04 ਦਸੰਬਰ, 2025 ਅਜ ਦੀ ਆਵਾਜ਼
Health Desk: ਆਮ ਜੀਵਨ ਦੀ ਭੱਜ-ਦੌੜ ਵਿੱਚ ਅਕਸਰ ਤਣਾਅ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਹ ਤਣਾਅ ਨਾ ਸਿਰਫ਼ ਪਰਿਵਾਰਕ ਜਾਂ ਸਮਾਜਿਕ ਕਾਰਨਾਂ ਕਰਕੇ ਹੁੰਦਾ ਹੈ, ਸਗੋਂ ਛੋਟੀਆਂ-ਛੋਟੀਆਂ ਗੱਲਾਂ ਵਜੋਂ ਵੀ ਪੈਦਾ ਹੋ ਸਕਦਾ ਹੈ। ਇਸ ਨਾਲ ਨਕਾਰਾਤਮਿਕ ਵਿਚਾਰ ਜਨਮ ਲੈਂਦੇ ਹਨ, ਜੋ ਡਿਪ੍ਰੈਸ਼ਨ ਅਤੇ ਚਿੰਤਾ ਵਰਗੀਆਂ ਮਾਨਸਿਕ ਬਿਮਾਰੀਆਂ ਵੱਲ ਲੈ ਜਾਂਦੇ ਹਨ।
ਮਾਹਿਰਾਂ ਅਨੁਸਾਰ, ਮੂਡ ਬੂਸਟ ਕਰਨ ਲਈ ਹੈਪੀ ਹਾਰਮੋਨ, ਆਕਸੀਟੋਸਿਨ ਅਤੇ ਐਸਟ੍ਰੋਜਨ ਅਹਿਮ ਹੁੰਦੇ ਹਨ। ਇਹ ਹਾਰਮੋਨ ਸਕਾਰਾਤਮਿਕ ਸੋਚ ਅਤੇ ਰਵੱਈਏ ਨਾਲ ਦਿਮਾਗ਼ ਵਿੱਚ ਰਿਲੀਜ਼ ਹੁੰਦੇ ਹਨ, ਸਰੀਰ ਵਿੱਚ ਊਰਜਾ ਵੰਡਦੇ ਹਨ ਅਤੇ ਤਣਾਅ ਘਟਾਉਂਦੇ ਹਨ। ਮਾਨਸਿਕ ਤੰਦਰੁਸਤੀ ਲਈ ਖੁਸ਼ ਰਹਿਣ ਦੀ ਆਦਤ ਪਾਉਣੀ ਜ਼ਰੂਰੀ ਹੈ।
ਮਾਹਿਰਾਂ ਦੇ ਸੁਝਾਅ ਤਣਾਅ ਘਟਾਉਣ ਅਤੇ ਖੁਸ਼ ਰਹਿਣ ਲਈ:
-
ਯੋਜਨਾ ਬਣਾਓ: ਦਿਨ ਦੇ ਕੰਮਾਂ ਦੀ ਸੂਚੀ ਬਣਾਓ ਅਤੇ ਪਹਿਲ ਦੇ ਆਧਾਰ ‘ਤੇ ਕੰਮ ਪੂਰੇ ਕਰੋ।
-
ਕੁਦਰਤ ਨਾਲ ਜੁੜੋ: ਸਵੇਰੇ-ਸ਼ਾਮ 10-15 ਮਿੰਟ ਟਹਿਲੋ, ਪਾਰਕ ਜਾਂ ਘਰ ਦੇ ਬਗ਼ੀਚੇ ਵਿੱਚ ਕੁਦਰਤ ਦਾ ਆਨੰਦ ਲਵੋ।
-
