India 11 Dec 2025 AJ DI Awaaj
Sports Desk : ਭਾਰਤ ਨੇ ਜੂਨੀਅਰ ਹਾਕੀ ਵਰਲਡ ਕੱਪ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ 9 ਸਾਲ ਬਾਅਦ ਕਾਂਸੀ ਦਾ ਤਗਮਾ ਆਪਣੇ ਨਾਮ ਕੀਤਾ। ਭਾਰਤੀ ਜੂਨੀਅਰ ਟੀਮ ਨੇ ਮੁਕਾਬਲੇ ਦੇ ਆਖਰੀ 11 ਮਿੰਟਾਂ ਵਿੱਚ ਧਮਾਕੇਦਾਰ ਵਾਪਸੀ ਕਰਦਿਆਂ 2021 ਦੀ ਚੈਂਪੀਅਨ ਅਰਜਨਟੀਨਾ ਨੂੰ 4-2 ਨਾਲ ਹਰਾਇਆ।
2016 ਤੋਂ ਬਾਅਦ ਭਾਰਤ ਦਾ ਇਹ ਪਹਿਲਾ ਮੈਡਲ ਹੈ। ਪਿਛਲੇ ਦੋ ਸੰਸਕਰਣਾਂ ਵਿੱਚ ਭਾਰਤ ਕਾਂਸੀ ਦਾ ਮੈਚ ਹਾਰ ਕੇ ਚੌਥੇ ਸਥਾਨ ‘ਤੇ ਰਿਹਾ ਸੀ। ਤਿੰਨ ਕਵਾਰਟਰ ਤੱਕ 0-2 ਨਾਲ ਪਿੱਛੇ ਰਹਿਣ ਵਾਲੀ ਭਾਰਤੀ ਟੀਮ ਨੇ ਮੇਅਰ ਰਾਧਾਕ੍ਰਿਸ਼ਣਨ ਸਟੇਡੀਅਮ ਵਿੱਚ ਭਰੇ ਪ੍ਰੇਸ਼ਰ ਦੇ ਬਾਵਜੂਦ ਜੋਸ਼ੀਲਾ ਜਜ਼ਬਾ ਦਿਖਾਇਆ ਅਤੇ 11 ਮਿੰਟਾਂ ਵਿੱਚ 4 ਗੋਲ ਕਰਕੇ ਮੁਕਾਬਲਾ ਪਲਟ ਦਿੱਤਾ।
ਭਾਰਤ ਵਾਸਤੇ ਅੰਕਿਤ ਪਾਲ (9ਵੀਂ ਮਿੰਟ), ਮਨਮੀਤ ਸਿੰਘ (52ਵੀਂ), ਸ਼ਾਰਦਾਨੰਦ ਤਿਵਾਰੀ (57ਵੀਂ) ਅਤੇ ਅਨਮੋਲ ਇੱਕਾ (58ਵੀਂ) ਨੇ ਗੋਲ ਦਾਗੇ। ਅਰਜਨਟੀਨਾ ਵਾਸਤੇ ਨਿਕੋਲਸ ਰੌਦ੍ਰਿਗੇਜ਼ (5ਵੀਂ) ਅਤੇ ਸੈਂਟੀਆਗੋ ਫਰਨਾਂਡੇਜ਼ (44ਵੀਂ) ਨੇ ਗੋਲ ਕੀਤੇ।
ਭਾਰਤ ਦੀ ਇਸ ਜਿੱਤ ਤੋਂ ਬਾਅਦ ਹਾਕੀ ਇੰਡੀਆ ਨੇ ਟੀਮ ਦੇ ਹਰ ਖਿਡਾਰੀ ਲਈ 5 ਲੱਖ ਰੁਪਏ ਦੇ ਇਨਾਮ ਦਾ ਐਲਾਨ ਕੀਤਾ ਹੈ, ਜਦਕਿ ਸਪੋਰਟਿੰਗ ਸਟਾਫ ਨੂੰ 2.5 ਲੱਖ ਰੁਪਏ ਪ੍ਰਦਾਨ ਕੀਤੇ ਜਾਣਗੇ।
