ਅੱਜ ਦੀ ਆਵਾਜ਼ | 29 ਅਪ੍ਰੈਲ 2025
ਭੁੱਖ ਨਾ ਲੱਗਣ ਪਿੱਛੇ ਹੋ ਸਕਦੀ ਹੈ ਵਿਟਾਮਿਨ B1 ਦੀ ਕਮੀ – ਜਾਣੋ ਲੱਛਣ, ਕਾਰਨ ਤੇ ਇਲਾਜ
ਅੱਜਕੱਲ੍ਹ ਸਿਹਤ ਨਾਲ ਜੁੜੀਆਂ ਕਈ ਸਮੱਸਿਆਵਾਂ ਤੇਜ਼ੀ ਨਾਲ ਵਧ ਰਹੀਆਂ ਹਨ। ਇਨ੍ਹਾਂ ਵਿੱਚੋਂ ਇੱਕ ਆਮ ਪਰ ਗੰਭੀਰ ਸਮੱਸਿਆ ਹੈ — ਭੁੱਖ ਨਾ ਲੱਗਣੀ। ਕਈ ਲੋਕਾਂ ਨੂੰ ਜਿੱਥੇ ਜ਼ਰੂਰਤ ਤੋਂ ਵੱਧ ਭੁੱਖ ਲੱਗਦੀ ਹੈ, ਉਥੇ ਕਈ ਹੋਰ ਲੋਕਾਂ ਦੀ ਭੁੱਖ ਇਕਦਮ ਖਤਮ ਹੋ ਜਾਂਦੀ ਹੈ। ਅਜਿਹੀ ਹਾਲਤ ਵਿੱਚ ਥੋੜ੍ਹਾ ਜਿਹਾ ਖਾਣ ਨਾਲ ਹੀ ਪੇਟ ਭਰ ਜਾਂਦਾ ਹੈ, ਜੋ ਕਿ ਸਰੀਰ ਵਿੱਚ ਪੋਸ਼ਕ ਤੱਤਾਂ ਦੀ ਕਮੀ ਵੱਲ ਇਸ਼ਾਰਾ ਕਰ ਸਕਦਾ ਹੈ।
ਇਸ ਤਰ੍ਹਾਂ ਦੀ ਭੁੱਖ ਘਟਣ ਦੀ ਪਿੱਛੇ ਇੱਕ ਮਹੱਤਵਪੂਰਨ ਕਾਰਨ ਵਿਟਾਮਿਨ B1 ਜਾਂ ਥਾਇਮਿਨ ਦੀ ਕਮੀ ਹੋ ਸਕਦੀ ਹੈ। ਯੂ.ਐੱਸ. ਨੈਸ਼ਨਲ ਸੈਂਟਰ ਫਾਰ ਬਾਇਓਟੈਕਨਾਲੋਜੀ ਇਨਫਰਮੇਸ਼ਨ (NCBI) ਦੀ ਰਿਪੋਰਟ ਮੁਤਾਬਕ ਇਹ ਸਮੱਸਿਆ ਖਾਸ ਕਰਕੇ ਬੱਚਿਆਂ, ਬਜ਼ੁਰਗਾਂ ਅਤੇ ਹੁਣ ਨੌਜਵਾਨਾਂ ਵਿੱਚ ਵੀ ਵਧ ਰਹੀ ਹੈ।
ਵਿਟਾਮਿਨ B1 ਦੀ ਭੂਮਿਕਾ ਕੀ ਹੈ?
