14November 2025 Aj Di Awaaj
National Desk ਭਾਰਤ ਦੇ ਕਾਰਬਨ ਡਾਇਆਕਸਾਈਡ ਨਿਕਾਸ ਵਿੱਚ ਇਸ ਸਾਲ ਪਿਛਲੇ ਕੁਝ ਸਾਲਾਂ ਦੇ ਮੁਕਾਬਲੇ ਕਮੀ ਦਰਜ ਕੀਤੀ ਗਈ ਹੈ। 130 ਤੋਂ ਵੱਧ ਜਲਵਾਯੂ ਵਿਗਿਆਨੀਆਂ ਅਤੇ ਖੇਜ ਸੰਸਥਾਵਾਂ ਦੇ ਇਕ ਵਿਸ਼ਵ ਪੱਧਰੀ ਨੈੱਟਵਰਕ ਵੱਲੋਂ ਵੀਰਵਾਰ ਨੂੰ ਜਾਰੀ ਕੀਤੀ ਰਿਪੋਰਟ ਵਿੱਚ ਇਹ ਜਾਣਕਾਰੀ ਸਾਹਮਣੇ ਆਈ ਹੈ। ਰਿਪੋਰਟ ਅਨੁਸਾਰ, 2025 ਵਿੱਚ ਭਾਰਤ ਦੇ ਕਾਰਬਨ ਡਾਇਆਕਸਾਈਡ ਨਿਕਾਸ ਵਿੱਚ 1.4 ਫੀਸਦੀ ਵਾਧੇ ਦਾ ਅੰਦਾਜ਼ਾ ਹੈ, ਜੋ ਪਿਛਲੇ ਸਾਲਾਂ ਦੇ ਮੁਕਾਬਲੇ ਹੌਲਾ ਵਾਧਾ ਦਿਖਾਉਂਦਾ ਹੈ।
ਬ੍ਰਾਜ਼ੀਲ ਦੇ ਬੇਲੇਮ ਵਿੱਚ ਕਾਪ-30 ਦੌਰਾਨ ਜਾਰੀ ਕੀਤੀ ਗਈ ‘ਵਿਸ਼ਵ ਪੱਧਰੀ ਕਾਰਬਨ ਬਜਟ 2025’ ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ ਮੌਨਸੂਨ ਦੇ ਜਲਦੀ ਆਉਣ ਨਾਲ ਕਾਰਬਨ ਡਾਇਆਕਸਾਈਡ ਨਿਕਾਸ ਵਿੱਚ ਕਮੀ ਆਈ ਹੈ। ਇਸ ਦੇ ਨਾਲ, ਨਵੀਨੀਕਰਨਯੋਗ ਊਰਜਾ ਦੇ ਵਰਤੋਂ ਵਿੱਚ ਤੇਜ਼ੀ ਨਾਲ ਵਾਧਾ ਹੋਇਆ, ਜਿਸ ਕਾਰਨ ਕੋਲੇ ਦੀ ਖਪਤ ਲਗਭਗ ਸਥਿਰ ਰਹੀ। ਹਾਲਾਂਕਿ ਇਹ ਕਮੀ ਇੱਕ ਸਕਾਰਾਤਮਕ ਸੰਕੇਤ ਹੈ, ਫਿਰ ਵੀ ਰਿਪੋਰਟ ਨੇ ਚੇਤਾਵਨੀ ਦਿੱਤੀ ਹੈ ਕਿ ਭਾਰਤ ਦਾ ਕੁੱਲ ਕਾਰਬਨ ਡਾਇਆਕਸਾਈਡ ਨਿਕਾਸ ਅੱਗੇ ਵੀ ਵਧਦਾ ਰਹੇਗਾ।
ਰਿਪੋਰਟ ਦੇ ਲੇਖਕ ਪੀਅਰੇ ਫ੍ਰਾਈਡਲਿੰਗਸਟੀਨ ਨੇ ਕਿਹਾ ਕਿ ਕਾਰਬਨ ਡਾਇਆਕਸਾਈਡ ਨਿਕਾਸ ਵਿੱਚ ਵਾਧਾ ਜਾਰੀ ਹੈ, ਇਸ ਲਈ ਵਿਸ਼ਵ ਤਾਪਮਾਨ ਨੂੰ 1.5 ਡਿਗਰੀ ਸੈਲਸੀਅਸ ਤੋਂ ਹੇਠਾਂ ਰੱਖਣਾ “ਹੁਣ ਸੰਭਵ ਨਹੀਂ ਰਹਿਆ।” ਰਿਪੋਰਟ ਵਿੱਚ ਇਹ ਵੀ ਦਰਸਾਇਆ ਗਿਆ ਹੈ ਕਿ 2024 ਤੋਂ 2025 ਦੇ ਵਿਚਕਾਰ 35 ਦੇਸ਼ ਆਪਣੇ ਅਰਥਤੰਤਰ ਦਾ ਵਿਸਥਾਰ ਕਰਦੇ ਹੋਏ ਵੀ ਨਿਕਾਸ ਘਟਾਉਣ ਵਿੱਚ ਕਾਮਯਾਬ ਹੋਏ ਹਨ।