ਹਾਂ-ਪੱਖੀ ਸੋਚੋ: ਨਕਾਰਾਤਮਿਕ ਵਿਚਾਰਾਂ ਨੂੰ ਕਾਗਜ਼ ‘ਤੇ ਲਿਖੋ, ਨਵੇਂ ਵਿਚਾਰਾਂ ਨੂੰ ਪ੍ਰਗਟ ਕਰੋ।
-
ਘੱਟ ਮਿੱਠਾ ਖਾਓ: ਚਾਕਲੇਟ ਜਾਂ ਸਨੈਕ ਮਾਤਰਾ ਵਿਚ ਹੀ ਲਵੋ।
-
ਪਸੰਦੀਦਾ ਸੰਗੀਤ ਸੁਣੋ: ਸਟ੍ਰੈੱਸ ਘਟਾਉਣ ਵਿੱਚ ਮਦਦਗਾਰ।
-
ਮਨ ਦੀ ਕਰੋ: ਹੌਬੀ ਜਾਂ ਕ੍ਰੀਏਟਿਵ ਕੰਮ ਕਰੋ, ਜਿਵੇਂ ਪੇਂਟਿੰਗ, ਪੜ੍ਹਾਈ, ਫੈਸ਼ਨ ਡਿਜ਼ਾਈਨ, ਕੁਕਿੰਗ।
-
ਸਾਹ ਦੀ ਕਸਰਤ: 10-15 ਮਿੰਟ ਰੋਜ਼ਾਨਾ ਡੂੰਘੇ ਸਾਹ ਲੈ ਕੇ ਯੋਗ ਕਰੋ।
-
ਭਰਪੂਰ ਨੀਂਦ: ਛੋਟੀਆਂ ਪਰ ਡੂੰਘੀਆਂ ਨੀਂਦਾਂ ਦਿਨ ਵਿੱਚ ਲਵੋ।
-
ਕਸਰਤ ਕਰੋ: 20-30 ਮਿੰਟ ਰੋਜ਼ਾਨਾ ਜਾਗਿੰਗ ਜਾਂ ਪਾਰਕ ਵਿੱਚ ਐਕਟੀਵਿਟੀਜ਼ ਕਰੋ।
-
ਖੁੱਲ੍ਹ ਕੇ ਹੱਸੋ: ਹੱਸਣਾ ਦਿਮਾਗ਼ ਵਿੱਚ ਐਂਡੋਫਰਿਨ ਹਾਰਮੋਨ ਰਿਲੀਜ਼ ਕਰਦਾ ਹੈ।
-
ਹਰਬਲ ਚਾਹ ਪੀਓ: ਹਰਬਲ ਚਾਹ ਜਾਂ ਸੰਤਰੇ ਦਾ ਜੂਸ ਪੀਓ, ਸਰੀਰ ਨੂੰ ਹਾਈਡ੍ਰੇਟ ਰੱਖੋ।
-
ਦੋਸਤਾਂ ਨਾਲ ਗੱਲਬਾਤ: ਕਰੀਬੀ ਦੋਸਤਾਂ ਨਾਲ ਸਮਾਂ ਬਿਤਾਓ, ਤਣਾਅ ਘਟਦਾ ਹੈ।
-
ਸਮਾਜਿਕ ਬਣੋ: ਪਰਿਵਾਰਕ ਤੇ ਦੋਸਤਾਂ ਨਾਲ ਰਿਸ਼ਤੇ ਮਜ਼ਬੂਤ ਕਰੋ, ਸਮੱਸਿਆਵਾਂ ਸਾਂਝੀਆਂ ਕਰੋ।
ਇਹ ਛੋਟੇ-ਛੋਟੇ ਕਦਮ ਮਾਨਸਿਕ ਤੰਦਰੁਸਤੀ ਵਿੱਚ ਵੱਡਾ ਫਰਕ ਪੈਦਾ ਕਰਦੇ ਹਨ ਅਤੇ ਤਣਾਅ-ਮੁਕਤ ਜੀਵਨ ਜੀਣ ਵਿੱਚ ਮਦਦਗਾਰ ਹੁੰਦੇ ਹਨ।
