27 ਨਵੰਬਰ, 2025 ਅਜ ਦੀ ਆਵਾਜ਼
Education Desk: ਜਵਾਹਰਲਾਲ ਨੇਹਰੂ ਯੂਨੀਵਰਸਿਟੀ (JNU) ਨੇ ਵਿਂਟਰ ਸੈਮਿਸਟਰ ਲਈ ਪੀਐਚਡੀ ਦਾਖਲਿਆਂ ਦੇ ਦੂਜੇ ਫੇਜ਼ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ। ਯੂਨੀਵਰਸਿਟੀ ਵੱਲੋਂ ਇਸ ਬਾਰੇ ਅਧਿਸੂਚਨਾ ਜਾਰੀ ਕਰ ਦਿੱਤੀ ਗਈ ਹੈ। ਇੱਛੁਕ ਉਮੀਦਵਾਰ 3 ਦਸੰਬਰ 2025 ਤੱਕ ਔਨਲਾਈਨ ਅਰਜ਼ੀ ਭਰ ਸਕਦੇ ਹਨ। ਇਸ ਲਈ https://jnuee.jnu.ac.in/
‘ਤੇ ਜਾ ਕੇ ਫਾਰਮ ਭਰਨਾ ਹੋਵੇਗਾ।
ਉਮੀਦਵਾਰ ਆਪਣੇ ਫਾਰਮ ਵਿੱਚ ਹੋਈ ਕੋਈ ਵੀ ਗਲਤੀ 4 ਅਤੇ 5 ਦਸੰਬਰ ਨੂੰ ਠੀਕ ਕਰ ਸਕਣਗੇ। ਪੀਐਚਡੀ ਦਾਖਲਿਆਂ ਲਈ ਵਾਇਵਾ 19 ਤੋਂ 23 ਦਸੰਬਰ ਦੇ ਵਿਚਕਾਰ ਲਿਆ ਜਾਵੇਗਾ। ਪਹਿਲੀ ਮੈਰਿਟ ਲਿਸਟ 2 ਜਨਵਰੀ ਨੂੰ ਜਾਰੀ ਹੋਏਗੀ। ਇਸ ਤੋਂ ਬਾਅਦ 2 ਤੋਂ 4 ਜਨਵਰੀ ਤੱਕ ਪ੍ਰੀ-ਇਨਰੋਲਮੈਂਟ ਪੰਜੀਕਰਨ, ਸੀਟ ਬਲੋਕ ਅਤੇ ਫੀਸ ਜਮ੍ਹਾਂ ਕਰਵਾਉਣ ਦੀ ਪ੍ਰਕਿਰਿਆ ਪੂਰੀ ਹੋਏਗੀ। ਦਾਖਲਾ ਵੇਰੀਫਿਕੇਸ਼ਨ 8 ਅਤੇ 9 ਜਨਵਰੀ ਨੂੰ ਹੋਵੇਗਾ।
ਦੂਜੀ ਅਤੇ ਤੀਜੀ ਮੈਰਿਟ ਲਿਸਟ
JNU 16 ਜਨਵਰੀ ਨੂੰ ਦੂਜੀ ਮੈਰਿਟ ਲਿਸਟ ਜਾਰੀ ਕਰੇਗਾ। ਇਸ ਸੂਚੀ ਵਿੱਚ ਚੁਣੇ ਗਏ ਉਮੀਦਵਾਰ 16 ਤੋਂ 18 ਜਨਵਰੀ ਤੱਕ ਰਜਿਸਟ੍ਰੇਸ਼ਨ ਕਰ ਸਕਣਗੇ। ਵੇਰੀਫਿਕੇਸ਼ਨ 22 ਜਨਵਰੀ ਨੂੰ ਹੋਵੇਗਾ।
ਅੰਤਿਮ ਅਤੇ ਤੀਜੀ ਮੈਰਿਟ ਲਿਸਟ 29 ਜਨਵਰੀ ਨੂੰ ਜਾਰੀ ਕੀਤੀ ਜਾਵੇਗੀ ਅਤੇ ਦਾਖਲੇ 29 ਅਤੇ 31 ਜਨਵਰੀ ਨੂੰ ਕੀਤੇ ਜਾਣਗੇ।
ਪੀਐਚਡੀ ਦਾਖਲੇ ਲਈ NET/JRF/GATE ਕਲੀਅਰ ਕਰਨਾ ਲਾਜ਼ਮੀ ਹੈ। ਯੂਨੀਵਰਸਿਟੀ ਆਪਣੇ 21 ਸੈਂਟਰ ਅਤੇ ਸਪੈਸ਼ਲ ਸੈਂਟਰ ਵਿੱਚ ਦਾਖਲੇ ਦਾ ਮੌਕਾ ਦੇ ਰਹੀ ਹੈ।
ਵਿਦੇਸ਼ੀ ਵਿਦਿਆਰਥੀਆਂ ਲਈ ਵੀ ਮੌਕਾ
ਇਸ ਵਾਰ JNU ਨੇ ਪੀਐਚਡੀ ਦਾਖਲੇ ਲਈ ਵਿਦੇਸ਼ੀ ਸਟੂਡੈਂਟਸ ਨੂੰ ਵੀ ਅਰਜ਼ੀ ਦੇਣ ਦਾ ਮੌਕਾ ਦਿੱਤਾ ਹੈ। ਵਿਦੇਸ਼ੀ ਉਮੀਦਵਾਰਾਂ ਲਈ ਈ-ਪ੍ਰੋਸਪੈਕਟਸ jnu.ac.in/admission/internatio ਲਿੰਕ ‘ਤੇ ਉਪਲਬਧ ਹੈ। ਉਮੀਦਵਾਰ ਵੈੱਬਸਾਈਟ ਤੋਂ ਫਾਰਮ ਡਾਊਨਲੋਡ ਕਰਕੇ, ਪੋਸਟ ਜਾਂ ਈਮੇਲ ਰਾਹੀਂ ਆਪਣੀ ਅਰਜ਼ੀ ਭੇਜ ਸਕਣਗੇ।