ਥਾਇਮਿਨ ਸਰੀਰ ਦੇ ਮੈਟਾਬੋਲਿਜ਼ਮ ਨੂੰ ਕੰਟਰੋਲ ਕਰਦਾ ਹੈ ਅਤੇ ਭੋਜਨ ਨੂੰ ਊਰਜਾ ਵਿੱਚ ਤਬਦੀਲ ਕਰਨ ਵਿੱਚ ਸਹਾਇਕ ਹੁੰਦਾ ਹੈ। ਇਹ ਵਿਟਾਮਿਨ ਨਰਵਸ ਸਿਸਟਮ, ਹਜ਼ਮ ਪ੍ਰਣਾਲੀ ਅਤੇ ਮਾਸਪੇਸ਼ੀਆਂ ਦੀ ਸਹੀ ਕਾਰਗੁਜ਼ਾਰੀ ਲਈ ਲਾਜ਼ਮੀ ਹੈ। ਇਸ ਦੀ ਕਮੀ ਨਾਲ ਭੁੱਖ ਘੱਟ ਹੋਣ ਦੇ ਨਾਲ ਨਾਲ ਥਕਾਵਟ, ਚਿੜਚਿੜਾਪਨ, ਮਾਨਸਿਕ ਉਲਝਣ ਅਤੇ ਕਮਜ਼ੋਰੀ ਵੀ ਆ ਸਕਦੀ ਹੈ।
ਵਿਟਾਮਿਨ B1 ਦੀ ਕਮੀ ਨੂੰ ਕਿਵੇਂ ਦੂਰ ਕਰੀਏ?
ਸਿਹਤ ਮਾਹਿਰਾਂ ਅਨੁਸਾਰ, ਆਪਣੀ ਖੁਰਾਕ ‘ਚ ਹੇਠ ਲਿਖੀਆਂ ਚੀਜ਼ਾਂ ਸ਼ਾਮਲ ਕਰਕੇ ਇਸ ਵਿਟਾਮਿਨ ਦੀ ਕਮੀ ਤੋਂ ਬਚਿਆ ਜਾ ਸਕਦਾ ਹੈ:
-
ਸਾਬਤ ਅਨਾਜ (ਭੂਰੇ ਚਾਵਲ, ਗੇਹੂੰ)
-
ਦਾਲਾਂ ਤੇ ਹਰੀਆਂ ਸਬਜ਼ੀਆਂ
-
ਅਖਰੋਟ, ਮੂੰਗਫਲੀ, ਬੀਜ
-
ਅੰਡੇ ਅਤੇ ਡੇਅਰੀ ਉਤਪਾਦ
-
ਮੱਛੀ ਅਤੇ ਚਿਕਨ (ਮਾਸਾਹਾਰੀ ਲੋਕਾਂ ਲਈ)
ਜੇਕਰ ਖੁਰਾਕ ਰਾਹੀਂ ਥਾਇਮਿਨ ਦੀ ਲੋੜ ਪੂਰੀ ਨਾ ਹੋ ਰਹੀ ਹੋਵੇ ਤਾਂ ਡਾਕਟਰ ਦੀ ਸਲਾਹ ਲੈ ਕੇ ਸਪਲੀਮੈਂਟਸ ਲਏ ਜਾ ਸਕਦੇ ਹਨ। ਪਰ ਯਾਦ ਰੱਖੋ — ਆਪਣੇ ਆਪ ਸਪਲੀਮੈਂਟ ਨਾ ਲਓ, ਇਹ ਨੁਕਸਾਨਦਾਇਕ ਹੋ ਸਕਦਾ ਹੈ।
ਭੁੱਖ ਘਟਣ ਦੇ ਹੋਰ ਕਾਰਨ ਵੀ ਹਨ
ਭੁੱਖ ਨਾ ਲੱਗਣ ਦੀ ਸਮੱਸਿਆ ਸਿਰਫ਼ ਵਿਟਾਮਿਨ ਦੀ ਘਾਟ ਕਰਕੇ ਹੀ ਨਹੀਂ ਹੁੰਦੀ। ਇਹ ਤਣਾਅ, ਨੀਂਦ ਦੀ ਕਮੀ, ਠੀਕ ਨਾ ਰੁਟੀਨ, ਅਤੇ ਖ਼ਰਾਬ ਜੀਵਨ ਸ਼ੈਲੀ ਕਾਰਨ ਵੀ ਹੋ ਸਕਦੀ ਹੈ। ਇਸ ਲਈ ਜੇ ਤੁਸੀਂ ਲੰਬੇ ਸਮੇਂ ਤੋਂ ਭੁੱਖ ਦੀ ਘਟ ਵੱਲ ਧਿਆਨ ਦੇਖ ਰਹੇ ਹੋ, ਤਾਂ ਮਾਹਿਰ ਡਾਕਟਰ ਦੀ ਸਲਾਹ ਲੈਣਾ ਬੇਹੱਦ ਜ਼ਰੂਰੀ ਹੈ।
