਜਾ ਸਾਲ ਹੋਵੇਗਾ, ਜਦੋਂ ਦੋਵਾਂ ਵੱਡੀਆਂ ਟੀ-20 ਲੀਗਾਂ ਦੇ ਪ੍ਰੋਗਰਾਮ ਇੱਕ ਦੂਜੇ ਨਾਲ ਟਕਰਾਉਣਗੇ। ਨਕਵੀ ਨੇ ਨਾਲ ਹੀ ਇਹ ਵੀ ਦੱਸਿਆ ਕਿ PSL ਵਿੱਚ ਸ਼ਾਮਲ ਹੋਣ ਵਾਲੀਆਂ ਦੋ ਨਵੀਆਂ ਫਰੈਂਚਾਇਜ਼ੀਆਂ ਦੀ ਨੀਲਾਮੀ 8 ਜਨਵਰੀ ਨੂੰ ਕੀਤੀ ਜਾਵੇਗੀ।
ਪਿਛਲੇ ਸੀਜ਼ਨ ਦੀ ਤਰ੍ਹਾਂ ਇਸ ਵਾਰ ਵੀ PSL ਮਾਰਚ ਵਿੰਡੋ ਵਿੱਚ ਕਰਵਾਈ ਜਾ ਰਹੀ ਹੈ। ਇਸ ਤੋਂ ਪਹਿਲਾਂ ਲੀਗ ਦੇ ਪਹਿਲੇ ਨੌਂ ਐਡੀਸ਼ਨ ਫਰਵਰੀ-ਮਾਰਚ ਵਿੱਚ ਆਯੋਜਿਤ ਹੋਏ ਸਨ, ਪਰ ICC ਟੀ-20 ਵਰਲਡ ਕੱਪ ਅਤੇ ਚੈਂਪੀਅਨਜ਼ ਟਰਾਫੀ ਕਾਰਨ ਸ਼ਡਿਊਲ ਵਿੱਚ ਬਦਲਾਅ ਕਰਨਾ ਪਿਆ। ਆਉਣ ਵਾਲਾ ਟੀ-20 ਵਰਲਡ ਕੱਪ ਭਾਰਤ ਅਤੇ ਸ਼੍ਰੀਲੰਕਾ ਦੀ ਸਾਂਝੀ ਮੇਜ਼ਬਾਨੀ ਵਿੱਚ ਹੋਣਾ ਹੈ।
ਗੌਰਤਲਬ ਹੈ ਕਿ ਲਾਹੌਰ ਕਲੰਦਰਜ਼ ਮੌਜੂਦਾ PSL ਚੈਂਪੀਅਨ ਹਨ। 2025 ਦੇ ਫਾਈਨਲ ਵਿੱਚ ਲਾਹੌਰ ਨੇ ਕਵੇਟਾ ਗਲੈਡੀਏਟਰਜ਼ ਨੂੰ ਹਰਾਕੇ ਖ਼ਿਤਾਬ ਆਪਣੇ ਨਾਮ ਕੀਤਾ ਸੀ। ਇਹ ਲਾਹੌਰ ਦਾ ਚਾਰ ਸੀਜ਼ਨਾਂ ਵਿੱਚ ਤੀਜਾ ਖ਼ਿਤਾਬ ਸੀ।
2026 ਤੋਂ PSL ਦਾ ਵਿਸਥਾਰ ਵੀ ਕੀਤਾ ਜਾਵੇਗਾ। ਲੀਗ ਹੁਣ ਛੇ ਦੀ ਥਾਂ ਅੱਠ ਟੀਮਾਂ ਦੀ ਹੋਵੇਗੀ। PCB ਨੇ ਫੈਸਲਾਬਾਦ, ਰਾਵਲਪਿੰਡੀ, ਹੈਦਰਾਬਾਦ, ਸਿਆਲਕੋਟ, ਮੁਜ਼ੱਫਰਾਬਾਦ ਅਤੇ ਗਿਲਗਿਤ ਨੂੰ ਸੰਭਾਵੀ ਮੇਜ਼ਬਾਨ ਸ਼ਹਿਰਾਂ ਵਜੋਂ ਸ਼ਾਰਟਲਿਸਟ ਕੀਤਾ ਹੈ। ਫਰੈਂਚਾਇਜ਼ੀ ਦੀ ਨੀਲਾਮੀ 8 ਜਨਵਰੀ 2026 ਨੂੰ ਕਰਵਾਈ ਜਾਵੇਗੀ।
 ਨੇ ਅਧਿਕਾਰਿਕ ਤੌਰ ’ਤੇ ਐਲਾਨ ਕਰ ਦਿੱਤਾ ਹੈ ਕਿ ਪਾਕਿਸਤਾਨ ਸੁਪਰ ਲੀਗ (PSL) ਦਾ 11ਵਾਂ ਸੰਸਕਰਨ 26 ਮਾਰਚ ਤੋਂ 3 ਮਈ 2026 ਤੱਕ ਖੇਡਿਆ){kind=link}