ਅੱਜ ਦੀ ਆਵਾਜ਼ | 1 ਮਈ 2025
ਗ੍ਰੇਟਰ ਨੋਇਡਾ ਵਿੱਚ ਪਾਕਿਸਤਾਨ ਤੋਂ ਆਈ ਸੀਮਾ ਹੈਦਰ ਅਤੇ ਉਸਦੇ ਪਤੀ ਸਚਿਨ ਮੀਣਾ ਦੇ ਪੜੋਸੀ ਮਿਥਿਲੇਸ਼ ਭਾਟੀ ਦਰਮਿਆਨ ਹਾਲ ਹੀ ਵਿੱਚ ਇੱਕ ਟੀਵੀ ਸ਼ੋਅ ਦੌਰਾਨ ਤੀਖੀ ਨੋਕਝੋਂਕ ਹੋਈ। ਮਿਥਿਲੇਸ਼ ਨੇ ਸਚਿਨ ਨੂੰ “ਲੱਪੂ ਸਾ” ਅਤੇ “ਝੀੰਗੁਰ ਸਾ ਲੜਕਾ” ਕਹਿ ਕੇ ਉਸ ਦੀ ਸ਼ਰੀਰੀਕ ਬਣਾਵਟ ਦਾ ਮਜ਼ਾਕ ਉਡਾਇਆ, ਜਿਸਦਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਗਿਆ।
ਇਸ ‘ਤੇ ਸੀਮਾ ਹੈਦਰ ਨੇ ਸਖਤ ਰਵੱਈਆ ਅਪਣਾਉਂਦੇ ਹੋਏ ਕਿਹਾ ਕਿ ਉਹ ਆਪਣੇ ਪਤੀ ਬਾਰੇ ਅਜਿਹੀਆਂ ਟਿੱਪਣੀਆਂ ਬਿਲਕੁਲ ਵੀ ਬਰਦਾਸ਼ਤ ਨਹੀਂ ਕਰੇਗੀ। ਸੀਮਾ ਦੇ ਵਕੀਲ ਏਪੀ ਸਿੰਘ ਨੇ ਕਿਹਾ ਕਿ ਮਿਥਿਲੇਸ਼ ਦੀ ਟਿੱਪਣੀ ਨਾ ਸਿਰਫ਼ ਸਚਿਨ ਦਾ ਅਪਮਾਨ ਹੈ, ਬਲਕਿ ਇਹ ਦੇਸ਼ ਦੇ ਹਰ ਪਤੀ ਦਾ ਅਪਮਾਨ ਹੈ। ਉਨ੍ਹਾਂ ਕਿਹਾ ਕਿ ਮਾਮਲੇ ਵਿੱਚ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ ਅਤੇ ਮਿਥਿਲੇਸ਼ ਨੂੰ ਮਾਨਹਾਨੀ ਦਾ ਨੋਟਿਸ ਭੇਜਿਆ ਜਾਵੇਗਾ।
ਦੂਜੇ ਪਾਸੇ, ਮਿਥਿਲੇਸ਼ ਭਾਟੀ ਨੇ ਆਪਣੀ ਟਿੱਪਣੀ ‘ਤੇ ਸਫਾਈ ਦਿੰਦਿਆਂ ਕਿਹਾ ਕਿ ਉਹ ਗੁੱਸੇ ਵਿੱਚ ਇਹ ਸ਼ਬਦ ਕਹਿ ਗਈ ਸੀ ਅਤੇ ਉਸਦਾ ਕਿਸੇ ਦਾ ਅਪਮਾਨ ਕਰਨ ਦਾ ਇਰਾਦਾ ਨਹੀਂ ਸੀ। ਉਸਨੇ ਇਹ ਵੀ ਕਿਹਾ ਕਿ ਉਸਦੇ ਇਲਾਕੇ ਵਿੱਚ ਅਜਿਹੀ ਬੋਲੀ ਆਮ ਗੱਲ ਹੈ ਅਤੇ ਲੋਕ ਉਸਨੂੰ ਵੀ “ਲੱਪੀ” ਕਹਿੰਦੇ ਹਨ, ਪਰ ਇਸਦਾ ਮਤਲੱਬ ਇਹ ਨਹੀਂ ਕਿ ਉਹ ਲੱਪੀ ਬਣ ਗਈ।ਇਸ ਵਿਵਾਦ ਤੋਂ ਬਾਅਦ ਮਿਥਿਲੇਸ਼ ਦੀ ਮਾਂ ਨੇ ਵੀ ਮੀਡੀਆ ਅੱਗੇ ਕਿਹਾ ਕਿ ਜੇ ਸੀਮਾ ਹੈਦਰ ਉਨ੍ਹਾਂ ਦੇ ਮੁਹੱਲੇ ਵਿੱਚ ਆਈ, ਤਾਂ ਉਹ ਉਸਨੂੰ “ਜੂਤਿਆਂ ਨਾਲ ਭਜਾ ਦੇਣਗੀਆਂ” ਅਤੇ ਉਹ ਸਰਕਾਰ ਦੀ ਉਡੀਕ ਨਹੀਂ ਕਰਨਗੀਆਂ। ਹੁਣ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਸੀਮਾ ਹੈਦਰ ਅਤੇ ਉਹਦੇ ਵਕੀਲ ਅਗਲੇ ਪਗ ਕਿਹੜੇ ਚੁਕਦੇ ਹਨ ਅਤੇ ਕੀ ਮਿਥਿਲੇਸ਼ ਭਾਟੀ ਵਿਰੁੱਧ ਕੋਈ ਕਾਨੂੰਨੀ ਕਾਰਵਾਈ ਹੁੰਦੀ ਹੈ ਜਾਂ ਨਹੀਂ।
