04 ਦਸੰਬਰ, 2025 ਅਜ ਦੀ ਆਵਾਜ਼
Sports Desk: ਭਾਰਤੀ ਤੇਜ਼ ਗੇਂਦਬਾਜ਼ ਮੋਹਿਤ ਸ਼ਰਮਾ ਨੇ ਸੋਸ਼ਲ ਮੀਡੀਆ ‘ਤੇ ਕ੍ਰਿਕਟ ਦੇ ਸਾਰੇ ਫਾਰਮੈਟਾਂ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕਰ ਦਿੱਤਾ। 34 ਅੰਤਰਰਾਸ਼ਟਰੀ ਮੈਚਾਂ ਅਤੇ ਆਈਪੀਐਲ (ਇੰਡੀਅਨ ਪ੍ਰੀਮੀਅਰ ਲੀਗ) ਵਿੱਚ ਕਈ ਮੈਚ ਖੇਡਣ ਤੋਂ ਬਾਅਦ, ਮੋਹਿਤ ਨੇ ਆਪਣਾ ਫੈਸਲਾ ਪ੍ਰਸ਼ੰਸਕਾਂ ਨਾਲ ਸਾਂਝਾ ਕੀਤਾ।
ਉਨ੍ਹਾਂ ਨੇ ਇੰਸਟਾਗ੍ਰਾਮ ‘ਤੇ ਭਾਵੁਕ ਪੋਸਟ ਵਿੱਚ ਆਪਣੇ ਪ੍ਰਸ਼ੰਸਕਾਂ ਦਾ ਧੰਨਵਾਦ ਕੀਤਾ ਅਤੇ ਮੈਦਾਨ ‘ਤੇ ਬਿਤਾਏ ਸਮੇਂ ਲਈ ਹਰਿਆਣਾ ਕ੍ਰਿਕਟ ਐਸੋਸੀਏਸ਼ਨ ਦਾ ਵਿਸ਼ੇਸ਼ ਸ਼ੁਕਰੀਆ ਪ੍ਰਗਟ ਕੀਤਾ। ਮੋਹਿਤ ਨੇ 2015 ਵਿੱਚ ਆਖ਼ਰੀ ਵਾਰ ਭਾਰਤੀ ਟੀਮ ਲਈ ਖੇਡਿਆ ਸੀ, ਜਿਸ ਦੌਰਾਨ ਉਨ੍ਹਾਂ ਨੇ 26 ਵਨਡੇ ਅਤੇ 8 ਟੀ-20I ਮੈਚ ਖੇਡੇ, ਜਿਨ੍ਹਾਂ ਵਿੱਚ 31 ਅਤੇ 6 ਵਿਕਟਾਂ ਲਈਆਂ।
ਉਨ੍ਹਾਂ ਨੇ ਪੋਸਟ ਵਿੱਚ ਲਿਖਿਆ, “ਹਰਿਆਣਾ ਦੀ ਨੁਮਾਇੰਦਗੀ ਕਰਨ ਤੋਂ ਲੈ ਕੇ ਭਾਰਤੀ ਟੀਮ ਦੀ ਜਰਸੀ ਪਹਿਨਣ ਅਤੇ ਆਈਪੀਐਲ ਵਿੱਚ ਖੇਡਣ ਤੱਕ ਦਾ ਇਹ ਸਫ਼ਰ ਕਿਸੇ ਵਰਦਾਨ ਤੋਂ ਘੱਟ ਨਹੀਂ ਰਿਹਾ। ਮੇਰੇ ਕੋਚ, ਸਾਥੀ ਖਿਡਾਰੀ, ਬੀਸੀਸੀਐਈ, ਆਈਪੀਐਲ ਫਰੈਂਚਾਇਜ਼ੀ, ਸਹਿਯੋਗੀ ਸਟਾਫ ਅਤੇ ਮੇਰੀ ਪਤਨੀ ਦਾ ਵਿਸ਼ੇਸ਼ ਧੰਨਵਾਦ, ਜਿਨ੍ਹਾਂ ਨੇ ਹਰ ਹਾਲਾਤ ਵਿੱਚ ਮੇਰਾ ਸਾਥ ਦਿੱਤਾ। ਮੈਂ ਖੇਡ ਨੂੰ ਨਵੇਂ ਤਰੀਕੇ ਨਾਲ ਸਮਰਪਿਤ ਕਰਨ ਲਈ ਉਤਸੁਕ ਹਾਂ।”
ਮੋਹਿਤ ਸ਼ਰਮਾ 2015 ਵਿਸ਼ਵ ਕੱਪ ਲਈ ਭਾਰਤੀ ਟੀਮ ਵਿੱਚ ਚੁਣੇ ਗਏ ਸਨ ਅਤੇ ਗੁਜਰਾਤ ਟਾਈਟਨਜ਼ ਵਿੱਚ ਆਈਪੀਐਲ ਖੇਡਿਆ। ਉਨ੍ਹਾਂ ਦਾ ਕਰੀਅਰ ਛੋਟਾ ਰਹੇ ਬਾਵਜੂਦ, ਮੈਦਾਨ ‘ਤੇ ਉਹ ਭਾਰਤੀ ਕ੍ਰਿਕਟ ਦੇ ਯਾਦਗਾਰ ਪਲਾਂ ਵਿੱਚ ਹਿੱਸਾ ਬਣੇ।
