ਕਰਨਾਲ 24 Nov 2025 AJ DI Awaaj
Haryana Desk : ਕਰਨਾਲ ਦੇ ਸੁਭਾਸ਼ ਕਲੋਨੀ ਵਿੱਚ ਐਤਵਾਰ ਸਵੇਰੇ ਵਿਆਹ ਦੀਆਂ ਤਿਆਰੀਆਂ ਕਰ ਰਹੇ ਪਰਿਵਾਰ ‘ਤੇ ਹਥਿਆ*ਰਬੰਦ ਅਪਰਾਧੀਆਂ ਨੇ ਧਾਅ ਬੋਲ ਦਿਤਾ। ਪੰਜ ਹਮਲਾਵਰ ਲਗਭਗ 8:30 ਵਜੇ ਪੀਡਬਲਯੂਡੀ ਠੇਕੇਦਾਰ ਮਨੋਜ ਪਸਰੀਚਾ ਦੇ ਘਰ ਵਿੱਚ ਜਬਰਦਸਤ ਦਾਖਲ ਹੋਏ ਅਤੇ ਬੰਦੂ*ਕ ਦੀ ਨੋਕ ‘ਤੇ ਪੂਰੇ ਪਰਿਵਾਰ ਨੂੰ ਬੰਧਕ ਬਣਾ ਲਿਆ।
ਅਪਰਾਧੀਆਂ ਨੇ ਘਰ ਤੋਂ ਲੱਖਾਂ ਰੁਪਏ ਦੇ ਗਹਿਣੇ ਅਤੇ ਨਕਦੀ ਲੁੱਟ ਲਈ। ਭੱਜਦਿਆਂ ਉਨ੍ਹਾਂ ਨੇ ਮਨੋਜ ਪਸਰੀਚਾ ਦੇ ਭਤੀਜੇ ਅਤੇ ਆਸਟ੍ਰੇਲੀਆ ਤੋਂ ਵਿਆਹ ਲਈ ਆਏ ਆਦਿਤਿਆ ਪਸਰੀਚਾ ਨੂੰ ਗੋ*ਲੀ ਮਾਰ ਦਿੱਤੀ। ਆਦਿਤਿਆ ਦਾ ਵਿਆਹ 4 ਦਸੰਬਰ ਨੂੰ ਹੋਣਾ ਸੀ।
ਜ਼*ਖਮੀ ਲਾੜਾ ਹਸਪਤਾਲ ‘ਚ ਦਾਖਲ
ਆਦਿਤਿਆ ਨੂੰ ਗੰਭੀਰ ਹਾਲਤ ਵਿੱਚ ਨਿੱਜੀ ਹਸਪਤਾਲ ਭਰਤੀ ਕਰਵਾਇਆ ਗਿਆ ਹੈ, ਜਿੱਥੇ ਉਸ ਦਾ ਇਲਾਜ ਜਾਰੀ ਹੈ। ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਪੁਲਿਸ ਸੁਪਰਡੈਂਟ ਗੰਗਾਰਾਮ ਪੂਨੀਆ ਅਤੇ ਸੀਆਈਏ ਤੇ ਸਿਵਲ ਲਾਈਨਜ਼ ਪੁਲਿਸ ਦੀ ਟੀਮ ਮੌਕੇ ‘ਤੇ ਪਹੁੰਚੀ। ਐਫਐਸਐਲ ਟੀਮ ਨੇ ਵੀ ਸਬੂਤ ਇਕੱਠੇ ਕੀਤੇ।
ਸੀਸੀਟੀਵੀ ਡੀਵੀਆਰ ਵੀ ਲੈ ਗਏ ਹਮਲਾਵਰ
ਲੁੱਟਪਾਟ ਤੋਂ ਬਾਅਦ ਅਪਰਾਧੀ ਘਰ ਤੋਂ ਕਾਰ ਅਤੇ ਸੀਸੀਟੀਵੀ ਕੈਮਰਿਆਂ ਦਾ ਡੀਵੀਆਰ ਲੈ ਕੇ ਫਰਾਰ ਹੋ ਗਏ। ਸ਼ਹਿਰ ਵਿੱਚ ਨਾਕਾਬੰਦੀ ਕੀਤੀ ਗਈ ਹੈ। ਪਤਾ ਲੱਗਿਆ ਹੈ ਕਿ ਹਮਲਾਵਰ ਆਈਟੀਆਈ ਚੌਕ ਨੇੜੇ ਕਾਰ ਛੱਡ ਕੇ ਭੱਜੇ ਹਨ।
ਸਥਾਨਕ ਰਹਿਣ ਵਾਲਿਆਂ ਮੁਤਾਬਕ ਸੁਭਾਸ਼ ਕਲੋਨੀ ਵਰਗੇ ਸ਼ਾਂਤ ਅਤੇ ਪੌਸ਼ ਇਲਾਕੇ ਵਿੱਚ ਅਜਿਹੀ ਦਿਨ-ਦਿਹਾੜੇ ਲੁੱਟ ਪਹਿਲਾਂ ਕਦੇ ਨਹੀਂ ਵਾਪਰੀ। ਪੁਲਿਸ ਵੱਲੋਂ ਕਲੋਨੀ ਤੋਂ ਨਿਕਲਣ ਵਾਲੀਆਂ ਸਾਰੀਆਂ ਸੜਕਾਂ ਦੇ ਸੀਸੀਟੀਵੀ ਫੁਟੇਜ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਪੁਲਿਸ ਦੇ ਅਨੁਸਾਰ, ਹਮਲਾਵਰ ਸਵੇਰੇ 8:20 ਵਜੇ ਘਰ ਵਿੱਚ ਦਾਖਲ ਹੋਏ, ਪਰਿਵਾਰ ਨੂੰ ਇੱਕ ਕਮਰੇ ਵਿੱਚ ਬੰਦ ਕੀਤਾ ਅਤੇ ਗੋਲੀਆਂ ਚਲਾਉਂਦੇ ਹੋਏ ਲੁੱਟਪਾਟ ਕਰਦੇ ਰਹੇ। ਹਮਲਾਵਰਾਂ ਦੀ ਤਲਾਸ਼ ਲਈ ਵੱਡੇ ਪੱਧਰ ‘ਤੇ ਖੋਜ ਮੁਹਿੰਮ ਜਾਰੀ ਹੈ।
