09 ਅਪ੍ਰੈਲ, 2026 Aj Di Awaaj
ਸਪੋਰਟਸ ਡੈਸਕ: ਗੁਜਰਾਤ ਟਾਈਟਨਜ਼ ਦੇ ਕਪਤਾਨ ਸ਼ੁਭਮਨ ਗਿੱਲ ਨੂੰ ਆਪਣੀ ਟੀਮ ਦੀ ਪਹਿਲੀ ਜਿੱਤ ਦੇ ਤੁਰੰਤ ਬਾਅਦ ਵੱਡਾ ਝਟਕਾ ਲੱਗਿਆ ਹੈ। Board of Control for Cricket in India (BCCI) ਨੇ ਉਨ੍ਹਾਂ ‘ਤੇ ₹12 ਲੱਖ ਦਾ ਜੁਰਮਾਨਾ ਲਗਾਇਆ ਹੈ।
ਇਹ ਕਾਰਵਾਈ Delhi Capitals vs Gujarat Titans IPL match 2026 ਦੌਰਾਨ ਹੌਲੀ ਓਵਰ-ਰੇਟ ਬਣਾਈ ਰੱਖਣ ਕਾਰਨ ਕੀਤੀ ਗਈ। ਆਈਪੀਐਲ ਦੇ ਨਿਯਮਾਂ ਮੁਤਾਬਕ, ਹਰ ਟੀਮ ਨੂੰ ਨਿਰਧਾਰਤ ਸਮੇਂ ਅੰਦਰ ਆਪਣੇ 20 ਓਵਰ ਪੂਰੇ ਕਰਨੇ ਹੁੰਦੇ ਹਨ। ਇਸ ਵਿੱਚ ਨਾਕਾਮ ਰਹਿਣ ‘ਤੇ ਕਪਤਾਨ ਨੂੰ ਸਜ਼ਾ ਮਿਲਦੀ ਹੈ।
ਮੈਚ ਦੀ ਗੱਲ ਕਰੀਏ ਤਾਂ ਗੁਜਰਾਤ ਟਾਈਟਨਜ਼ ਨੇ ਦਿੱਲੀ ਕੈਪੀਟਲਜ਼ ਨੂੰ ਆਖਰੀ ਗੇਂਦ ‘ਤੇ ਇੱਕ ਦੌੜ ਨਾਲ ਹਰਾ ਕੇ ਸੀਜ਼ਨ ਦੀ ਪਹਿਲੀ ਜਿੱਤ ਦਰਜ ਕੀਤੀ। ਦਿੱਲੀ ਟੀਮ 211 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ 209 ਦੌੜਾਂ ‘ਤੇ ਹੀ ਰੁਕ ਗਈ।
ਆਈਪੀਐਲ ਨਿਯਮਾਂ ਅਨੁਸਾਰ:
- ਪਹਿਲੀ ਵਾਰ ਹੌਲੀ ਓਵਰ-ਰੇਟ ‘ਤੇ ਕਪਤਾਨ ਨੂੰ ₹12 ਲੱਖ ਜੁਰਮਾਨਾ
- ਦੂਜੀ ਵਾਰ ₹24 ਲੱਖ ਜੁਰਮਾਨਾ
- ਤੀਜੀ ਵਾਰ ਮੈਚ ਬੈਨ ਦੇ ਨਾਲ ਵੱਡੀ ਕਾਰਵਾਈ
ਹੁਣ ਗੁਜਰਾਤ ਟਾਈਟਨਜ਼ ਆਪਣਾ ਅਗਲਾ ਮੈਚ ਲਖਨਊ ਸੁਪਰ ਜਾਇੰਟਸ ਵਿਰੁੱਧ ਖੇਡੇਗੀ, ਜਿੱਥੇ ਟੀਮ ਇਸ ਜਿੱਤ ਦੀ ਲਹਿਰ ਜਾਰੀ ਰੱਖਣ ਦੀ ਕੋਸ਼ਿਸ਼ ਕਰੇਗੀ।
